Karya sastra Buddhis

GALANG SASIH

karya: Alm. Sri Pandita Buddha Rakshita

PUPUH SINOM

1.      Astawa namo Buddhaya, pamujin titiang ping rihin,jeng palungguh sanghyang Buddha ,Sang molih penerangan jati, Nirbana sampun kepanggih,taler kanken guru agung , para dewa satwa jana, ring kawicaksanan sami, ida nunggal ,tuhu sangkyating sampurna.

Artinya

Namo buddhaya, terpujilah sang Buddha yang mencapai penerangan sempurna, mencapai nirbana, guru agung bagi para dewa , manusia dan binatang,dengan segala kebijaksanaannya beliau adalah maha tunggal yang maha sempurna.

2.      Ring ida aturang titiang, dewek titiang sane banget, pangkah nyaratang maturan, tuwi nista jati, anggen cirin titiang bakti, wantah cacoretan kidung,ngiring sareng ngalimbakang, dharma sunyatane luwih,sampun kasub, pawarah hyang tathagata.

Artinya :

Kepada beliau haturkan , hamba ini memberanikan diri dengan segala kekurangan hamba ,ingin mempersembahkan berupa coretan kidung , sebagai pertanda rasa bhakti , mari kita membahas dharma kesunyataan yang pernah dibabarkan oleh sang penemu jalansang tathagata

3.       Sinah iwang tan kasidan, manut kapatutan jati,Reh nyanggra ida sang pradnyan, Antuk panguninge kincit, nging meled taler maktinin,sakantun titiyange idup, ajerih pacang katinggalan , reh urip tan pasti, janten layu , dekdek tur mabrarakan.

Artinya:

Sudah pasti banyak salah dan tidak bisa begitu sempurna,karena bertemu dengan para bijaksana yang mumpuni, karena hamba sangat terbatas pengetahuan,namun keinginan untuk berbahkti selagi hamba masih hidup tak mau ketinggalan,walaupun hidup ini serba tidak pasti dan akan hancur Berserakan.

4.       Rurung pangebaktin titiyang, GAGURITAN GALANG SASIH waluya anggen nyungjungang, pamijil hyang sakyamuni,kala nirbana kapanggih,taler kalan ida ,mantuk,nuju ring bulan purnama,wesakha tepet ring sasih,sida cakup, tigang indik mesarengan.

       Artinya :

Jalan persembahan hamba adalah geguritan GALANG SASIH,untuk mengagungkan disaat kelahiran sang sakyamuni, disaat mencapai penerangan sempurna, disaat mencapai parinirbana,yang terjadi disaat bulan purnama sidhi dibulan waisak,tiga peristiwa penting terjadi pada saat yg bersamaan.

5.      Malih anggen manyinahang, pawarah hyang Jina murti, ne mawasta kasuniyatan, terang kadi kadi galang sasih, ngawe sang lamur nyingakin,ane paling pati jukjuk, kawane pranterang corah, ne rahayu katon becik, usan bingung ,antuk tatwane utama.

Artinya:

Demikianlah juga untuk menyampaikan ajaran sang Buddha yang disebut Kesunyataan,yang begitu terang benderang bagaikan terang bulan purnama,yang buta dapat melihat,yang tersesat jalan meraba-raba,yang berbuat jahat bisa melihat kebaikan , kebingungan berakhir oleh karena menemukan ajaran yang maha utama.

6.      Margi kawitin satuayang, putu nastika ping rihin,made widya ngiringang,sameton sareng kalih, sinarengaan dane dane tangkil,nyaratang nunas pitutur,kanggen ngalipurang manah, ibuk paling manyusupin, raris matur, ring bapan dane matowang.

Artinya:

Mulai diceritakan, pada suatu ketika Putu nastika dan made Widya mereka adalah dua bersaudara bersama-sama mengahadap ayahnya minta nasehat untuk menghibur hati yang sedang galau resah dan gelisah menyusupinya, lalu memohon kepada ayahnya.

PUPUH PANGKUR

1.      Inggih bapa aksamayang,titiyang rauh, kadi mangkin mamarekin, nyadia titiang jaga matur, nguninganyang dewek titiang , taterangan, tuara titian malih kimud,reh titiang nyaratang tamba,acepan rawuhe tangkil.

               Artinya ;

Ayah maafkan saya, saya datang menghadap saat ini ,ingin menyampaikan sesuatu tentang diri saya,terus terang tidak lagi saya ada rasa malu,saya datang untuk mendapatkan obat itulah tujuan saya dating kemari.

2.      Titiang meled pacang nunas , daging tutur, anggen ngalipurang hati, pagelaran titiang idup, mangden bagia,urip titiang nuluh jagate ngelantur,sapunika ne saratang ,mugi bapa manyuecanin.

Artinya :

Saya memohon , nasehat untuk menghibur hati,untuk bekal dalam kehidupan agar menemukan kebahagiaan,kehidupan saya untuk menggapai dunia dimasa depan, itulah yang saya harapkan semoga bapak memberikannya.

3.      Wawu mangkin karasayang, solah titiang,saking nguni minab salit, tuwah sarat ngalih rahayu,ento mula dadi acepan manah titiyang , minab sareng sami patuh, pada giyet ngutsahayang, nguber rahayu digumi.

Baru sekarang menyadari langkah saya sejak dahulu mungkin salah,hanya bertujuan mendapat keselamatan,itulah tujuan utama saya, mungkin semua memiliki tujuan  yang sama,sehingga sama-sama giat mengusahakan demi keselamatan didunia ini.

4.      Punika sami ngawinang,krana laju, mangdennya sida kepanggih, sami raris pada ngepung,kandogi saling paliwat,ngajak timpal,sering jantos pati kaplug,tan ngitungin nyama braya,kewala rahayu panggih.

Artinya :

Semuanya bergerak cepat, supaya dapat dicapai, semua mengejar, tak perduli saling medahului,sampai-sampai tabark sana tabrak sini,tak perduli sanak saudara yang penting mendapatkan keselamatan.

             

5.      Yen becik pedas-pedasang, sareng sami , boya len sane kardinin, tuwah ngitungin basang seduk, imbuhin ngaturang ayah,ring I lobha wireh dane banget nguduh, mangda mamanggih kalegan, usan bendu cegak-cegik.

Artinya :

Kalau dilihat secara seksama ,tidak lain yang kita lakukan semua hanyalah memikirkan perut lapar ditambah mengabdi pada keserakahan karena dialah yang memerintahkan kita agar mendapatakan kesenangan,setlah itu marah2 dengan kasarnya.

6.      Sakeng semeng wau kedat, sampun ngripit, pitungane tuwah mamesik, gawene incegang saup,paling masepan-sepanan,kadi rasa,yen kenggatan minab lacur,pikolihe sander timpal, deweke pocol ngemesin.

Artinya :

Dari pagi baru membuka mata ,sudah mulai berfikir ,fikiran hanya tertuju pada cepat ambil kerjaan, sambil tergesa-gesa seakan-akan kalau terlambat akan menjadi miskin, keuntungan nanti di rampas teman nanti dirinya merugi.

7.      Sampunika sampun sinah, krana sami ,jeg pagrudug bangkah bingkih, sami ngepungin rahayu, nging panujune malenan, mabelasan, sami nganutin panyenggah,ngidem kedat menyaratang,paseliwer daas-diis.

Artinya :

Sudah jelas oleh karena semua sibuk kian kemari semua mengejar kesejahtraan,walaupun  arahnya berbeda, berpisah semua menikuti arahnya masing2 mata kadang terbuka dan terkatup mengharapkan,dan bahkan berseliweran sambil menggerutu.

8.       Wenten manuju nglodang, pasti ditu , kanten rahayune nyangklib,wentensaking kelod nyujur,beneng manuju ngajanang, tuwah nyaratang , mendakin sanghyang rahayu,ne kangin nuju ngawangang, ne kawuh matitis kangin.

Artinya:

Ada yang menuju arah utara pasti disana masih bersembunyi keselamatan,ada yang dari arah utara lurus menuju selata, hanya dengan tujuan menjeput yang disebut sanghyang keselamatan,yang timur menuju kebarat yang barat mengarah ketimur.

9.      Kadi sapunika nyabran, lemah peteng, paling pepes bantat bintit, nanging palannya pamuput , sami leleh mapangenan, sedih osah, reh sami tuyuhe ngapung, tuara sida mikolihang, sanghyang ayu sane pingit.

Artinya:

Demikianlah siang dan malam gelisah kian kemari naming hasilnya adalah hanya lelahdan penyesalan, sedih dan resah,sebab semua yang dikerjakan mengambang, tak bisa tidak dapat menhasilkan apa yang disebut keselamatan yg amat keramat.

10.  Asiki sane nyaratang,sanghyang ayu, mendaan carane ngalih,wenten magelar kaweruh, wenten kesaktian,kawikanan,wenten nagdu dewek teguh,ngadu corah tan kidikan,wenten papolosan malih.

Artinya:

Hanya satu yang di cari yaitu keselamatan ,namun berbeda –beda jalannya,ada yang bermodalkan pengetahuan, ada yang mengadu kesaktian, ada yang mengandalkan kepintaran, ada yang mengadu kekebalan tubuh, ada yang dengan jalan jahat yang berlebihan namun ada juga dengan kejujuran.

11.  Nanging sayan pedasang, boyo katah sida sujati manggihin, asiki matimpal siyu,manawi malih kirangan, sane sada,  nemu rahayune nulus,sida antuk mikolihang, anggen nyubagiayang urip.

Artinya :

Namun makin diperhatikan, tidak banyak sebnarnya yang bisa menemukan, satu berbanding seribu kurang lebih yang mampu mnemukan keselamatan untuk membahagiakan kehidupan ini.

12.   Bacakan nyane katah, daah –duuh, pari selsel nyakit ati, tan pangguh sane ruruh, anteng tuyuhe ngadowang jantos tua, uli cerik pati kepug,pteng lemah menyaratang,, kanti kecud berag –arig.

Artinya :

Berbagai macam yang terlihat , ada yang menjerit aduh-aduh, ada yang menyesal sakit hati karena tidak menemukan apa yang dicari, semua ushanya sia-sia hingga usia tua, dari kecil jungkir balik siang dan malam mencarinya sampai keriput kurus kering.

13.  Sapunika taler titiang, tuara bina ring sane katah digumi, diastu bapa dahat asung , ngupapira dewek titiyang, makadaduwa , nyakolahang jantos puput, makrana nyidayang , ngundukang dewek padidi.

Artinya :

Demikianlah juga kami , tidaklah berbeda dengan mereka yang ada didunia ini, meskipun ayah telah dengan ikhlas memelihara kami , menyekolahkan kami berdua sampai tamat,hingga mampu mengurus diri sendiri,

14.  Panguning titiyang punika,kanggen gelar sareng sarat ngaruruhin, ngulati sanghyang ayu, gradag-grudung ngajak timpal, pada girang, ideh-ideh manyelupsup, sami kasyane tegesang, mangda rahayune panggih.

Artinya :pengetahuan yang saya miliki saya pergunakan untuk mencari keselamatan,kesana kemari dengan teman, bergembira , kesana kesini menyusup,bersama para sahabat agar mendapatkan keselamatan

15.  Minab ditu ulap-ulap , kala ruruh, becatang nora kepanggih,ne mangkin sengguh tuhu,, tampekin alonalonang taler boya,sami pakardine puyung,kasad-kisid busan-busan,sami gawen mocolin.\

Artinya :

Mungkin disana melambai lambai ,semakin cepat dikejar juga tak bertemu,mungkin yang ini dibilang benar pelan-pelan didekati juga semuanya bukan, semua upaya kosng tanpa berhasil,dalam setiap saat berpindah-pindah semua kerjaan merugikan.

16.  Sapunika indik titiang , wireh laju ngalih sane ngeleganenin,pakaryane sami saup, saka besik bakat  gadab,sami gragas, taler twara sida pangguh ,sanghyang ayu sane acep,dije kapo ida ngengsil.

Begitulah mengenai diri saya sebab saya selalu mencari hal-hal yang menyenangkan, semua pekerjaan saya ambil,satu demi satu saya dapatkan,sema sudah saya daki namun tidak juga ketemu ,sanghyang keselamatan yang saya harapkan,entah diaman dia bersembunyi.

17.   Mangkin mrasa dewek titian , banget bingung,ngaruruh sang mraga pingit, sewos ring indike dumun,sengguh elah mikolihang, ulih negak, ngulapin sanghyang rahayu, nungkalik sane buktiang, tan sida antuk ngetegin.\

Artinya :

Sekarang saya merasa sangat bingung , mencari yang disebut keramat, beda dengan dimasa lalu,dikatakan gampang untuk menemukan katanya hanya dengan duduk saja sudah bisa menemukan yang namanya keselamatan, berbanding terbalik ketika dibuktikan tidak cukup hanaya dengan diam saja.

18.  Sengguh kaja pasti iwang ,ruruh kelod , sinah pamargine pelih,tuwi kangin miwah kawuh, takeh ditu taler nyasar, krana katah , jadmane waluya kapus , jantos paling mailehan, tuyuh kabarat-kabirit.

Artinya :

Dibilang keselatan pasti salah,dicari keutara jalannya salah,apalagi ketimur atau kebarat ,dikira disana juga kesasar, karena banya manusia yang tertipu hingga tersesat berkeliling, capek kian kemari.

19.  Tuwi parabote ne adokang,anggen ngejuk, sanghyang ayu sane silib, tan uningin sapatut, tan pasti antuk kasidan , antuk akas, sugih sakti tuwi kaweruh, kalingke dasarin corah, bobab sigug napi malih.

Artinya

Meskipun berbagai macam alat yang dipakai untuk mencari sanghyang keselamatan yang tersamarkan,belumlah tentu berhasil ditemukan dengan cara yang cepat, kesaktian,kekayaan, pengetahuan, apalagi dgn cara yang jahat, berbohong dan kasar.

20.   Punika awinan titiyang, rawuh tangkil, mapinunas kadi mangkin, punapi antuk ngaruruh ,yen napi anggen jalaran , mangda bakat , ring bapa titiyang ngalungsur , mugi ledang manyuecayang, ring titiyang sang sedeng paling.

Artinya.

Itulah sebabnya saya dating menghadap memohon seperti saat ini bagaimana caranya mencari atau apapun yang bisa digunakan agar bisa didapat kepada ayahlah saya meminta semoga ikhlan memeberikan kepada saya yang sedang dalam kebingungan.

PUPUH GINANTI

1.      Uduh dewa cening bagus , kangen bapa manampenin, rawos ceninge ibusan nuturang pakeweh cening ,banget katiben bencana,rasa tan sida nandangin

Artinya :

Wahai anakku, ayah sangat terkesima menerima apa yang baru saja kamu katakan ,menegenai masalah yang menimpamu, kamu tertimpa bencana yang amat berat, yang seakaan-akan sulit untuk dihadapi.

2.       Tuwah keto unduke hidup, gumentos rahayu panggih, yan patut baan nabdabang, buwina beneng baan mastitis , tur dasarin kapagehan, saha tatujone ngilis

Artinya

Memang begitulah kehidupan ini, namun akan berganti dengan keselamatan kalau kita benar mengaturnya, tepat merencanakannya,didasari dengan keteguhan serta memiliki tujuan yang pasti.

3.      Yan sing keto sinah lacur , seken sengsara panggihin,ibuk paling maselselan,satata nandang prihati,wireh cening tuwara pedas,ring ne saratang di ati.

Artinya

 Kalau tidak demikian pasti malang, sengsara akan benar-benar kamu alami,geliasah dan   menyesal,selalu merasa resah dihati sebab kamu tidak tahu dengan jelas apa yang dicari dihatimu.

4.      Pekardin ceninge nerus ,nguberin kasukan gumi, nanging ne dados acepan, wantah rahayu tan mari,ento krana deweke cengag,reh pamuput lara nindih.

Artinya :

Anakku kerjamu terus saja menegejar kesenangan duniawi, namun yang menjadi tujuanmu selalu keselamatan,itulah yang meneyebakan kamu kecewa karena kamu selalu dikuti kesedihan.

5.      Ento sukane satuwuk, dados acepan  digumine, sami banget manayaratang, sengguh jati manglangenin, sane ngejotin kasadian , ngawe kalanduhan urip.

Artinya :

Selalu menikmati kesenangan menjadi tujuan didunia ini,semua sangat mengharapkan , karena dikatakan sangat-sangat menyenangkan yang membawa kebahagiaan yang menyebabakan ketentraman hidup.

6.       Keto tuwah cening bagus , sareng katahan digumi, ,reh kedalonang kasukan, krana rame-rame sai, buin dados ipit-ipitan, anggen dewa sungsung malih.

Artinya.

Begitulah anakku, kebanyakan kita didunia ini terlena dengan kesenangan duniawi,karena seringnya ada hiburan bahkan dibawa mengigau dan yang lebih gila lagi itu di sembah2 bagaikan dewa.

7.      Pamuput deweke kapus, buduh paling manyusupin, nguber sukane doh sawat, kenyem-kenyem mangejitin, mangenyor tur ulap-ulap, ngawe binal grajat-grijit.

Ternyata kita tertipu, kegilaan mulai merasuki jiwa, menegjar kesenangan nun jauh disana,seakana tersenyum, berkedip kedip merayu dan melambai membuat kita binal bergerak-dan berjingkrak.

8.      Sukane tan sida pangguh, sane kacepang ngaleganin,wireh tong taen socapan, ring kasukane sujati, yan bantes uning ring aran, ring rupan idane puik.

Artinya.

Kebahagiaan tak bisa ditemukan, yang katanya sangat menyenangkan,karena tidak pernah bertemu dengan kebahagiaan yang sbenarnya, kalau hanya sekedar tahu nama namun rupanya ga pernah dilihat.

9.       Dinuju pada macunduk,teken sukane medamping, reh deweke tuwara pedas, tan lingu bakat boyanin, reh kecapi mrasa tawah, sat paya pait makilit.

Artinya :

Walaupun saat bertemu, dan berdampingan dengan yang namanya bahagia, tetapi karena kita kurang tahu ,lalu kita abaikan dan tidak percaya, karena rasanya aneh, pahit terasa pare.

10.   Keto jati cening bagus , unduk jadmane maurip, setata nandang duhkita , peteng lemah sakit hati,tan sida mangguh kalegan ,tuwi giyetang ngepungin.

Artinya :

Bgitulah sebenarnya anakku, tentang kehidupan manusia didunia ini, selalu saja mengalami ketidakpuasan, siang malam sakit hati, tidak dapat menggapai kesenangan walaupun sudah bersaha untuk dikejarnya.

11.  Yan aketo manggih unduk,kadi ne nibanin cening, suba cening ngutsahayang mangden sida sane kaapti, da nyan sanget masel-selan, reh ne alih dahat sulit.

Artinya :

Nah kalau demikian masalahnya, seperti yang menimpamu sudahkah kamu berusaha agar apa yang diharapak tercapai? Janganlah menyeseali diri sebab yang dicari amatlah sulit.

12.  Duwaning sampun kawuwus ,ban ida sang merage uning salwir ne wenten ring jagat, sangsarane netehin,tuara ngitung agung panjak,nemak ageng kalawan alit.

Demikian telah dibabarkan oleh sang mahabijaksana yang menegtahui segala yang ada didunia ini, kesedihan bisa menimpa siapa saja tidak peduli dia raja ataupun rakyat, dia besar ataupun kecil.

13.  Tuwi sugih yadin lacur,necorah kalawan suci,sami neeng kasangsaran, sakantun wenten digumi,rauh ring jagat kadituan suargane taler tan kalis.

Artinya :

Walupun dia kaya ataupun miskin, yang jahat maupun yang suci, kalau masih ada didunia ini semua mengalami penderitaan( ketidakpuasan) hingga dialam surge sana pun tidak luput dari ketidak puasan.

14.   Pade sida dados agung, kawasa tur kabaktinin, salwir kitayang kasidan, taler nora suka panggih, reh lingsire nyang sara, mamuceh sukane sami.

Artinya :

Andaikan menjadi raja yang berkuasa dan di hormati, segala yang dinginkan terpenuhi, namun juga tidak menemukan kebahagiaan ,sebab usia tua adalah penderitaan, merampas semua kebahagiaan.

PUPUH DURMA

1.      Inggih bapa jati titiyang sadia pisan, nampi pituture lewih, sane manyinahang kawentenan ring jagate,sami duhkita netehin, karatayang, tan wenten mapilih kasih.

Artinya :

Baiklah ayah saya benar-benar bersedia ,menerima nasehat utama,yang menerangkan keadaan didunia ini,semua mengalami penderitaan, merata tanpa pilih kasih.

2.      Patut sampun titiyang mamanggih kalaran, sakantun titiange maurip, sareng titiyang numpang, ring jagate kaduhkitan, ne kaliput antuk sedih, ngebus uyang,sapunika yan manahin.

Artinya :

Pantaslah saya mengalami penderitaan, selama hidupku saya berada didunia yang diliputi penderitaan, yang dipenuhi dengan kesedihan panas dan gelisah,begitulah kalau dipikirkan.

3.       Sapa sira jaga sida mangguh sedih,tuwi mapesta tan mari, tur megar-egaran, ring jagate kasangsaran,waluya borbor ban api, twah pamragat,sareng katidusin.

Artinya:

Siapapun akan mengalami kesedihan, walaupun selalu berpesta dan bersenang-senang,didunia yang penuh penderitaan,bagaikan membakar api namun akhirnya ikut terbakar.

4.      Ento makrana sami pamuput sangsara,tuwi polih kecapin ,ne madan kasukan,nanging wantah akijepan, durung waneh mamuponin,sampun ical ,tuah karasayang kadi ngipi.

Artinya :

Itulah sebabnya pada akhirnya semua adalah  menderita, meskipun dapat mencicipi yang namanya kesenangan,tetapi hanya sebentar,belum puas menikmatinya segera menhilang , semua teras bagaikan mimpi/

5.      Dwaning banget manahe lobha ngodagang,mekadi ring kasukan gumi, ne polih rasayang mailehan uber saratang,mangden sida mamuponin, nging pamragat tulus bengong kaplaibin.

Artinya :

Oleh karena nafsu serakah semakin meluas, seperti kesenangan duniawi, yang pernah dirasakan dikejar kemana-mana agar bisa dinikmati namun akhirnya bengong sendir karena ditinggalkan oleh kesenangan itu.

6.       Minab jati yan yan pada anake sarat sasuen nyane maurip satata ngitungang,munduhang kasukan jagat,sane kacepang ngaleganin,tuah kasepan,tan jantos polih nyicipin

7.       Artinya :

Mungkin benar jika seseorang selama dalam hidupnya selalu berfikir  dan mengumpulkan kesenangan duniawi, yang dinginkan selalu yang menyenangkan hanyalah terlambat dan tidak sampai bisa menikmatinya.

8.      Pinih sadia kocap yan sampun nyidayang ngumpulang kasukan jagat, tur polih ngarasayang,nanging ke wantah ajahan,gelisang jagjagin pati, sane nyelag krana tan terus muponin.

Artinya :

Kenyataanya walaupun sudah bisa mengumpulkan kesenangan duniawi dan dapat merasakan namun hanyalah sebentar saja terlalu cepat dijemput oleh kematian, itu sebabnya tidak bisa dinikmati seterusnya.

9.      Sane lenga tan pisan polih ngecapang, kasukan jagate kaleh, doh polih munduhang gelisan raris katinggal,antuk ida sanghyang urip,tuah ngadoang, tuyuhe tan mapikolih.

Artinya :

Yang terlena tak sempat bisa menikmati kesenangan duniawi ,kedua jauh bisa sampai mengumpulkannya sebab keburu ditinggal oleh sang kehidupan, hanya sia-sia semua usaha tiada bermanfaat.

10.  Wenten malih sane polih kabencana,durung pisan mapikolih,sakantun ngiyetang nguberin kasukan jagat, kasagrep baan pati,ento sengkala, pinih sengsara digumi.

Artinya :

Ada lagi yang terkena bencana belum berhasil ,masih bersemangat mengejar kesenangan duniawi sudah di jemput oleh yang namanya kematian,itulah musibah,yang sangat menyedihkan didunia ini.

11.  Sapunika yan manah-manahang, indik titiyange mahurip, pamuput sangsara,tan manggih suka ring jagat,pitui giyet ngulati, tan piguna ,, nyaratang kasukan digumi.

Artinya:

Begitulah bila direnungkan,mengenai kehidupan saya yang menderita,tidak memperoleh kesenangan didunia ini,meskipun dengan giat diusahakan,tak ada manfaatnya mengejar kesenangan dunia.

12.  Tuwah becikan banggayang teteh sangsara,jantos bungker sedih kinaking,jati tan piguna, deweke malih magegas anteng makarya tan mari,wireh sinah , sangsarane panggih.

Artinya :

Lebih baik biarlah penderitaan ini menghimpit,bersedih yang berlebihan tidak berguna,selalu bekerja keras sebab sudah pasti penederitaan itu akan dialami.

13.  Ento makrana ne mangkin tityang nunasang ,napine nyandang kardinin,napike masrah,reh sampun puput kawarah ,indik jadmane mahurip,tan wangdeyan,nandang sangsara tan mari.

Artinya :

Itulah sebabnya saya mohon apa yang seharusnya dilakukan , apakah menerima begitu saja? Sebab sudah dipaparkan menegenai kehidupan manusia yang tidak bisa terhindar dari penderitaan.

14.  Pada anteng taler tan jaga kasidan,manggih kasukan maurip,napi malih nyerah ,peteng lemah mapangenan,sinah molih karuwetan, kasangsaran, sapunika yan manahin.

Artinya :

Rajin juga tidak akan bisa mendapatkan kesenangan hidup,apalagi mudah menyerah,siang dan malam hanya menyesal,pasti hanya mendapat kesulitan dan penderitaan begitulah kalau direnungkan.

15.  Inggih durus ndikayang ugi ring titiyang, banget titiyang mrasa paling, tan uning nabdabang, napi sane patut jemak,kadi rasa sami pelih,salwir solah,krana durusang swecanin

Artinya :

Katakanlah segera kepada saya, saya sangat bingung,tidak tahu darimana memulai, tidak mengerti apa yang harus dilakukan ,rasanya semua serba salah setiap tingkah laku saya, mohon berikanlah.

PUPUH GINANTI

1.      Uduh cening-cening bagus,tuah keto sujati cening , indik jadmane ring jagat,katah jantos ibuk paling,ngalih karahayuan jagat,sane kacepang tan mari.

Artinya :

Wahai anakku, demikianlah adanya ,permasalahan manusia hidup didunia ini, banyak yang linglung dan bingung,mencari keselamatan diduniam dan selalu diharapkan.

2.       Tui ida sang sampun weruh,sampun ngandikayang pasti,uripe jati duhkita,ida nerangang ne jati,boya saking ekan-ekan,metu saking kahyun jail,.

Artinya :

Beliau yang sudah menegtahui, sudah mengatakan,hidup ini sudah pasti menderita,beliau menerangkan kebenaran,bukanlah akal-akalan,atau berdasarkan pikiran jahil.

3.       Tan wenten ida matakut,nging ida dahat sutindih, kabatek kahyun olas ,krana tan bobab nuturin,natuayang kejaten jagat,ne terang ida nyingakin.

Artinya  ;

Beliau tidak menakut-nakuti,namun beliau sangatlah peduli,dengan cinta kasihnya beliau tidak berbohong menerangkan kebenaran dari kehidupan didunia ini yang dengan terang benderang beliau lihat.

4.      Nanging deweke tan rungu,tuara taen mitetesin , reh kedalonang kasukan, ngawe sangsarane ilid,ento krana salah acepan, ngalih suka manggih sedih.

Artinya:

Tetapi kita tidak peduli,dan tidak pernah memperhatikan ,karena terlena dengan kesenangan , membuat penderitaan ini tidak nampak, itulah sebabnya kita menyimpang dari tujuan, mencari bahagia malah bertemu kesedihan.

5.      Eda malu cening ngambul, enggal cening salah tampi, Ningehang sang pradnyan,nampi pitutre lewih,patut alonang nabdabang, susup-susupang di ati

Artinya:

Janganlah dulu ngambek anakku, terlalu cepat salah menegerti, ketika mendengarkan ajaran para bijaksana,menerima ajaran yang baik,pelan-pelan bangunlah dan resapkan didalam hati.

6.       Twi cening merasa rikuh, ngaresepang sabdan sang suci,paksa deweke adungang, sidayang lawan-lawanin, reh ento dados jalaran, nemokang sadia maurip.

Artinya:

Meskipun terasa sulit,menerima kata-kata para guru suci,cobalah berdamai ,dipaksakan sedikit , sebab itulah cara mencapai kebahagiaan hidup.

7.      Ento makrana cening bagus,jalan dabdabang kawitin,bulak –balikin ngitungang,warah-warah sane lewih, sabdan sang sampun molihang,kasubagiane maurip.

Artinya:

Itulah sebabnya anakku,mulailah bangkit, renungkan berulang-ulang,pelajran yang sangat berharga,yang disampaikan oleh yang telah menemukan kebahagiaan hidup.

8.      Manut panguning sang putus,ngandikayang sapuniki, tuwi ja deweke ngedat paninggalane nganceling,sai maileh ngalincak,ngaruruh kasukan gumi

Artinya:

Menurut yang telah terbebaskan,berkata demikian” walaupun mata kita melek dan mendelik,berkeliling kian kemari, mencari kesenangan dunia,

9.      Kabawos deweke nguyuk,meh pules laplaptur ngengkis, krana tan sida ngantenang,ne madan kasukan jati,nanging pangkah manyaratang, mangden makatang nyicipin.

Artinya:

Itulah dikatakan kta mengantuk, bahkan tidur pulas sambil ngorok,sebab tidak mampu melihat kebahagiaan yang sesungguhnya,namun begitu angkuhnya mencari , agar dapat dirasakan.

10.  Diencen jaga kapanggih, sane saratang diati, reh deweke tuara ngedat,pati jujuk kema-mai ,dijagate mailehan ,ngadabin kasukan gumi.

Artinya:

Dimanakah akan kita temukan apang yang kita cari ada di hati, karena kita tidak melek,sambil meraba-raba kian kemari , mengelilingi dunia ini hanya untuk menyentuh yang namanya kesenangan dunia.

11.   Asing-asing bakat usud, sagrep enggalang cicipin,marasa lega,kaden bakat,barange ruruh digumi, ya kecapin merasa tawah, sepah kutang tur plaibin.

Artinya:

Setiap yang disentuh diambil dan segera nikmati,dipikir didapat setiap benda didunia dicari lalu dirasakan, begitu aneh rasanya lalu disepah dibuang dan dijauhi.

12.  Keto solahe ngelantur,megiyet ngali-ngalihin, ane bakat laut kutang,ane kutang malih silurin, ene tidong ento boya enggalan tua jagjagin.

Artinya:

Begitulah perlaku kita yang ngelantur,semangat mencar-cari, yang sudah didapat dibuang lagi, yang sudah terbuang ditukar lagi,ini bukan yang itu juga tidak, akhirnya keburu dijemput oleh usia tua.

13.  Subane tua ruyud,tuara nyidayang ngaripit,mara merasa teken awak,kasengsaran nyesel diri,tuara manggihin kalagan,uli bajang bane nguberin.

Artinya:

Ketika sudah tua ddan rapuh, tatkala tidak bisa berbuat apa-apa baru sadar akan diri, menderita menyesali diri,tidak menemukan kebahagiaan ,sejak usia muda menegejarnya.

14.  Nah aketo cening bagus ,cening masih mangrasanin,nanging cening masih sadia,enggalan deweke ajin, tuara terus kapacundang,ban kasukane mobabin.

Artinya:

Nah demikianlah anakku, ananda juga merasakan, namun kamu masih bisa cpatlah belajarkan dirimu, agar tidak terus dikalahkan oleh kesenangan dunia yang selalu menipu.

15.  Kangen bapa teken unduk, reh cening katiban sedih, nanging agete kaliwat madingehang raos cening,tuara pesan buin mengkeban,trang kadi galang sasih

Artinya:

Sungguh terharu ayah kepadamu sebab kamu tertimpa kesedihan, namun sangat beruntung mendengar dari kamu anakku, dan tidak ada yang disembunyikan semua sudah jelas terang benderang bagaikan sinar purnama.

16.  Reh liyu anake ngapus , mobabin dewek pedidi,tuara bani taterangan,merasa seger , nandang sakit,sedihe kerasayang bagia, tulus bungker sedih kingking.

Artinya:

Banyak yang berpura-pura menipu diri sendiri,dan tidak berani berterus terang, merasa kuat menahan sakit,kesedihan dirasakan bahagia, akhirnya meradang menderita kesedihan.

17.   Sinah tan jaga ngarungu, tamba pangicalan gering, reh deweke merasa waras, nanging sedih nyakit ati,endi kapan nyidayang ruwat,saking larane netehin.

Artinya;

Sudah pasti tidak akan tahu, obat pelenyap derita,karena dirinya merasa kuat,namun selalu bersedih dan sakit hati,lalu kapan bisa terbebas dari penderitaan yang menimpa?

18.  Patute deweke purun ,nyelehin dewek padidi, ditu bakat ban madasang , sedih lara manetehin, mara Makita magibras , ngalih ubad sedih ati

Artinya:

Semestinya kita mau memeriksa diri sendiri,disitulah bisa dilihat jelas, kesedihan dan penderitaan yang menimpa, barulah bertekad mencari obat kesedihan ini.

19.   Sane kawarah ring tutur , gering deweke,sujati,sane kocap pinih rahat,katmabatane ping rihin, dahat saru,malih liwat, keweh ngicalang ngubadin.

Artinya:

Yang disebut dalam ajaran , penyakit diri yang sebenarnya katanya sangat berat yang utama adalah “Kebodohan” yang amat tersembunyi , karena tak terlihat maka sangatlah susah untuk mengobati dan melenyapkannya.

20.   Katambetan kawuwus, tuwah ento waluya gering, sane ngentikang kaloban ,corah angkarane malih, ne pamuput ngelarapang, kaduhkitane maurip.

Artinya:

Kebodohan itulah penyakit yang menciptakan keserakahan,kejahatan dan angkara murka,yang akhirnya menuntun pada penderitaan dalam kehidupan.

21.  Yen deweke jati rungu,makanten tambete mentip, ne ngawinang tulya buta,medasin paileh gumi,boya nyingak pajagayan,krana sai ngawe pelih.

Artinya:

Kalau kita benar-benar mengetahui,akan terlihat betapa mengkaratnya kebodohan itu,seakan membutakan untuk melihat kondisi dunia, bukannya melihat dan dijaga,itulah sebabnya membuat banyak kesalahan.

22.  Tambete ngawinang bingung,butane ngawinang ilid,krana peteng sene galang,corahe merasa becik,ne iwang patut rasayang,ne manis mabalik pahit.

Artinya:

Kebodohan menyebabkan bingung, kebutaan menyebab tak terlihat,karena gelapa dikira terang,kejahatan dirasa baik, yang salah dianggap benar yang manis terbalik terasa pahit.

23.  Tui ririh yadin kasub, siteng teguh,malih sakti,sinah tan dados cagerang, makatang kahyune kapti,yen kantun butane ngodag,ngawe rahayune ilid.

Artinya,:

Walaupun pintar dan terkenal, kuat dan perkasa serta sakti mandragunasudah pasti tidak bisa di andalkan untuk mendapatkan apa yang dicari oleh batin ini, semasih kegelapan menguasai,membuat keselamatan itu tak terlihat.

24.  Nah sadwaning keto tuhu, melahne jani jumunin, ngawitin cening melajah, medasin sukane jati,tur sane katuturang , ngojogang sane kapti.

Artinya:

Nah karena demikian adanya, lebih baik ulangi lagi, mulailah anakku belajar,meneliti apa sesungguhnya kebahagiaan itu,dan yang sudah di babarkan yang bisa membawa pada apa yang menjadi  tujuan.

25.  Ento krana kaping riin, gering tambete ubadin, sakit butane kedatang, tur dundun pulse ngengkis,mangdennya ceding meliat, ngantenang paileh gumi.

Artinya:

Itulah sebanya yang paling penting obati kebodohan, penyakit butanya di buka, dan bangunkan dari tidur yang pulas agar dengan jelas bisa memandang bagaimana proses dunia ini.

26.  Yan sampun tan ngundap nguyuk,liate ceding nganceling, ento iwang patute terang, jele lan melahe ngilis, elah becike punduhang lara duhkitane johin.

Artinya : kalau kita sudah tidak mengantuk dan terlelap,penglihatan semakin terang benderang, salah dan benar makin jelas,baik dan buruk kelihatan mudah menumpulkan yang baik, dan jauhi penderitaan.

27.   Ngicalang liate lamur, ngubadin tambete malih, tong ada jalaran , sajaba abesik ngilis, sekancan kecap aksara, ento agama kawastanin.

Artinya:

Melenyapkan penglihatan yang kabur lagipula mengobati kebodohan,tidak ada jalan lain, kecuali focus pada satu hal yaitu belajar  sastra , itulah yang dinamakan agama.

28.  Agamane nyandang gugu,wireh warah-warah tuwi ,pakeling sang wicaksana,matujuhin cening pamargi, matitisang karahayuan, ne dados acepan gumi.

Artinya:

Agama lah yang patut di yakini, sebab merupakan sabda dan ajaran para bijaksanan yang menunjukan jalanmu anakku, yang menunutun menuju keselamatan dan menjadi tujuan didunia,

29.  Krana cening patut purun,agamane pelajahin ,nyandang pucukang ,paksa deweke gemesin,wireh tuara ada lenan ,ne nyandang gugonin malih.

Artinya:

Karena itulah anakku kamu harus mau belajar agam dan serius paksakan dirimu kerasi dirimu, karena sudah tidak ada lagi yang pantas dipercaya .

30.  Yadin pahit masem kecut ,apa buin yan nyak manis,kidemang siup, celegekang , reh ento tamba sujati, disadiyane gelis waras ,suud nandang sedih ati

Artinya:

Walaupun pahit, masam dan kecut rasanya, apalagi terasa manis , pejamkan mata minum dan telanlah karena itulah obat yang sebenarnya, dan kalau beruntung maka akan berhenti mengalami kesedihan hati.

PUPUH SINOM

1.      Inggih mangkin sadiya pisan,indik tityang rauh tangkil,polih sampun titiyang nunas pitutur kalintang lewih, anggen titiyang mangawitin,maurukin tatwane luwung,mugi titiyang mrasidayang,matingtingan saking sedih,usan ibuk, sedih paling mapangenan,

Artinya;

Sekarang saya sangat beruntung sekali, saya dating mengahadap,saya sudah menperoleh ajaran yang sangat baik,yang saya gunakan untuk memulai mempraktekan pelajaran yang sangat utama, mudah-mudahan saya bisa terangkat dari jurang kesedihan , berhenti gelisah, resah sedih dan menyesal.

2.       Banget titiyang mrasa iwang,reh nyengguh deweke ririh,sampun lepas sekolahan,tuture sami uningin,minaka tuara sangka mali,ngatetin sanghyang rahayu,nanging tuara titiyang pedas,ring tambete kantun mentik,tur mawuwuh,butane malih ngodagang.

Artinya:

Saya merasa sangat bersalah ,sebab menganggap diri sudah pandai karena sudah tamat disekolah seolah-olah semua ilmusudah saya ketahui, mengenai yang namanya keselamatan namun saya tidak mengerti, karena masih ada kebodohan,makin bertambah dan kegelapan semakin menguasai.

3.       Pecak tityang banget tungkas ,ring pawarah sanghyang aji,sengguhang ngurukang tiwas,nyaputin manahe lengit,reh ngyjeg lontar tan mari,daging tutur sarwa puyung,sering taler jantos marebat,ngitungang swargane,tula bingung, napi jaga pakolihang.

Artinya :

Pernah saya menentang pada ajaran sang guru,saya menganggapnya sebagai ajaran yang membuat jadi miskin, untuk menegelabui sifat malas di hati, seiap hari hanya membaca lontar saja, semua kata isinya kosong, sering juga sampai bertengkar,mendebatkan surge yang tidak ada, lalu bingung , lalu dapat apa?

4.      Kala manggih pakumpulan,ne ngerambayang tatwa pingit, melajah agama kocap,ngadesem titiyang ngalidkid,wewehin manahe jail,ring sang ngutang-ngutang tuyuh,wengine anggon megadang,tegal carike madepin, tulus payu deweke berag makenta.

Artinya:

Ketika melihat perkumpulan yang membahas tentang pelajaran yang suci yang katanya belajar agama,sambil tersenyum saya meninggalkan mereka ditambah jahil dalam hati, pada orang-orang yang membuang-buang kesibukan, malam hari mereka begadang , sawah ladangnya dibiarkan,akhirnya badan kurus kering berpuasa tanpa makan apa-apa.

5.      Jadin titiyang katuju pisan,ngiring sang pradnyan malinggih,natuayang daging susila,ne ngawe rahayu panggih, glisan uabane ngendih,pramangkin titiyang malingkuh,tuara ngimudang ukudan,tuwi jantos ngerok ngengkis, tuara lingu, sengguh tutur tan paguna

Artinya :

Ketika duduk bersama sang sulinggih, yang membabarkan ajaran kesusilaan, cepat sekali saya menguap dan tiba-tiba saya tertidur dan tanpa rasa malu diiringi dengan mendengkur, saya tidak peduli dan saya anggap kata –katanya tidak berguna

6.      Nyeda tityang ring babratan,susila Samadhi malih,reh banget kantenang tungkas, nganut solah sang mahurip,sukan jagate plaibin,panca indriane tegul, jati nyakitin ukudan, ngalih bagia mangguh sakit,tuhu bingung, kadalonang kecap lontar.

Artinya :

Yang saya cela adalah berpuasa, kesusilaan dan bermeditasi, sudah sangat jelas bertentangan dengan kenyataan hidup saat ini, kesenangan dunia dijauhi,mengekang panca indria , benar-benar menyiksa diri,mencari bahagia ketemu sakit, lalu bingung terlena dengan isi lontar

7.       Nanging kala manggih timpal , ane sarat ngitungang bati,antuk daya sarwa corah, tur woh nyane gelis panggih,cedang kupinge pramangkin,, banget manahe kadudut,reh rajah tamahe ngodag,imbuhin petenge malih, nagih aluh muponin kasukan jagat.

Artinya.:

Namun ketika bertemu teman yang bisa menguntungkan,dengan cara yang serba jahat,dan hasilnya cepat didapatkan seketika telinga ini mudah menangkap seketika,dan hati ini sangat mudah tertarik, karena rakus dan serakah sedang menguasai,ditambah lagi dengan kegelapan,mau nya yang gampang saja untuk menikmati kesenangan didunia.

8.      Ring nuju wenten sawitra , kenjekan mangguran panggih,ngitungang sarwa kalegan, ne ngawe mokoh rah daging,majrebonan minakadi,gelis pisan titiyang adung, napi malih mimbuh tuak, tong taen titiyang ngencetin,mula ditu , ne dados tatujon manah.

Artinya:

Jika ada teman ,berpelesir,menawarkan hal-hal yang menyenangkan, yang membuat gemuk, darah dan daging, menari-nari apalagi ditambah dengan minum tuak, saya tidak pernah menolak,cepat sekali saya sepakat,memang disanalah yang menjadi tujuan hati.

9.       Sapunika tingkah titiyange ,krana agamane dohin,karyane raris giyetang, wireh acepane sugih,asing mapikolih mangkin gelisang jagjagin saup,ane mepala pungkuran , mawoh suarga kala mati,. Tuara rungu ,reh tan ngawaregang basang,

Artinya:

Begitulah perilaku saya, makanya saya menjauhi agama,saya hanaya bekerja dan bekerja,sebab keinginan cepat kaya, yang menghasilkan cepat kejar dan ambil,yang berbuah belakangan apalagi berbuah disurga stelah mati tidak usah dipedulikan, sebab tidak akan membuat perut kenyang.

10.  Polih titiyang manggih sadia, taen dados anak sugih,mawastu manahe bergah,kala ririh corah mentik,,dikasube metu jail,kala aget sering ajum,nuju sakti malih kuat, timpale sami endogen,ngawe musuh,,ne jaga ngentikang ala.

Artinya:

Pernah saya mengalami menjadi orang yang kaya,muncul pikiran angkuh, ketika pintar muncul pikiran jahat,ketika terkenal muncul sifat jahil, ketika beruntung muncul kesombongan, ketika menjadi sakti dan kuat sering menantang teman, menciptakan permusuhan, yang akhirnya mencipatakan bencana.

11.  Minab punika ngawinang, kasukane sane panggih,tan suwe bakat pupuang,setata selag baan sedih,legan sugihe kaintil, antuk selange satuwuk, ririhe mikut marebat, agete takut nyagjagin, ngawe bingung, manahe tan mari mresah.

Artinya:

Mungkin itulah sebabnya, kesenangan yang didapat tiadaklah bertahan lama,selalu dijegal oleh kesedihan,senang karena kaya dihantui oleh kecurigaan yang panjang,kepintaran diikuti oleh perdebatan, keberuntungan di hantui oleh ketakutan, jadi bingung,hati ini selalu resah.

12.   Yening mangkin umpamayang,anake meled muponin,anake meled ,muponin,sekancan kasukan jagat,ne kacepang mangelangenin,kadi ngalih pulese tis,ring kasure tbel lemuh,taler misi dwi katah,mabrarakan nyanyap lanying,napi tuhu, sirepe polih kalegan.

Artinya :

Sekarang kalau diumpamakan, seseorang yang ingin menikmati segala kesenangan dunia, yang diharapkan serba menggiurkan,seperti berharap tidur nyenyak di atas kasur yang tebal dan empuk yang diatasnya bertaburan duri-duri yang runcing dan tajam, apakah benar tidurnya bisa menyenangkan?

13.  Tan polih taler kalegan,lemuh kasure ngawenin,raris pramangkin katimbal,antuk banget merasa sakit,rasa tan sida nanggenin,kebyahan duine nusuk,pamuput pulese uyang,daah-duuh klesah-klesih,boya panggih,legan pulese kecapang.

Artinya:

Juga tidak mendapatkan kesenangan oleh empuknya kasur,lalu tiba-tiba berganti rasa sakit yang begitu menyiksa seakan-akan tidak bisa ditahan,sengatan duri yang menusuk, tidur pun gelisah menjerit aduh-aduuh,dan resah,dan kesenangan tidurpun tidak didapatkan.

14.  Sapunika sampun sinah ,yan nguber sane ngelangenin, sinah matangguh ban osah, kadi titiyang sane mangkin,ento krana meled nyalinin,yan sampun manggihin rurung,pangicalan katambetan,panyuluhan buta malih,titiyang tutut , nuluh sasida-sidayan.

Artinya:

Begitulah sangat jelas jika menegjar yang menggiurkan,selalu diikuti kesusahan, oleh karena itulah saya ingin berubah bila sudah menemukan jalan,untuk melenyapkan kebodohan begitu pula kegelapan, saya akan ikuti sekemampuan saya.

15.  Meled nyalinin pitungan,taler pari solah malih, usan titiyang pari boya,matungkas ring tutur jati,moboya ring karma malih,suwarga neraka kawuwus,reh titiyang sampun muktiang,sangsara woh nyane panggih,krana patut ,tungkas maboyane kutang.

Artinya:

Ingin merubah pemikiran demikian juga tingkah laku,saya akan berhenti untuk tidak mempercayai dan menentang pada ajaran yang benar,apalagi tidak mempercaya pada hokum karma jalan yang membawa kesurga atau neraka,sebab saya sudah membuktikan hanya penderitaan yang dihasilkan, oleh karena itu sudah sepatutnya sifat tidak percaya dan menentang itu dibuang jauh-jauh.

16.  Mangkin tityang ngugu pisan,sakadi warah sang suci,solah titiyang kocap iwang,rikala  sampun gawenin,ngentikang sedih prihati,pariselsel,ngurud entud,negetelang yeh paninggalan,ngaton salahe ne kardi,krana ngugu , solah titiyang pasti iwang.

Artinya:

Sekarang saya sangat percaya, pada apa yang dikatakan oleh orang-orang suci,katanya perbuatan saya yang sudah saya lakukan dahulu adalah salah,yang selalu menimbulkan kesedihan,dan keprihatinan,sekarang menyesal sammemegang lutut air mata berlinang mengenang perbuatan salah dimasa lalu,saya percaya dan yakin perbuatan masa lalu saya pasti salah.

17.   Nanging becik kabawosang,laksanane ane kardi,yan sampun puput solahang, tan numbuhang sedih ati,metu bagia raris mentik,sarwa rahayu kapupu,ngawe sadia sang nyolahang,ento seken dados ciri,solahe patut,ne sampun kalaksanayang.

Artinya:

Namun perbuatan yang sudah dilakukan di katakan baik jika:sudah dilakukan tidak menimbulkan kesedihan, lalu menimbulkan rasa bahagia,semua menimbulkan keselamatan,yang melakukan juga dengan senang hati itulah yang menjadi cirri-ciri perilaku yang benar yang sudah dilakukan.

18.  Ne mangkin tunasang titiyang ,sadurung titiyang ngawitin,malajah tawta utama,napite tan mangiwangin ring titiyang nastika jati, tuna nguning miwah lacur,malih pianak mabrarakan,,sane jaga ngarandatin,inggih durus, ndikayang mangdena terang.

Artinya:

Nah sekarang saya mohon , sbelum saya memulai belajar tentang ajaran yang sangat uttama, apakah tidak salah pada diri saya sebab saya benar-benar tidak berharga, sudah kurang pengetahuan miskin lagi, lalu anak saya banyak yang akan mempersulit nah silhakan katakana agar menjadi jelas.

PUPUH GINADA

1.      Uduh cening dewa sayang ,lega bapa menapenin,raos cening ne nyinahang,nyalinin solahe dumun,suud cening pariboya,tur miwalin ,pawarah sanghyang agama.

Artinya:

Aduh anakku sayang, ayah sangat senang menerimanya,kata-katamu nak, membuktikan kamu telah merubah perilakumu yang dahulu, sekarang sudah berhenti untuk tidak percaya dan membantah apa yang diajarkan oleh sanghyang agama.

2.      Ne bapa jani nerangang,sadurung cening ngawitin,malajah tatwa agama,ne dados pangancan idup,apang twara cening sasar, bingung paling,tan temuang sane saratang.

Artinya:

Nah sekarang akan ayah jelaskan sebelum kamu anaku memulai belajar sastra agama,yang menjadi peganagn hidupmu,agar kamu tidak kesasar,bingung dantidak menemukan apa yang menjadi tujuanmu.

3.      De cening bes kadroponan,ban sarat mandenya gelis , dot nulad solah sang pradnyan,laut cening nyalah laku,acepane ngalih bagia,lara panggih, sinah dadi kakedekan.

Artinya:

Jangan kamu anakku ceroboh atau kurang waspada,hanya karena ingin cepat-cepat ,bisa meniru perilaku sang sulinggih,lalu kamu salah tingkah, agar tidak tujuan mencari bahagia lalu sengsara yang didapat, jelas nanti kamu akan ditertawakan.

4.      Pengawite patut pedasang, salwir sane jaga kardi, kadi murukin agama,tatwa kocap jati luhur,jaga ngardi karahayuan,,bisa masih , nungkalik ngentikang ala.

Artinya:

Dari awal harus jelas , segala apa yang akan dilakukan ,seperti praktek agama yang katanaya adalah ajaran yang sangat luhur , yang akan membuat keselamatan, namun bisa juga terbalik dan menimbulkan marabahaya,

5.       Minab cening during tatas, ring unduk tatwane pingit,pateh ring tiyuke mangan, bisa mangawenang tatu,yen pelih raine jemak, ,ayu panggih, yening patine gamelang.

Artinya:

Mungkin kamu belum paham , menegnai ajaran yang begitu sacral, hamper sama seperti pisau, jika mata pisau yang dipegang maka kita akan terluka namun bila gagang pisaunya kita bisa kendalikan maka keselamatan yang kita dapatkan.

6.       Keto twara mabinayan,indik ceninge ne mangkin,krana satonden madabdab,ngelah pangertian malu, ditu mara matindakan,sinah gasir, pamargine tan kampetan.

Artinya :

Begitulah tiada bedanya, mengenai dirimu anakku ,sebelum memulai kamu harus memiliki pemahaman terlebih dahulu tentang sesuatu barulah mulai bertindak, pasti perjalanan akan lancer tanpa ada hambatan.

7.       Ne bapa jani nuturang, unduk anake ne pelih , kala murukin agama,reh panguninge nu saru,ento krana tan jankayan,,jeg kagulis peteng lemah tan rerenan.

Artinya :

Sekarang ayah akan menerangkan kepadamu mengenai orang yang salah disaat belajar agama,oleh karena pengetahuannya masih samar-samar , itulah sebabnya tidak kenal batasan, siang malam hanya itu saja kerjanya tanpa kenal istirahat.

8.       Semeng saking wau kedat,ngarembayang tatwa singid,sawitrane sampun nampyag, pada egar sami pangus,saling medalin panawang,jantos wengi,sinambi malegan-legan.

Artinya :

Dari pagi baru membuka mata sudah membicarakan isi ajaran agama yang sangat suci,semua teman sudah berkumpul dengan senyum yang pantas, saling memeprlihatkan apa yang diketahuinya, hingga malam hari sambil mereka bersenang-senang.

9.       Kadi sampunika nyabran, magenti saling unyalin,reh sami waluya punyah, ngaja ngelod,raya-ruyu, sawengi-wengi megadang, sai-sai ,swabawane semayatan.

Artinya

Begitulah selalu silih berganti sebab semuanya dalam keadaan mabuk, keutara –selatan berbarisan , setiap malam begadang sampai-sampai mukanya pucat.

10.   Lontar tong taen ja pejang,kadirasa kajangkutin,ring nuju medal mangguran,diwarung malih marusbus,ngojahang daging kotaman, jantos lingsir,yan tan gelisan katinggal.

Artinya :

Lontarnya tidak pernah lepas dari tangannya bila perlu di peluk dibawa kemana2 pada waktu ada di warung atau dijalan mengoceh dari mulutnya membicarakan kautamaan ajaran agama , hingga sore kalau tidak segera kita tinggalkan.

11.   Punika sane karasayang, jaga gelis mamanggihin, sarin tatwane uttama,ne ngarad uripe landuh, nanging pamuput mapapas, ne kapanggih, boya jati kasubagian,

Artinya:

Begitulah yang dirasakan seolah-olah akan cepat mendapatkan intisari dari ajaran yang maha uttama,, yang akan membawa kekehidupan yang sejahtra, namun ternyata terbalik , bukanlah benar-benar kebahagiaan yang didapat.

12.   Semun kurenane malenan, marungusang , mecuk alis, reh bekele sami telas, jukutan carike ngarembun, panake ngeling pabriyak, nagih pipis, anggon bekel kasekolah.

Artinya :

Wajah istri berubah jadi cemberut alisnya berkerut, sebab semua simapanan sudah habis, rumput disawah makin rimbun, anak-anak berteriak dan menangis minta uang untuk bekal kesekolah.

13.   Dija saup legan manah, reh tan mari kagul-gulin, ban ling pianak mabrarakan,kabatek basange seduk wewehin sebeng kurenan,kadi cirri , nynahang sakit ring manah.

Artinya:

Dimana diambil kesenangan hati? Kalau selalu diganggu oleh teriakan tangisan anak,perut lapar wajah istri yang cemberut, sebagai cirri yang menunjukan perasaan sakit dihatinya.

14.   Ane keto jati iwang, reh tan uning sane kardi, krana sedih pikolihang, pianak kurenan sareng kewuh, acepane ngalih bagia,nging mebalik, mawuwuh nemu sengsara.

Artinya:

Yang demikianlah yang tidak benar, sebab tidak mengerti apa yang harus dikerjakan,sehingga bertemu dengan kesedihan,anak dan istri juga turut susah,tujuannya mencari bahagia namun terbalik terus menerus mendapat penderitaan.

15.  Ento krana cening sayang,melahang makin medasin,ne jati madan manusa,kabawos antuk sang weruh,sakadi sekala kocap,kawastanin, panca skanda tan lian.

Artinya:

Itulah sebabnya duhai anakku sayang,perhatikanlah dengan seksama,yang disebut manusia menurut para bijaksana,menurut kenyatannya disebut panca skhanda bukan yang lain.

16.  Padewekane kaucap , sajroning sekala ngranjing, manah katelingan,panampi rasa mawuwuh, ngeranjing sajroning niskala,makasami , lalima dangnya kocap.

Artinya:

Lalu dikatakan bahwa didalam tubuh ini masuklah unsur perasaan yang tidak bisa dilihat secara kasar,yang ada didalam badan yang halus yang juga terdiri dari lima unsure.

17.  Asiki mungguh sekala, patpat niskali sujati,ne lalima kacakupang,kengin manusa kawuwus, sapunika kandikayang, naben cening, nah Ida batara Buddha.

Artinya : satu secara nyata yang empat yang tidak terlihat, kelimanya ini bersatu disebutlah manusia, begitulah yang di sabdakan oleh guru agung kita sang Buddha.

18.  Reh sakala ring niskala, ne nadosang dewek cening,nto melahang ngupapira, manden sami manggih landuh, ne sekala antuk dahar,tatwa jati , ajengan niskala kocap.

Artinya :

Oleh karena yang nyata dan tidak nyata yang membentuk dirimu, maka peliharalah itu dengan baik. Badan kasar dipelihara dengan makanan, sedangkan badan halus di kasi makanan ajaran agama.

19.  Nto mekrana cening sayang, karyane giyetang sai, mangda sida mikolihang, pangupa jiwa pamuput, dewek cening pianak kurenan,makasami, ento patut utsahayang.

Artinya:

Itulah makanya anakku , giatlah bekerja supaya mendapatkan rejeki untuk kamu anak dan istrimu,itulah yang perlu diusahakan.

20.   Tonden masih madan pragat,tui daar ngalebihin, niskalane kantun berag,,manah lemet tan pabayu,reh tan pisan kupapira, kasanguwin, antuk tatwa kasunyataan.

Artinya :

Itupun belum juga selesai sampai disana, meskipun kamu berlebihan dibidang materi, namun bathin ini masih kering ,tanpa semangat ,sebab jarang dirawat, di beri makanan dengan ajarana kasunyataan.

21.  Pituwi deweke sinah, makanten seger malengis, nanging budine ditengah,berag kadi cicing jaruh, seduk paling ngalih amah,tong ngitungin, asing lenga kaplaibang.

Artinya :

Meskipun badan kita kelihatan sehat dan berminyak,tetapi bathin ini kurus kering bagaikan anjing kelaparan yang kian kemari mencari makanan tanapa memperhitungkan apapun asala ada yang lengah dilarikan.

22.   Manahe jaruh ngentikang , lobha corahe tan mari, asing melah bakat dotang,gelah pisagane ruruh,saratang mangdenya bakat, saking becik, tuwi antuk kacorahan.

Artinya.

Pikiran yang jelek selalu menimbulkan nafsu serakah yang jahat, selalu menginginkan barang-barang yang bagus,punya tetangga pun di incar dan dicari agar dapat dimiliki, karena bagus  tak perduli dengan cara-cara yang jahat.

23.  Pade sugih tan pakirang, deweke siteng kukuh malih, nanging tan cager ngimpasang, jaga mamangguh pakewuh, reh manisne kantun ngodag, maka bibit, ne ngentikang kaduhkitan.

Artinya:

Meskipun kaya, badan tegap dan kuat ,tetapi tidak mampu untk menghidari dari segala kesukaran.karena manisnya masih menuasai, yang menjadi bibit yangakan menimbulkan penederitaan.

24.  Krana twara jati sadia, reh sukane selag sedih, ban sugihe mrasa suka, lantas selag salwir unduk ,ibuk paling kasangsaran, nto nututin , entikan solahe corah.

Artinya

Akhirnya kita tidakbenar-benar bahagia, karena dihadang oleh kesedihan,karena kaya merasa bahagia, namun ketika di timpa permasalahan bingung dan menderita, itulah yang akan mengikuti akibat timbulnya niat untuk bebuat yang tidak benar.

25.  Yan niskalane pucukang, upapira sai-sai, padewekane sengsara,berag ngareres, tur kisut, sida gelisan katinggal, sanghyang urip, sadurung sadia temokang.

Artinya:

Kalau hanya memperhatikan badan rohani saja dan terus menerus memeliharanya, badan jasmani yang menderita, kurus pelan-pelan jadi keriput bahkan bisa cepat ditinggalkan oleh sanghyang hidup sebelum menemukan kebahagiaan.

26.  Awinan patut adungang sekala niskala cening, patuhang mangupapira , mangdennya sami rahayu, deweke siteng tur kuwat, buin wewehin , antuk manah kukuh kuwat.

Artinya:

Makanya perlu simabang anatara yang diluar dan didalam , sama –sama dipelihara, agar semuanya selamat,tubuh yang kokoh dan kuat di ikuti oleh bthin yang sehat dan kokoh.

27.   Makrana pada giyetang kene anggon ngelantarin, lemah gawena giyetang, petenge anggon mauruk, melajah tatwa utama, ne mersihin, sifate lobha angkara.

Artinya:

Makanya giatlah, begini caranya melakukan, siang hari bekerjalah yang giat, malam hari pakailah waktunya untuk belajar sastra yang utama,yang bisa membersihkan dari segala sifat serakah yang membara.

28.  Keto cening apang terang, parurungane sujati, nuju uripe bagia, legane tan selag ibuk, sane banget kasaratang, sareng sami, krana melahang medasang.

Artinya:

Begitulah anakku biar jelas , jalan-jalan yang sebenarnya, ketika hidup kita bahagia , dan kebahagiaan itu tidak lagi ada gelisahnya, itulah yang sangat dicari oleh kita semua, makanya perhatikanlah dengan baik.

PUPUH DURMA

1.      Inggih bapa wau titiyang mrasa galang, sampun titiyang mirage, tuture uttama sane seken manyinahang,punapi antuk ngawitin, tur nabdabang,malajahin sanghyang aji.

Artinya;

Baiklah ayah, baru sekarang saya merasa terang benderang, setelah saya mendengar ajaran yang uttama yang benar-benar menunjukan bagaimana cara memulai dan mempersiapakan untuk mempelajari sang ilmu pengetahuan.

2.      Wantah sane jati,tambet pisan, ngugu tan purun nyelehin, padabdab agama ,duwaning takeh tan paguna,ring titiyang,madewek cerik,tuah matilas, anggen pagisiangan urip,

Artinya:

Memang benar-benar bodoh sekali,tanpa mau menyelidiki , apa agama itu solanya saya kira tidak ada gunanya agama itu,pada diri saya , ketika masih kecil semua luput , sebagai pegangan hidup.

3.      Sengguh titiyang yen anake kantun bajang , jati uripe ping rihin,patut kapucukang anggon  mupunin kalegan,sekancan wenten digumi sapunika,penarkan titiyang sang paling.

Artinya .

Saya kira kalau masih muda benar-benar hidup dimasa lalu pantas nya mendahulukan menikmati kesenangan yang ada di dunia ini,demikikianlah menurut perkiraan saya yang dalam keadaan tersesat.

4.      Yening sampun polih kalegan, deweke sumayan lingsir,indryani lumah,kala ditumadabdaban,kecap agamane gulis tur giyetang,sarat anggon bekel mati.

Artinya:

Bila sudah memeperoleh kesenangan, diri kita sudah semakin menua, dimana indra kita sudah semakin lemah,pada saat itulah baru mulai membuka-buka isi ajaran agama dengan harapan untuk bekal mati.

5.      Sapunika panyengguh titiyange pecak,mawinan tan kumarisin, ring tatwa agama, ane patut kutamayang, wantah ring sang uban lingsir,ne tan wenang muponin kalegan gumi.

Artinya:

Begitulah perkiraan saya, makanya saya tidak begitu tertarik pada ajaran agama, karena agama itu hanya untuk orang tua yang sudah ubanan, karena mereka sudah tidak bisa lagi menikmati kesenangan dunia.

6.      Kocap katah agamane tuliye ubad, ngicalang lobane mentik,, bobabe madugal, malih solah sarwa corah,gring manusiane maurip,ne mamerat, ngawe ibuk sedih ati.

Artinya:

Katanya  agama itu  adalah obat, untuk melenyapkan tumbuhnya keserakahan, kebphongan yang makin menjadi,begitu pula perilaku yang jahat penyakit manusiia yang masih hidup yang mengakibatkan gelisah dan bersedih hati.

7.       Mangkin sinah panyengguh titiyange iwang, ring sampun bapa nuturin, wau titiyang pedas, agamane ne uttama, patut agem sareng sami, ne ring jagat, tua bajang cerik kelih.

Artinya:

Sekarang jelas anggapan saya pasti salah,setelah ayah menerangkan, sekarang baru saya tahu, betapa pentingnya agama itu,yang perlu kita anut bersama yang masih hidup didunia, baik oleh orang tua, muda , kecila maupun dewasa.

8.       Yening pade anake matuuh bajang, tuara patut manyungkemin, sanghyang sastra, pateh ring ngubuin degag, loba corah miwah rusit, bregedegan, ne dados pangering gumi.

Artinya:

Jika anak muda tidak mengamalkan sastra agama sama saja denga memelihara kesombongan, keserakahan, kejahatan dan usil serta kedengkian yang menjadi penyakit didunia.

9.       Twi sai corahe sat kapyara,saking alit ban ngubuhin,gelis ageng pisan,wirasa aeng tur galak, ditu mara kasiyatin, kala tuwa sinah gepe kasiyatin.

Artinya:

Karena sering sifat jahat itudipelahara , dari kecil hingga cepat membesar. Semakin garang dan galak ketika itu mau dilenyapkan apalagi sudah muali menua maka akan semakin kelimpungan.

10.  Twi katah anake kapecundang,dados panjak jantos lingsir,ngayahin ilobha,malih ida sanghyang smara, kanti ruyud kema –mai,mailehan, ngawe angen sang nyingakin.

Artinya:

Namun banyak yang menyerah, menjadi budak hingga tua, dan melayani nafsu keserakahan dan nafsu asmara kian kemari berkeliling, membuat kasihan bagi yang melihatnya.

11.  Nto makrana titiyang ne mangkin maresah,ajrih ring jaga mamanggih, bayane kaliwat, manggeh titiyang dados panjak, ring ilobha malih,sane dahat, keras tan dados piwalin.

Artinya:

Itulah sebabnya saya sesegera mungkin , saya takut akan bahaya yang akan menimpa begitu berat, dan tidak mau menjadi budak keserakahan yang benar-benar keras dan tidak bisa ditentang.

12.  Titiyang ngiring ngawit mangkin,jua melajah, nganut kecap sanghyang aji,ne tuliye jalaran, ngudepang solahe corah, ngelohang degage malih, sane dahat, sida titiyang mapikolih.

Artinya:

Saya akan memulai belajar sejak saat ini, saya akan menikuti apa yang ajarkan oleh sanghyang ilmu,yang menjadi jalan untuk melenyapkan perilaku yang jahat, serta menhilangkan kecongkakan, dan saya sangat yakin pasti akan mendapatkan hasilnya.

13.  Tuhu sengkan anake nyidayang sadia ,luput ring lara prihati,seken manggih panes , malih sakit ngebus uyang,magutin lobane sakti,ulih tatak ,purusa anggon nyalarin.

Artinya:

Terkadang orang mengira dirinya senang, terbebas dari duka lara dan prihatin, ketika menemukan derita dan panas membara,dicengkram oleh nafsu serakah, dihibur melalui nafsu birahi.

14.  Yan tan purun nanggehin keweh masiat, wireh takut manggih sakit, nging taler sengkala,tiba sakit makyayangan,natahin, prentahnya sai, ento icorah,meh satuwuk jantos mati

Artinya:

Kalau tidak bisa menghadapinya, sulit melawannya, maka akan mengalami sakit,dan juga mendapat bahaya,lalu menederita kelimpungan,melayani peintahnya setiap saat itulah sijahat, bahkan selamanya sampai mati.

15.   Pade lacur titiyang durus kapecundang, tan nyelsel titiyang dihati, nanging merasa sadia, reh sampun polih mategar, ngelawan lobane nindih,tuwi kalah ; kantun satria wastanin.

Artinya:

Jika saya malang lalu dikalahkan, saya tidak menyesal dihati , namun merasa beruntung, sebab sudah merusaha mengalahkan nafsu serakah, meskipun kalah, tapi tetap berjiwa pemberani  namanya.

16.  Yan bandingangring titiyang nyerah godogan, kabatek musuhi sakti, tan purun matangah, ring iloba sane marentah,tutut mamanjak tan mari, snah getap , dados kakedekan gumi.

Artinya:

Kalau saya bandingkan dengan saya menyerah begitu saja,hanya karena musuh itu sakti,saya tidak akan berhenti, pada si nafsu serakah yang selalu memerintahkan , kelihatan sekali saya jadi penakut dan menjadi tertawaan didunia ini.

17.   Inggih bapa sapunika antuk titiyang,yan telek manah-manahin,indike malajah, mangkin durus paicayang,ne patut titiyang uningin,anggen dasar, ngawitin mataki-taki.

Artinya:

Nah ayah begitulah kalau saya perhatikan dan saya renungkan jika kita belajar, sekarang silahkan berikan apa yang pantas saya ketahui untuk bisa dijadika dasar untuk mulai bersiap-siap.

PUPUH GINADA

1.      Uduh cening dewa sayang, jani bapa miterangin,sane kabawos agama ,nto patut anggon sasuluh,pangicalan kaduhkitan,tambet malih, nyandang pisan kamanggehang.

Artinya:

Duhai anakku sayang, sekarang akan bapak terangkan,apa yang sebut agama,itulah yang pantas dijadikan penerang, , untuk melenyapkan penderitaan dan juga kebodohan sangat penting sekali untuk diamalkan.

2.      Bapa dahat jati sadia, enggal cening mangrasanin,uripe nandang duhkita,wireh tambete ngeliput,ngawinang sami sengkala,ne kardinin,tuara manggih kasubagian.

Artinya:

Bapak benar-benar senang anakku, karena begitu cepat kamu bisa merasakan, betapa hidup ini dikuti oleh penderitaan,sebab tertutupi oleh kebodohan,yang menyebabkan semua marabahaya,, yang dikerjakan tidak menyebabkan kebahagiaan.

3.      Cening sampun manyihnayang, tutr agamane jati.ne sida jaga ningtingang, deweke tuliye kalebu,tengah segara duhkita,manandangain,setata kalara-lara.

Artinya;

Anakku kamu sudah membuktikan betapa ajaran agama itu adalah benar.yang bisa mengangkat disaat kamu tenggelam ditengah samudera penderitaan,yang selalu menipahkan kesengsaraaan.

4.      Keh anake tuara pedas, sengsara sane netehin, kerana tuara ngutsahayang,ne lakar nyidayang nulung,uli sedih malebleban, katandangin, saha tangis masel-selan.

Artinya:

Banyak orang yang tidak menegrti,penderitaan yang menimpa sebab tidak berusaha untuk mencari pertolongan dari tenggelam dalam kesedihan yang dihadapinya,namun hanyalan menangis dan menyesal.

5.      Tuwi ngecapin kalegan, kedep-kedep kadi tatit,nging tan sida ngenah galang,reh jagate peteng libut,pamragat magadaban, sinah paling, nyeburin pangkung gremebengan.

Artinya:

Meskipun merasakan kesenangan, berkedip-kedip bagaikan kilat, namun tidak bisa terlihat, sebab dunia ini gelap gulita, akhirnya meraba-raba  jelas akan tersesat, terjerumus kedalam jurang.

6.       Pangawit jaga bawesang, babad agama ne cening, mangden cening pedas nawang, agamane uli malu, sane dados wawarisan, lingsir cening, bapa nu manggeh ngambelang.

Artinya:

Terlebih dahulu ,kita bahas soal sejarah agama anakku, agar kamu bisa mengerti, agama kita sejak dahulu, yang menjadi warisan para leluhur dari dulu,yang masih bapak warisi.

7.      Agamane anut bapa, agama buddhane cening, nto agama sampun lumrah, kasungkemin cening dumun,nah keto mangguh ring babad,rauh mangkin, kantun katah ngamanggehang.

Artinya:

Agama yang bapak anut adalah agama Buddha anakku, itu agama yang sudah umum sudah di anut sejak jaman dahulu,begitulah yang tersurat didalam sejarah,hingga saat ini pun masih banyak yang melestarikannya..

8.      Lontar-lontar manyinahang,sane tamin bapa jani, nyuratang pawisik ida, sanghyang Buddha guru agung,manggeh kaguli satata, rawuh mangkin, tuara agama anyar.

Artinya:

Banyak lonta yang menunjukan ,yang bapak warisi saat ini, yang menuliskan sabda –sabda Buddha sang guru agung,masih selalu dibaca hingga kini,dan bukanlah agama yang baru.

9.      Candi-candine muktiang,ne nyelag mayasin gumi,lingsir cening ngewarisang, kasub candi Borobudur,candi mendut,miwah lenan, tan patanding dados gegawokan jagat.

Artinya:

Banyak candi yang menjadi bukti  menjulang menghiasi bumi menjadi warisan lelehur anakku, yang terkenal candi Borobudur dan candi Mendut dan yang lannya,tiada yang menandingi dan menjdai kekaguman dunia.

10.  Keto buktine nyinahang, indik lingsir-lingsire cening,nto makrana bapa galang,ngemanggehang ane malu, telek nyungsung sanghyang Buddha,saha tindih, wireh tuara ragragan.

Artinya:

Itulah bukti menunjukan,mengenai para lelhur anakku,makanya bapak terang benderang , melestarikan yang dahulu, menghormati sang Buddha dan setia sebab itu bukanlah akal-akalan.

11.  Jani bukti sane terang , panyungsungan dibesakih, ngagungan ida hyang Buddha, pamijil miwah pamantuk,nuju purnama kasada, kawastanin, purnama sidhi wesaka.

Artinya:

Sekrang bukti yang paling nyata. Tempat pemujaan di pura besakih, yang mangagungkan sang Buddha, saat lahir, dan mencapai nibana disaat bulan purana kesada yang dinamakan purnama sidhi dibulan waisak.

12.   Malih anggena nyungjungang , sanghyang Buddha sakyamuni, sasyane sang asatapaka,pura sakenan, nyinahang telek nyewaka, guru bhakti jeng muni sakya gotama.

Artinya:

Dan lagi untuk mengagungkan sang Buddha sakyamuni, para siswa sanghyang Astapaka, Pura sakenan membuktikan , kesetiaan mengabdi dan rasa bakti pada guru , terhadap gotama sakyamuni.

13.   Agama buddhane kocap , sampun kaloktah digumi,duk kedaton sriwijaya,ring tahun saka kawuwus,pitung atus sawatara, sane nguni, nah aketo kabawosang.

Artinya:

Dikatakan agama Buddha sudah dikenal sejak zaman kerajaan sriwijaya pada  tahun tujuh ratus masehi dijaman dahulu nah begitulah didikatakan.

14.   Prabu wibuh munder jagat, rauh kajaba nagari, tereh agung sailendra, , purin idane kawuwus, jenek ring swarna dwipa,ta patanding, sami subhakti nyewaka.

Artinya:

Maharaja penguasa dunia, keluar istana, keluarga agung sailendra, disebutkan tempat kerajaannya di pulau Sumatra,tiada yang menandinginya,semua mengabdi dengan penuh rasa bhakti.

15.   Ngraris ring jawa dwipa, duk kaprabon majapahit,tereh agung mahotama, sakti wisesa ngwengku, tos prabu kertanegara,pinih lewih, kanggeh Buddha amitabha.

Artinya:

Lalu dipulau jawa, pada jaman keprabuan majapahit, keluarga agung maha utama, yang sakti mandra guna , keturunan sang prabu kertanegara yang berelar Buddha amitabha.

16.  Gama buddhane kagungang, dados uger-uger gumi, nyusupin tata negara,nyiwanin sang para ratu, jagate kerta raharja,duke rihin , majapahit, sriwijaya.

Artinya:

 Agama Buddha sangat dijunjung tinggi, dijadikan peraturan Negara, yang di masukan dalam hokum tata Negara, yang menjiwai para raja, Negara dalam keadaan sejahtera kertaraharja, dijaman majapahit dan sriwijaya.

17.  Lanturang jani satwayang,agama buddhane cening, katon jati mabinayan, malih embahan kawuwus, nanging kelebutane tunggal, mangden ajin, tuara ngawe cening bingung.

Artinya:

Kita lanjutkan sekarang, anakku, agama Buddha memang kelihatan banyak bebrbeda apalagi dikatakan  alirannya,namun sumbernya tetap satu, supaya diperhatikan agar tidak membuat kamu jadi bingung.

18.   Ade Buddha Mahayana, Buddha Hinayana malih, keto wastan nyane kocap,margine sane kaduluh, pangungsine tong melenan,matitisang kanirwanan.

Artinya :

Ada Buddha Mahayana, ada juga disebut Buddha Hinayana,begitulah namanya, begitulah jalan yang dilalui berbeda  namun tujuan nya tidaklah berbebda semua menuju nirbana.

19.   Twi luhur malih limbak, agama buddhane cening, reh manut paileh jagat, tong ade ngalantur lanus ,ne mentik eep pamaragat,lantas ilid,jantos tan wenten mawosang.

Artinya:

Sangat mulya dan juga luas agama Buddha itu anakku, sebab sesuai dengan kondisi dunia ini, tidak ada yang kekal dan abadi, yang berkembang akan layu lalu lenyap hingga tidak ada yang membicarakannya lagi.

20.   Ne eep masih tong lana, pamuput malih malejit, reh bibite tuara ilang nto makrana malih tumbuh,agama budhane kembang , ngawit malih, tan sida antuk mialang.

Artinya:

Yang lenyap tidaklah terlalu lama, akhirnya bangkit lagi karena bibitnya tidaklah hilang, itu sebabnya tumbuh lagi , agama budhha berkembang dan bangkit lagi tidak ada yang bisa menghalanginya.

21.   Keto babade nuturang,krana tan selang dihati, reh tan nyalinin pejalan, nut pamargin laluhur, nto jalan jani pagehang, tur patitis, anggon ngalih krahayuan.

Artinya:

Demikianlah sejarah menuturkan, makanya tidak ada rasa curiga dihati. Sebab tidak ada merubah sang jalan, tutunanjalan para leluhur, itulah mari kita kuatkan , dan perhatikan, untuk mencapai keselamatan.

PUPUH GINANTI

1.      Inggih bapa titiyang nyuun, tatuane kalintang becik, sujati tan wenten mimpas, reh sampun buktine ngilis, kadi sane kabawosang, twara rarikrikan ati.

Artinya:

Aduh ayah saya sangat junjung tinggi, kisah yang sangat bagus, benar-benar tidak ada yang berbeda, sebab semua bukti sudah terlihat jelas, seperti yang sudah dibicarakan dan bukan perkiraan hati belaka.

2.       Sadurung sami kawuwus, babad agamane nguni, sujati manahe selang,ring gama buddhane mangkin,reh kantenang wau pisan, jeg gelis limbak pramangkin.

Artinya:

Sebelum semuanya dijelaskan , sejarah agama yang dahulu, memang benar dalam hati curiga pada agama Buddha, sebab dikira baru saja, tiba-tiba saja seketika penyebarannya begitu luas.

3.       Sinah pisan malih tumbuh, reh bibite sane rihin, kantun ageng malih samah, nanging saru kantun ilid, kantun ngantosang dahatan,masan sabehe ngaripis.

Artinya:

Sudah pasti akan tumbuh kembali, sebab bibit yang dahulu masih besar dan dan banyak, namun tersamar belum kelihatan hanya menunggu saat yang tepat menunggu datangnya musim hujan gerimis datang.

4.      Ring sampun keni belabur, sira tan sida ngalangin pasti ngalejit ngaliwat,, bayu karmane ngawenin,mula tan dados impasang,reh sampun kadarman gumi.

Artinya:

Ketika sudah tersiram hujan, siapapun tidak bisa menghalangi, pasti akan cepat melejit pertumbuhannya, tenaga karamalah penyebabnya,memang tak bisa dihindari karena ini sudah hukum alam

5.       Ne mangkin masannya tumbuh, seranteban kembang malih, gelis ngelep-lep tur limbak,nuwut pedadbdabnya rihin, kadine munggah ring babad, dados sasungkeman gumi.

Artinya:

Sekarang sudah musimnya tumbuh, berkembang serentak lagi pula segeran menyebar luas, mengikuti kisahnya yang dahulu yang terungkapa dalam sejarah menjadi pegangan di dunia.

6.      Sampun mabukti duk dumun, agama buddhane jati, polih majegang sejagat, ngawe kalanduhan gumi, reh lobane corahe ngadkad, bobab angkarane bersih.

Artinya;

Sudah terbukti sejak dulu, memang benar agama Buddha pernah membuat dunia ini damai, membuat dunia ini sejahtra , sebab keserakahan dankeejahatan , kebohongan dan keangkaramurkaan didunia ini tuntas habis

7.      Agama buddhane tumbuh,  mawali,kadine rihin, mugi-mugi dados cihna, mawali jagate becik, gemuh tan pakirangkirang, jadmane saling asihin.

Artinya:

Agama Buddha berkembang lali seperi dijaman dulu, semoga saja memnjadi ciri kembali dunia ini membaik, sejahtra tanpa kekurangan , setiap manusia hidup saling mengasihi.

8.       Ngardinin  jagat rahayu, mula karya banget sulit, yan tan kawitin dabdabang, tinggalang corahe rihin, sinah sanghyang ayu ningrat, boya panggih jantos mati.

Artinya:

Membuat keselamatan didunia , memang suatu pekerjaan yang amat sulit, kalau tidak segera di persiapkan, meninggalkan sifat jahat yang dahulu, hingga sang keselamatan bisa hadi , tidak akan dicapai walaupun sampai mati.

9.      Yan kantun masolah letuh, lobha bobabe senengin, sampunang kalangkung ngatgat, ngacepang jagate becik, reh tan jaga polih timpal, ne ajak megal mamaling.

Artinya:

Kalau masih berbuat yang buruk, nafsuserakah dan kebohongan masih disenangi, janganlah terlalu berharap dan berambisi, agar dunia ini jadi baik, sebab tidak akan memperoleh teman untuk ikut merampaok dan mencuri.

10.  Janten deweke pakewuh, tan sida ngambekang rusit, reh sainge sami telas, ne ajak nyorah mamaling, krana sedih sedih padidian, corah dijagate besik.

Artinya:

 Sudah pasti akan susah sendiri, tidak bisa lagi berbuat usil, sebab semua teman-teman sudah meninggalkan, yang dijaka berbuat jahat dan mencuri sudah tidak ada lagi, itulah sebabnya sedih sendirian, karena jahat di dunia sendrian.

11.  Nyandang dabdabang ping ruun, solahe corah pitetin, mokak misunane dohang, duleg manahe bersihin, punika anggen mendak, sanghyang ayu pasti rauh.

Artinya:

Sudah saatnya dimulai terlebih dahulu,sifat jahatya diikat , bohong dan memfitnah dijauhi, fikirann kotor dibersihkan, itulah dipakai menyambut maka sang keselamatan pasti dating.

12.  Mawinan manahe suluk, meled jaga manyalinin, solah titiyang sane nyasar, ne mameteng kadi rihin,reh  meled ring  karahayuan, ne sai acep di hati.

Artinya:

Itulah sebanya secara tlus ingin merubah sikap saya yang tersesat, yang gelap seperti yang dahulu,sebab menginginkan kerahayuan yang selalu diharapakan di hati.

13.  Wireh titiyang tan pasuluh, krana tan sida mastitis, margine sane mameneng,ngojogang sane kapti,ne mangkin sampun merawat saking bapa mangda nyuecanin.

Artinya:

Sebab saya tidak ada penerangan saya tidak bisa mengarahkan meluruskan pada apa yang diinginkan namun sekarang sudah tergambar dari bapak supaya memberikannya.

14.  Titiyang nunas mangden tumus,paswecan bapane mangkin,lanturang malih bawosang,napine patut tibakin,mangden sayan-sayan terang,antuk titiyang manampenin.

Artinya:

Saya minta agar diteruskan,petuah bapak sekarang, lanjutkan katakana apa pantas untuk diberikan,supaya saya semakin mengerti untuk menerimanya.

PUPUH GINADA

1.      Uduh cening dewa sayang, lega bapa maminehin,wireh cening sayan pedas, ring paridabdab rahayu,pagehang sai nyusupang,jantos ngilis , idep ceninge melajah.

Artinya:

Aduh anakku sayang, senang bapak memikirkan sebab kamu semakin mengerti pada apa yang di maksud keselamatan,tabahlah dalam meresapinya, agar kamu semakin kuat untuk belajar.

2.       Twi cening magama Buddha,pada kocap agama lewih,mauruk dogen selegang,tuara dadi cening ajjum,suluh idepe malajah,ne sujati,ngawinang manggeh kesadiyan.

Artinya :

 Meskipun kamu beragama Buddha anaku, yang dikatakan agama yang baik ,tekunlah belajar, dan jangan pamer,jadikan penerang dalam belajar yang sebenarnya,yang membuat kamu menemukan kebahagiaan.

3.      Nyandang bhaktinin jungjungang, agamane anut cening, pawarah pinih utama, ngojogang ngalih rahayau, anggen nundun mangden galak, idep cening, anteng magiet melajah.

Artinya;

Wajib berbhakti dan mengagungkan agama yang kamu anut,  ajaran yang sangat utama, yang membawa pada keselamatan, untuk membangkitkan agar bersemangat serta rajin dan giat belajar.

4.      Kewala da pati cacad, nyelekang agama malih, ne kanut ban anak lenan,teken cening twara patuh, yan pradena ko masolah,ento ngiwangin, ane madan kapatutan.

Artinya:

Tetapi janganlah sering menghina dan menjelkan agama yang dianut oleh orang lain, kalau kamu melakukan itu berarti sudah menyalahidari apa yang disebut kepatutan.

5.      Yan ada anak nyumbungang agaman nyane lewih, raris banget ipun nyadcad , agamane lenan bauk, ento jati manyinahang , tan nguningin , indik padabdab agama.

Artinya:

Kalau ada orang yang menyombongkan agamanya sendiri yang terbaik dan menghina agama orang lain yang buruk itu benar-benar manunjukan bahwa dia tidak mengertia tentag beragama.  

6.      Manut ida sang pawikan, agamane tuah abesik,nanging ane mabinayan, caran deweke ngaruruh, nto makrana makanten katah, yan liatin, antuk panguning katunan.

Artinya:

Menurut para bijaksana, sebenarnya agama itu hanyalah satu, tetapi yang membedakan adalah cara pencariannya, itu sebabnya kelihatan banyak ada agama, kalau dilihat dengan keterbatasan pengetahuan.

7.      Ada madan agama Buddha , ada ane lenan malih, tui wastan  nyane mabeda, tatujune ngilis patuh, matitisangkerahayuan , makasami, nyaratang sanghyang kamoksan.

Artinya:

Ada yang namanya agama Buddha , ada juga yang lain namanya, meskipun namanya berbeda namun memiliki tujuan yang sama  iyalah mencapai keselamatan bersama, serta sama-sama menuju kebebasan abadi.

8.      Krana iwang yan nyelekang, nyeda len agama malih, dwaning tuara mabinayan, nyeda agamane kanut, wireh agamane tunggal ne sungkemin paturu rahayu buwatang.

Artinya:

itulah sebabnya adalah salah jika menjelekan agama orang lain lagi pula tidak ada bedanya dengan menghina agama yang dianutnya sendiri, sebab agama itu adalah tunggal, yang dianut adalah sama-sama  menginginkan keselamatan.

9.       Diastu sane ruruh tunggal, tan nyidayang sareng sami, adung mamargi, adung mamargi sranteban, krana mabinayan rurung manut sida antuk ngentap, abot iying,sami manut tatimbangan.

Artinya:

Meskipun yang dicari adalah sama, tidak bisa bersama-sama akur berjalan secara serentak, sebab berbeda menurut yang menjalaninya,berat atau ringan semua berdasarkan ukuran masing-masing.

10.  Ring lontar sampun keunggahang, antuk sang pradnyan sujati,kadi anake majalan,ngungsi ngalih muncuk gununge, ada nuju uli kaja,saking kangin, kauh kelod ane lenan.

Artinya:

Didalam lontar sudah di ungkapkan oleh para bijaksana, benar bagaikan orang yang berjalan mendaki puncak gunung, ada yang dari arah selatan ada yang dari timur, dari barat dan utara dan yang lainnya.

11.   Ne uli kaja mejalan sinah nto kasenengin, krana uli kauh ngentap, reh ditu idepne suluk, paturu ngadungang manah, tuara dadi,paksa patakut musuhang.

Artinya:

Kalau melangkah dari arah selatan pasti itu yang disenangi, sedangkan yang dari barat jelas karena disanalah kemauannya, sama-sama mempertimbangkan pemikiran. Tidak boleh dipaksa, ditakut takuti, apalagi dimusuhi.

12.  Yan pade ngeleng majalan, tuara malih tolah tolih, saget ring pupute nuncap,ring puncak gunung macepuk, wireh tatujone tunggal, sareng sami, tan wenten jele melaksana.

Artinya:

Kalau sama-sama lurus melangkah, tidak lagi menoleh kian kemari,tiba—tiba sampai dipuncak, dipuncak gunung mereka bertemu, sebab tujuannya sama, semuanya tidak ada yang melakukan hal-hal tidak baik

13.  Agamane yen sinahang, wantah pabresihan jati, ngalukat solahe corah, mersihin manahe letuh, ngumbahin rawes degag,saksat jati, ne kahkah mentip madugal.

Artinya:

Agama kalau diperhatikan , hanyalah pembersihan yang sejati, menghilangkan sifat jahat, membersihkan fikiran yang kotor,mencuci kata-kata yang kasar, memotong yang tumbuh kuat sampai habis.

14.  Yan pade jani saihang , paileh jadmane sami, sane nyungkemin agama, tan bina ring anak mandus, pada magiyet musuan, mangden bersih, reged deweke nyak kedas.

Artinya:

Kalau diandaikan sekarang ini keadaan orang yang menganut suatu agama tiada bedanya dengan orang yang sedang mandi, semua giat menggosk badannya agar bersih dari segala macam kotor agar dirinya bersih.

15.  Jani tuara mabinayan, pakardine sareng sami, pada mresihin ukudan , muceh solahe malublub, kasuen nyak sayan kedas,  maka sami , saluwirne ngawe kanrakan.

Artinya:

 Benar-benar tidak ada yang berbeda,yang dilakukan oleh semua orang, semua membersihkan diri, menghancurkan perilaku yang serba jelek,lama-lama jadi bersih semuanya dari segala yang bisa membuat ke neraka.

16.  Patute giyet musuan, meresihin deweke sai, yening lantas saling sabat, macanda tur saling singguk, ngengsap teken kapatutan,ngumbah daki, buin pidan deweke kedas.

Artinya:

Semestinya giata menggosok badan dan membersihkannya selalu, kalau terus saling lempar dan selalu bercanda dan bersenggolan,lupa pada kewajiban, memebersihkan daki, kapan diri ini akan jadi bersih?

17.  Ane keto sinah iwang, reh sami tan mapikolih, tui bulanan tibanan , ring toyane sai mandus,seken tuyuhe makutang,nging ne panggih,tuwah dingin magegetoran.

Artinya:

Yang demikian jelas tidak benar sebab semuanya tidak menghasilkan,meskipun berbulan-bulan bahkan bertahun-tahun mandi di  air , benar-benar kesibukannya terbuang,namun yang didapat hanyalah kedinginan yang menggigil.

18.  Ento krana cening sayang susup-susupang dihati,unduke nganut agama,liyu ajak tuara rungu, sering marebat ajak timpal,saling delik , bantas agamane mlenan.

Artinya:

Itulah sebabnya anakku resapkanlah didalam hatimu ,didalam menganut agama, banyak orang yang tidak tahu/ mengerti sering rebut dengan teman, saling mendelik hanya karena berbeda agama.

PUPUH PUCUNG

1.      Wantah patut, misadia titiyang ngalungsur,pakeling utama,ngicalang salit penampi,wireh liyu,  panguninge twara pedas,

Artinya:

Saya benar-benar gembira memperoleh pituah yang sangat penting, menghilang salah mengerti sebab banyak pengetahuan yang tidak jelas.

2.       Dasar bingung , ngajak timpal tuara adung, metu saling cacad, pamuput saling musuhin, sinah punggung,magarangin katambetan.

Artinya:

Karena sama-sama dasar bingung, dengan teman tidak akur,keluarlah saling menghina,akhirnya saling bermusuhan, dan jelas dungu , berebut kebodohan.

3.       Dwaning patuh,panguninge pada gantut,palihate bawak kadi ikatak masaih, ne masekung, matangkeb batan tengkulak.

Artinya:

Karena sama-sama terbatas pengetahuannya , pandangan yang sempit saumpama katak yang terkurang didalam tempurung.

4.       Metu kukuh, wireh paliate enduk, tan sida ngaliwat,metel sane manekepin, ngawe durus, ngawe ceda tur marebat.

Artinya:

Saling kekeh, karena pandangan yang lemah, tidak bisa melewati, menembus yang menutupi,yang menyebabkan terjadinya saling hina dan bertengkar.

5.      Sinah bengkung yan kantun tambete nguwub, sami mrasa tawah, sane tong taen liatin,bedug jukung, tan uning ring pajagatan.

Artinya:

Jelas akan membandel ,klau masih di selimuti oleh kebodohan, semua serba asing setiapa yang baru dilihatnya benar-benar tuli tidak mengerti mengenai hal-hal yang ada didunia.

6.      Siyu tahun twara nawang lutung puruh,twi anteng malajah, lontare tan mari gulis, yening kantun, tengah tengkulake nginyah.

Artinya:

Seribu tahunpun  tidak akan tahu yang namanya kera strees, walaupun rajin belajar , tak pernah berhenti membuka lontar,kalau masih berada dibawah tempurung.

7.      Janten inguh, mamanggih gedeg satuwuk, ,yen pade banggayang,tambete terus ubuhin, ngawe musuh, sok matengguhin panawang.

Artinya:

Jelas gelisah, selalu menemui kemarahan selamanya jika tetapa dibiarkan , kebodohan dipelihara, membuat permusuhan dan sok mempetruhkan kepintaran.

8.      Patut purun , nomplok, jantos dek-dek remuk, mangda maungkaban, tengkulak sane netehin, sane nguwub ,satwluya katambetan.

Artinya:

Seharusnya berani mendobrak dan hancurkan hingga remuk, supaya terbuka tempurung yang selama ini menutupi yang menyelimuti , sperti kebodohan.

9.      Kala ditu , makasyab, saha tangkejut, bengong kijap-kijap,reh katah tembe panggihin, banding dumun, sakantun nyuwun tengkulak.

Artinya:

Pada saat itulah terperangah, dan terkejut, tertegun dan berkedip-kedip, sebab banyak hal yang abru dijumpai,dibandingkan dahulu ketika masih berada didalam tempurung.

10.  Wawu rungu , deweke sujati punggung, sasampune sinah,, palihate limbak mangkin, katah pangguh, sadaging jagate jimbar.

Artinya:

Baru disadari ternyata selama ini diri ini benar-benar dungu, sesudah melihat , pandangan makin luas , banyak yang dijumpai,seisi dunia ternyata sangat luas.

11.  Sinah sampun tuara malih banget kukuh, reh sampun pawikan, ring kawon kalawan becik, sida antuk, malih ne ngawe kasadian.

Artinya:

Jelas sudah tidak lagi terlalu bersikukuh,soalnya sudah mengerti pada hal yang salah dan yang benar, jadi bisa membuat gembira lagi.

12.  Krana laju, manah tityang jaga muruk, wireh pappetengan , tan uning ring daging gumi, sengka kantun, mikolihang krahayuan.

Artinya:

Karena begitu cepatnya saya ingin berlatih, karena kegelapan, tidak tahu akan segala sesuatu tentang dunia ini, namun masih berharap memeproleh keselamatan.

13.  Titiyang tutut , ring sanghyang Buddha mateduh, tan ajak-ajakan, nging ditu manahe ngilis,nganggen rurung, ninggalang malapataka.

Artinya:

Saya ikut dan berlindung pada sang Buddha, tidak ada yang menari-narik, namun sudah bulat batin saya disana, sebagai jalan untuk melenyapkan malapetaka.

14.   Wireh langkung, manahe panes satuwuk, mawinan nyaratang, malajah agama mangkin, tulya tedung, neduhin sang kasangsaran.

Artinya:

Karena sudah terlanjur , hati ini panas sudah lama makanya ingin belajar agama sekarang, sebagai paying, yang meneduhi sang mengalami sengsara.

15.  Yening tuhu , manahe ngaruruh ayu, patute pedasang,  tarune sane kaungsi, mangda rembun, agung kukuh malih ipak.

Artinya:

Kalau benar ingin mencari keselamatan, seharusnya diperhatikan dengan baik, pohon yang dijadikan pelindung, supaya rimbun besar kuat dan rindang.

16.  Sinah  sampun, tatujone sida pangguh, panese kaliwat, sayan udep saka kidik,, tur pamuput , kasiram dayuh rasayang.

Artinya:

Jelas tujuan akan tercapai panas yang begitu membara semakin terasa adem sedikit demi sedikit, dan akhirnya tersiram dan sejuk dirasakan.

17.   Sing ke lacur,yan pade ngaruruh dayuh,raris masayuban, ring tarune reges ligir, tuah mawuwuh , mamanggih panes kabaran.

Artinya:

Bukankah menyedihkan jika mencari tempat bernaung pada pohon yang meranggas dan tidak berdaun, hanya mekin mandapatkan npanas yang berkobar.

18.  Yening rungu, ring pasarate mateduh, metu kapanesan, jantos tan sida nandangin,patut purun magegas saha matinggal.

Artinya:

Kalau mengerti bagaimana seharusnya bernaung, kalau keluar panas hingga tidak bisa di hadapi, seharus berani bergegas dan pergi meninggalkannya.

19.  Tambet langkung, yan sampun marasa kebus, tan purun makalah, yen sujati mamanesin,merah meruh , jantos kembung maglubaran.

Artinya:

Bodoh yang keterlaluan kalau merasa panas tapi tidak mau meninggalkan, kalau benar benar sudah membakar.,mengeluh hinggga bengkak dan mengelupas.

20.  Tuara patut , yan deweke patijlameut,tur masambatan, ngenehang bpanese ngapi,nging tan purun, tedah saking kasangsaran.

Artinya:

Tidaklah benar menyalahkan dan mengumpat memikirkan panas yang berapi-api, tetapi tidak mau pergi dari kesengsaraan.

21.  Yening weruh, tan suwe nanggenin keweh, gelis ida tedah, saking genahe genahe ngebusin, nyandang tiru, solah sang mraga peradnyan,

Artinya:

Kalau mengerti, tidak akan lama mengalami kesulitan , pasti akan cepat terlepas, dari tempata yang begitu membara, patut diikuti,perilaku sang bijaksana.

22.   Minab liyu , nto anake tuara lingu,ring agem-ageman, sane kacep manayuhin,krana durus,  nandang sedih mapangenan.

Artinya:

Masih banyak yang tidak peduli pada yang di dianutnya, ang diharapakan menyejukkan , namun akhirnya merasakan kesedihan dan penyesalan.

23.   Titiang nyengguh, ne anggon jalaran nganut, sakancan agama, telebang maritetesin,sane adung, pilihin anut manggehang.

Artinya:

Saya mengira  yang dijadikan jalan sesuai dgn agama , perhatikan secara mendalam, yang sesuai , pilih pegang dan laksanakan/

24.   Minab patuh , nganut agama ne luhur, yening umpamayang, kadi ngupajiwa jati, katah tahu, karyane kanggen jalaran.

Artinya:

Mungkin sama keluhuran menganut suatu agama , kalau di umpamakan seperti memelihara badan ini , benar banyak yang tahu, pekerjaan lah dijadikan jalan.

25.   Twi patuh, pada ngitung basang seduk, yen mangupajiwa, tan tunggal karyane keambil,tuah ne adung, kapilih tur kamanggehang.

Artinya:

Walaupun sama –sama menurusi perut lapar, tidaklah satu pekerjaan yang di ambil hanya yang cocok yang dipilih dan di kerjakan.

26.   Yen mamacul, gaginane sampun caluh,  tan sida adokang , ngambil gaginane nulis, diastu aluh, pesu peluh matah-matah.

Artinya:

Jika mencangkul , pekerjaan yang sudah biasa di lakukan, tidak bisa di handalkan untuk mengambil pekerjaan menulis, meskipun gampang ajab keluar keringat dingin bercucuran.

27.   Yening nerus, yan paksa sami mamacul, taler ngawe iwang, sami paksa nyudagarin sinah uyut, sami pakewuh maresah.

Artinya:

Kalau di teruskan , jika semua dipaksa semua mencangkul, juga membuat kesalahan, semua dipaksa sebagai saudagar pasti ribut, semua kerepotan dan resah.

28.   Sinah ipun , ngadungin tatimbangan kahyun, ne sida ban ngarap, malih tuara makewehin,nging ne tuju, wantah ngewaregang basang.

Artinya:

Jelas lah mereka menuruti pertimbangan fikiran, yang bisa dilakukan, lagipula tidak memberatkan pada yang di tuju, hanya mengenyangkan perut.

29.   Tuara patut , mamancing karayane saluk,sinah jaga osah, pade paksa nyudagarin, diastu liyu, pikolihe sane bakat.

Artinya:

Tidaklah pantas  pekerjaan memancing  diganti,jelas akan jadi susah, andaikan dipaksakan jadi saudagar,,, meskipun banyak penghasilannya.

30.   Banget letuh,yen sami jaga mamusuh,pacul lawan dagang,pande teken juru pancing,, napi pangguh,wantah paturu makenta.

Artinya:

Sangatlah hancur jika semuanya bermusuhan, petani melawan pedagang, pandai besi melawan juru pancing,apakah yang didapat hanyalah kelaparan.

31.   Sinah landuh,yening sami saling tulung, idagang ngantenang , ijuru pancing ngegohin , nto ipacul, nyanguin sami ring jagat.

Artinya:

Pasti akan makmur bila semua saling menolong, para pedagang memperhatikan, tukang pancing menyediakan lauknya, petani juga menydiakan bekal semua yang ada didunia.

32.    

Grehasta Winaya

karya : Alm.Sri Pandita Buddha Rakshita

Namo Buddhaya

Atur  Pihuning

PUPUH GINADA

1.       Nggih para sameton tityang, jaga iring tityang mangkin , natasang , tatwa agama , ne patut anggen sasuluh, nuluh huripe ring jagat, sane sripit,bayane katah temokang

Inggih sameton tityang  ring dharma sinamian sane uttamayang tityang, sane mangkin meled pisan manah tityang jaga ngiring sameton sami ,ngarembayang saha nelektekang paplajahan agama  , napi awinan –saantukan paplajahan agama punika nyandang pisan anggen sundih iraga sareng sami, nyuluhin pamargine nuluh huripe ring jagate, sane kabawos kalangkung manyenglain, santukan katah pisan jaga manggih gegodan kapingkalih panyengkala ring tengah margi

2.        Makrana patut saratang , tatwa agamane gulis , punika sujati tamba, panglukatan sarwa kewuh, panyapuh wara bencana, ne matitis, nuju huripe subagya

Inggih punika awinan nyandang pisan  I raga sareng sami mamuatang,nelebang malajahin papplajahan agamane gulis bulak- balikin , duaning wantah paplajahan agama punika sane dados anggen tamba, sane jaga ngaruatang utawi ningtingang sakeng sakancan kasangsarane sane netehin, paplajahn agama taler sane waluya jaga nyampatang kedas salwir pangkalane sane nibanin ,turmaning beneng matitisang, ngojogang ring kawentenane mahurip sane bagia rahayu.

3.       Paplajahan Sanghyang Buddha, sasungkeman sareng sami, warah-warah kasuniatan , tuhu  sabda lintang luhur,yan tan hiwang antuk tityang ,tulya margi , wenten manpan wenten nujah

Yan mungguing warah-warah  Ida Batara Buddha sane kawastanin Buddha Dharma utawi   agama Buddha , punika agama sane sungkemin  I raga sareng sami , napi awinan , dwaning punika paplajahan  kadharman utawi paplajahan kapaptutan jagat –sane natwawayang sami paileh jagate, punika awinan jati- jati  warah – warah kalangkung utama: paplajahan agama Buddha punika makasami yen tan salit pamarnan tityang , yen umpamayang satwaluya margi, wenten margi sane manpan sane dangan antuk nuluh taler wenten margi sane nujah sane kalngkung manyengkanin.

4.       Tuwi sane ruruh tunggal , bina carane manggihin, wenten nuluh margi dangan, belak- belok nagel siku,wenten mameneng manujah , entap antuk bayu akas

Sujatin ipun sane sarat rereh sareng sami ngilis wantah asiki kabawos kalepasan utawi Nirwana, sakemaon mabinayan caran anake sane nyaratang mamanggihin kalepasane punika, wenten anak sane nuwut margine sane dangan kabatek antuk tuna kakuatan ipun. Kanggenag ipun mamargi doh belak-belok jantos nagel siku, sane mabayu akas ipun milih margine beneng yadiastun banget ngeregahang, nyaratang  mangda  gelis rawuh jantos tan ngetangin sane manyengkanin, margine punika duluh ipun santukan nyagerang kakuatan dewek ipun.

5.       Palihan margine nujah, katiba ring para suci, ne sampun ninggal kasukan, makadi sang para wiku, sang maraga pageh dahat, saha ngilis, nuluh margi kasunyatan.

Paplajahan sane abot-abot  makadi sila( Brata)  Samadhi , prajnya sane satwaluya  margi ngaregah, kauttamayan: marep ring Ida sane jaga mresihin  raga , saha sampun ninggalang sami –sami makadi rabi putra puri saha padrewean Ida, makadi Ida sang para biksukha sisian ida Sang batara Buddha, Ida sane kalangkung pageh ninggal puri malinggih ring alase utawi ring pasraman( wihara),dulurin antuk sampun nunggil pakayunan , duaning tan karewedin malih antuk putra miwah rabi geleng nuwut margine nuju kanirwanan.

6.        Margine mapan kinucap,palihane kaping kalih, sane linggah dangan,ring sang grehasta katuju, sang mapikuren ring jagat, sane kari, kategul ban sukan jagat.

Kabawosang paplajahan agamane sane dangan-dangan sane satwaluya margi sane manpan , punika babagiane sane kapingkalih ipun, punika marupa margi sane jimbar makrana elah antuk nuluh turmaning katah genah mateduh , margine punika sane kapapucukang marep ring sang grehasta, sane kawastanin sang grehasta anake sane mapikuren iriki ring jagate, ipun punika banget pisan kantun brengkat, santukan kantun kabanda antuk sakancan kasukan jagat.

7.       Kantun tegul pianak somah , muah kapatutan mahurip,punika ngawe seranta , yen margine nujah duluh, lwir solah sang wicaksana, krana milih, margi sane manpan entap

Sane kabawos sang grehasta  ipun kantun kategul antuk rabi miwah putra, lianan ring punika taler kantun kabanda antuk sakancan tategenan sang mapikuren, indike punika sane ngawinang ipun banget pisan kadat saha abot, yen pade ipun jaga mamanah ngentap margine sane banget ngaregahang , sakadi  margin Ida sang maraga wicaksana sane sampun ninggalang makasami, punika awinan sang mapikuren nyaratang milih margine sane tan banget makewehin margine sane manpan yadiastun suwe  jaga rawuh ring sane kacepang

8.       Huripe jroning  grehasta , boya padidi ngalintik, makrana nyandang saratang, tan masolah ngandang naganjuh , nanging madasar winaya, sareng sami, mangda sida ngawe ledang.

Ngeninin  indik mahurip ring sajroning sang mapikuren iriki ring jagate, boya ja wantah ngaraga kadi hurip Ida sang para biksukha ring alase , duaning katah sane iringang punika awinan patut saratang pisan asida-sidayan , mangda tan melaksana nganggo kita tan malaksana ngandang –nganjuh, sakemaon patut madasar antuk sasana-sasana soang-soang, sareng sami mangda ngagemin becik-becik , mangdennya  mresidayang ngenntikang kaledangane mahurip ring jagate.

9.       Satata mapagubugan, sapanjang kantun mahurip, ring sasamane makatah,makadi aji lan ibu, sane ngarupaka pecak, tur nyangunin, saking rare jantos bajang.

Mahuripe ring sajroning mapikuren tan mari sagalang-sagulung nyabran rahina, sasuena kantun katungu antuk sanghyang hurip, mapagubungan ring sasama manusa sane tan pawilangan katah ipune ring jagate makadi ring aji kapingkalih ring biang sane marupa ping arep, patut pisan sumbah baktinin santukan dane sane sampun ngadakang sane rihin, lianan ring punika dane taler sane ngupapira tan reredan, ngawit saking alit wahu embas jantos sampun taruna pekas.

10.   Twi ring guru sakolahan , ne sampun ledang ngajahin,tan piasan dados belasang , reh dane ngicen kaweruh, bekel ne dados jalaran, mangulati ,  pangupa jiwa wekasan

Yadiastun sagalang-sagulunge ring  dane iguru ring sekolahan, sane sampun madasar antuk kayun ledang saha asih mapaica paplajahan , tan pisan dados impasin ring sajroning huripe dados grehasta, santukaan twah saking ledang dane I guru pamekas sane ngawinang iraga madue panguning , punika sane sat waluya dados bekel sane jage anggen larapan , pamargine keme mai ngaruruh-ruruhin , pekaryan anggen mikolihang arta berana mangda wenten anggen pianak kapingkalih kurenan.

11.   Twi  ring  pianak kurenan , mategul malih makilit , ngetangin sakula warga, ngupaya mangdennya lantur , kasidan tan jantos kirang, sajroning hurip,  sida mangguh kasubagyan.

Yadiastun sagalang-sagulunge ring pianak kapingkalih kurenan, punika sane pinih tampek makrana kadi kabanda taru makilit,nyabran rahina gupuh makarya saha ngaremabyang kulwargane makasami, magiet pisan ngutsaahayang mangda mresidayang lanus tan katiben gering saha panyengkala,maliha mangda kasidan salwir sane saratang tan jantos pakrang-kirang antuk pangangge saha ajengan, ring sjroning ngalanturang huripe ring jagate , mresidayang mamanggih kadegdegan manah sakulawarga.

12.   Ring sawitrane makatah, kadang brayane pituwi,jati manggeh nora pasah, dados kantine rahayu, saling tunasin timbangan, saling asih, nyabran tunasin tatingan.

Taler sagalang –sagulunge ring para sawitrane sane makatah, inggian ring para kadang berayane sane wenten ngiter huripe nyabran rahina, terus kemaon paridabdabe punika tan naenin belas ; ipun punika sane kawiaktiannya kanti sane uttama anggen larapan ngardi karahayuan, duaning ring ipun punika makasami  jaga nunas tatimbangan, ring ipun taler sane patut saling asihin, ugi rikala katiban pakewuh ipun taler jaga tunasin tulungan.

13.   Malih Ida sang pandita, sang prajnyan patut baktinin, ida micayang pawarah, panuntun huripe landuh, ngudepang kaloban manah, saha masmi, papeteng lan bregedegan.

Sane iring sagalang- sagulung ring sajroning huripe mapikuren wenten taler sang maraga sane dados guru agama , ida sang maraga wicaksana turmaning suci sane patut papucukang baktinin, napi awininan- duaning ida sane satata maicayang paplajahan sane luhur , sane waluya panandanan huripe nuju karahayuan, sawireh paplajahan agama punika sane dados jalaran mucehang manahe loba ring kasukan jagat jantos bersih ,manahe satata paling miwah papetengan jantos tan sidha ngantenang kapatutan ne ring jagate taler mresihin bregedeganne sane tan paunduk punika.

14.   Wenten taler I pengayah , sane mayah-ayah sai, nulung sajroning pakaryan, taler sang para patandu,len pamekel sane olas, maicain, pakaryan aneka warna.

Sane ajak sagalang –sagulung nyabran rahina wenten taler anak sane dados pengayah, sane pakaryan ipun satata ngaturang ayah, ipun taler sane nulungin anake sane madue pakaryan napi lwire, malih sane standing kawentenan ipun ring pangayah punika para patandu ; Yen katuju I raga dados pangayah utwi patandu ring jagate sinah madue pamekel, dane punika sane marupa , olas mapaica , pakaryan sane maendahan rupan ipun makadi pakaryan ring tegal carik miwah pakaryan sane lian-lianan.

15.   Kadi punika katahnya,ne ngiter rahina wengi, marupa nemnem pawosan, nyabran iring gradag-grudug, mangda side nemu bagya, ne kulati,, jroning hurip sang grehasta.

Inggih kadi sapunika katah bacakan ipun , sane ngiter rahina wengi ring sajroning huripe mapikuren, nem golongnan bacakan ipun makadi ( 1) Biang kapangkalih Aji. (2) Guru sekolahan. (3) Putra kapingkalih Rabi. (4) Para sawitra lan kadang braya.(5) Sang pandita Guru agama.(6)Pangayah kapingkalih Pamekel. Bacakannya punika sane satata iring kemo mai gradag –grudug, mangda saking sagalang-sagulunge punika nyidayang dados larapan ne kasubagiane mahurip, wantah punika sane tan mari dados acepan manah, ring sajroning kantun mahuripe iriki ring jagate dados grehasta.

16.   Punika krana saratang, papucukang sareng sami, paplajahan sang grehasta, ne jaga ngardi rahayu, ngayah dados sang grehasata, kadi mangkin, ring jagate sane limbak.

Santukan kadi punika kawentenan huripe ring sajroning mapikuren punika awinan patut saratang pisan, mangda sareng sami nguttamayang ping rihin , pawarah Ida Batara Buddha ngeninin paplajahan sang dados grehasta, sane pamekas jaga nyidayang ngentikang karahajengan, sasuena ngayah dados sang mapikuren ring jagate, sakadi kawentenane mangkin, mahurip ring jagate sane linggah.

17.   Batara Buddha pawikan , krana ida miteketin,sang truna tereh sigala, grehasta winaya kasub, warah-warah mahottama, kasungkemin, ngilis antuk antuk sang grehasta.

Kengin palungguh Ida Batara Buddha sang pupating sampurna ring daging kawicaksanayan pawikan ida, punika awinan ida mapaica pawarah- warah , ring sang kantun matwuh taruna sampun mapikuren tos sigala, miteketang grehasta winaya sane sampun kaloktah inggih punika sasanan anak mapikuren marep ring biangaji- ring guru sakolahan – ring putra kalawan rabi- ring sawitra –ring sang Pandita  sane dados guru agama- ring pangayah utawi patandu taler

 ring Pamekele, punika marupa piteket Ida Batara Buddha sane dahat uttama, sane patut kagemel tur kalaksanayang, duaning grehasta winaya punika ngilis paplajahan sang sane mapikuren ( Masyarakat biasa) anggen larapan ngardiang kulewargane rahayu.

SATWAN SANG TEREH SIGALA

PUPUH GINADA

1.       Margi mangkin caritayang,,kala Sanghyang Sakyamuni, ida kantun masusupan, ring alas pring lintang teduh,kasub linggih para tapa. Ngyunyunin, nampek kuta rajagraha.

Inggih margi satwayang  dumun ne mangkin wiwitan grehasata winaya punika; Sane rihin kenjekan Ida Batara Buddha Sakyamuni, duk Ida jenek malinggih ring alas tiyinge sane dayuh turmaning tis pisan , alase punika sane kasaratang kasub dados linggih  sang para tapa, duaning kalangkung becik nudut kayun, maliha genah alase punika tan doh saking kota Rajagraha.

2.       Ring sedeng ida mamarga, tedun lunga ke nagari, nyaratang ngaruruh dana, kancit wenten sang kapangguh, anak bagus bagus truna bajang, tengah margi, tereh sang Sigala kocap

Kantun semengan sasampun husan ida ngelarang Samadhi raris ida mamargi, saking alase nedunang lunga  ka ko ta Rajagraha , pisarat idane jaga ngumpulang rayunan sane katurang antuk anake sane bhakti saha olas ; Ring pamargin idane nuju Rajagraha saget wenten jadma kapanggih antuk ida, anak sane bagus pisan kantun mayusa truna nedeng pisan, kapanggih ring tengah-tengah pamargin idane ; Jadmane teruna bagus punika kabawos tossing Sigala.

3.       kapanggih kantun semengan,  jumelag kantun mabakti, saha tangan macakupan, nyumbah mailehan terus, marep kangin miwah kaja, kawuh malih, kelod menek lan nuwunang

Duk ida Batara Buddha mamanggihin tos Sigala punika wiakti pisan; kapanggih ipun kantun majujuk pageh ngulang ngaturang bakti, kadulurin antuk tangan ipune macakupan, nyumbah-nyumbah ipun terus mailehan tan raryanan, ngawit ipun ngaturang sembah marep kangin husan punika raris kaja , kalanturang antuk marep kawuh malih, raris marep kelod , husan punika malih marep menek pamuput marep tedun malih.

4.       Pawikan Ida Hyang Buddha, ring solah sang sedeng bakti, mula manut dresta kuna, warisan para leluhur, rawuh mangkin kamanggehang, kasungkemin, antuk sang telek magama.

Huning pisan palungguh Ida Batara Buddha, ring parindikan sang Sigala sane kenjekan mabakti marep kangin kaja kawuh kelod saha menek malih tedun; Baktine kadi punika sampun manut pisan kadi penampene utawi ade te sane saking riin , sane sampun dados tatamian para lalingsire, maliha rawuh mangkin kantun pisan kamanggehang, turmaning pageh kalaksananyang, antuk anake sane kantun teleb ring agama kadi sang tereh Sigala.

5.       Hyang Buddha pisarat pisan, nampekin sang telek bakti, tumuli ngandika banban, uduh dewa sang abagus, angob bapa mangantenang, solah cening, apa minab kasaratang.

Sarat pisan pakayunan Ida Batara Buddha , jaga rawuh manapekin sang Sigala sane kenjekan teleb pisan nagturang bakti, ring sampune husan sang Sigala mabakti raris Ida Batara Buddha mangandika alus banban; “ Uduh cening-cening bagus sang Sigala idewa , kagagawok pisan bapa mangantenang kadi mangkin, indik paridabdab solah idewane , apa sih sujatinnya ane lakar saratang idewa telek pesan mabakti cara ibusan”?

6.       Kantun semeng sampun ninggal , Rajagraha swanagari, saha nyumbaha mailehan, kadi solah cening wahu, Sang Sigala matur nimbal, nyunyur manis, ngandap kasor mangaksama.

“Uduh cening cening Sang Sigala uli nu ruput ban cening ngalahin umah, joh cening mejalan uli kota Rajagraha teka mai ka palemahane ane Jimbar ,tumuli cening ngaturang bakti nyumbah mailehan kangin kawuh kaja kelod terus menek lan nuwunang, cara laksanan cening ibusan” ring sampun puput Ida Batara ngandika matur raris Sang Sigala nimbal maduluran atur sane manis ngayun –yunin , saha ngandap kasor nunas pangampura.

7.       Inggih ratu sang atapa , sang sampun sampurna suci, punapi ke solah tityang, minab tawah kapikayun, antuk palungguh Batara, kadi mangkin, ndaweg ampurayang pisan.

Atur sang Sigala “ Inggih ratu ratu sang maraga yogi agung , palungguh iratu sane sampun puputing sampurna ring daging kasucian, durus ndikayang sapunapi ke paridabdab tityang puniki, manawi ta tan nganutin kadi cara- cara kapikayun, antuk palungguh iratu Bataran tityang

, kadi kawentenan tityang sapuniki, sakemaon ndaweg akasamayang pisan atur tityang itambet puniki”.

8.       Tityang mangkin mangaturang, tatujon tiyange bakti, manahe jaga ngimpasang , umah miwah kulawandu ,saking sakancan bancana, muta kali, sakancan pangrusak jagat.

“inggih sane mangkin tityang jaga ngaturang ring palungguh batara, pisarat tityange ngaturang bakti kadi ibahu sane sampun suryanin palungguh iratu, santukan meled pisan manah tityange jaga ngedohang , cacanggahan tityang kapingkalih kulawargan tityang makasami, saking salwir sane marupa panyangkala, sane kentikang antuk watek babutan bacakannya punika, cutet ipun ngimpasang saking salwir sane ngentikang kasangsaran jagat”.

9.       Sujati tityang pawikan, ring kayun Hyang Sakyamuni, yan sakancan upacara, upakara salwir ipun, sumbah baktine nirguna, tan nulungin, nyapuh duhkitan manusa.

Sapuniki malih atur sang Sigala “ Inggih ratu- ratu Batara kawiaktian ipun tityang sampun tatas huning, marna pakayunan  iratu Sanghyang Buddha, yen mungguing ngeninin indik bacakan upacara, kadi sapunika taler ring indik sakancan upakara, karawuhing indike bakti nyumbah –nyumbah nyakupang tangan sujati tan mapikenoh, santukan tan pisan mrasidayang nulungin, anggen mresihin buat kasangsaran hurip imanusa.

”

10.   Nanging ratu  Sanghyang Buddha, meled tityang matur huning, nyinahang pidabdab tityang, ring ratu sang mraga weruh, wantah waluya larapan, manah bakti, mantuka ring bapan tityang.

“ Sakemaon ratu ratu sang mraga Budhha, sarat pisan manah tityang jaga matur nguninganyang ring palungguh iratu,anggen tityang miterangang indik parisolah tityang kadi ibahu, majeng ring palungguh iratu sang sampun pupating panguning, kawiaktian ipun punika wantah kadi jalaran , nyinahang manah tityang banget subakti ring bapan tityang tan wenten teos.”

11.   Banget tityang ngaluhurang, nelebang saha maktinin, pabesen sang sampun ninggal, waluya sabda rahayu, punika awinan tityang , kadi mangkin, mabakti nyakupang tangan.

“Inggih ratu sang maraga wicaksana santukan banget pisan manah tityang jaga nyungjungang , malih nyusupang turmaning maktinin, rawos pakeling bapan tityang sane sampun sue ninggal tityang padem, rawos bapan tityang punika sat waluyanng tityang piteket sane kalangkung becik, inggih punika pisan sane ngawinang dewek tityang, kadi suryanin iratu mangkin, mabakti tityang nyakupang tangan marep kangin kaja kawuh kelod saha menek kapingkalih tedun.

12.   Semeng sampun madabdaban, ngungsi genahe puniki, tumuli ngaturang sembah, kaja kelod kangin kawuh, munggah tedun nora lempas, manganutin, pabesen sang sue pejah.

“ Inggih ratu  ratu Batara kantun ruput pisan sampun tityang mataki-taki , raris tityang mamargi nuju palemahane puniki, ngararis tityang nyakupang tangan saha nyumbah ngaturang bakti, ngawit saking marep kangin raris kaja huwus punika raris marep kawuh saha kelod, pamuput raris munggah saha nedunang tan pisan impasin tityang , mangda manut pisan , sakadi pajar bapan tityang sane sampunsue ninggal tityang padem”

13.   Ida Hyang Buddha Gotama, mawacana lintang asih, uduh cening Sang Sigala sayang, solah cening lintang patut, reh bakti tur ngaluhurang, nampi suci, piteket sane kawarah.

Ring sampun kadi punika kapiragi atur ipun sang Sigala antuk Ida Batara Jina ,kala irika Ida Batara Buddha mangandika alon manis saha kalangkung olas asih, “ Uduh cening cening sang Sigala sayang idewa, sube kaliwat patut parisolah cening buka keto , apa karana , sawireh cening sarat pesan maktinin tur ngaluhurang bapan ceninge, turmaning cening nerima nirmala pesan , pakeling –pakeling bapan idewane sane suba katiba teken cening.

14.   Mula dados kapatutan , anake makadi cening, taler putra rabi muwah, kulawarga sami tinut, tepet ring sane kawarah,biang aji, leluhure sampun ninggal.

“ Nah cening cening Sang Sigala mula suba dadi kapatutan uli malu , dadi anak cara idewa cening keto masih sabacakan  anake dadi pianak buin anake dadi rabi, kayang kulawargane makejang patute satinut twara pesan dadi nungkasin, mangdene tepet ngalaksanayang apa ane suba  kapiteketang , olih ibiang miwah I aji keto masih piteket lingsir-lingsire ane suba ngalahin mati”.

15.   Nanging ke kalangkung sayang, cening sang taruna alit, yening bapa ngarasayang, jati cening ta tan weruh, ring tatujon warah-warah, bapan ceninge, ne sampun kapiteketang.

Sapunika Ida Batara Buddha “Kewala ke kaliwat baan bapa madalam idewa , wireh cening Sang Sigala enu bajang cerik idewa; Nah ento ngaranayang bapa marna idewa kadi mangkin, minab jati-jati cening twara tahu, teken sasuduk pabesene ane uttama pesan, ane sarat karaosang olih bapan idewane, pitekete luhur ane suba katiba teken cening imalu”.

16.   Yen ring sajroning agama, sane sampun kasungkemin, antuk sang tereh uttama, sang pararya saking dumun, tan kadi idewa nyumbah, mamaktinin, linggihe nemnem kinucap.

“Nah dewa dewa sang tos Sigala, yen ane munggah dikecap agamane, ane suba kagamelang kaanutin uli malu-malu pesan, olih anake ane kasengguhang anak totos uttama, makadi sang para arya uli malu pesan, twara cara cening nyumbah-nyumbah nyakupang lima, pisarate nemnem kabawos kangin kaja kawuh kelod menek lan nuwunang.”

17.   Puput Hyang Buddha mawarah, sang Sigala matur malih, inggih Batara Sogata, punapi ke sane patut, manut munggah ring aksara, ne kanutin, antuk sang tereh uttama.

Ring sampune Ida Batara Buddha mangandikayang parindikan subaktin sang para arya , raris mawali malih matur Sang Sigala majeng palungguh Ida Batara Buddha “ Inggih ratu ratu Batara Buddha junjungan tityang , solahe kadi punapi ke sane kabawos patut indike maktinin linggihe uttama sane nemnem, sane kaunggahan ring kecap agamane, sane manggeh kasungkemin rawuh mangkin, antuk sang para arya sane kabawos tos uttama.”

18.   Sapunapi sang pararya, solah idane mamuji, maktinin miwah ngagungang,linggihe nemnem kawuwus, sane sampun kamanggehang, rawuh mangkin, antuk jadmane ring jagat.

“ Inggih ratu sang maraga Buddha kadi punapi ke antuk ida sang tos uttama , rikalan ida subakti nyunjungang, ngandap kasorin saha ngaluhurang , linggihe sane nemnem sane sampun kasub, saking rihin sampun kagamel , kakukuhang pisan, jantos rawuh kadi mangkin, antuk sami anake ring jagate.”

19.   Yan kamanah antuk tityang, boya ke kalangkung becik, yan pade Ratu Batara, ledang masweca pitutur, ngeninin pidabdab tityang, sane bakti, kabatek dahat katunan.

“ Inggih ratu Batara yen manahang  tityang antuk tambet tan wenten ke sakadi becik dahat sane mangkin , yen pade kadi palungguh iratu sang sampun maraga dahat wikan, ledang palungguh Batara mapaica warah –warah agama, sane ngeninin saparindikan tityang kadi ibahu bakti ngaturang sumbah mailehan  , kabatek antuk tambet kalangkung katunan antuk panguning.”

20.   Sapunika sang Sigala, mapinunas meled huning ,cara-caran sang uttama, nyolahang baktine patut, tumuli sang mraga Buddha, miterangin, daging sarining agama.

Puput kadi punika daging atur ipun sang tos Sigala, sarat mapinunas santukan meled pisan manah ipune mangda huning , ring cara-caran sang para arya sane kabawos tereh anak uttama, ngamargiang solahe bakti  sane kinucap patut ring linggihe nemnem sane dahat luhur punika; Kala irika Ida Sanghyang Jinapati raris mangandika, miterangin ipun sang Sigala, antuk unteng-unteng pawarah agama.

21.   Uduh dewa sang taruna, patut pesan rawos cening, becikang  mangkin mirengang , salwir ne jaga kawuwus , pidarta sane katiba, mahottami, mangda nyidayang nyusupang.

“ Uduh dewa  sang taruna  bagus sang Sigala idewa” sapunika pangandikan Ida Batara “ patut pisan rawos idewane cening, nah melahang pesan ne jani cening madingehang , salwir warah-warah ane lakar rawosang bapa, sawireh pidartane ane lakar tibakang bapa teken  idewa , marupa paplajahan sari-sarin agama sane dahat uttama, mangdennya nyidayang idewa nyusupang becik-becik.”

22.   Yen jaga ngardiang warga, sameton lan biang aji, rabi putra lan sawitra, mangdennya manggih rahayu, kimpasin wara bancana, miwah gering, sakancan duhkitan jagat.

“ Cening cening sang Sigala yen pade anake mamanah lakar ngardiang kulawarga, pasemetonan len buin biang  kapingkalih aji, ngardiang pianak kurenan teken kakasihan buin , mangdenne makejang ento nyidayang mamanggih karahayuan, kaimpasin baan sakancan panyengkalane ane mabuat, kajohin baan salwir panyakite ane rahat- rahat , cutet ipun kaimpasin baan sakancan kasangsaran jagate.

23.   Boya puput antuk sembah, nyakupang tangan tur bakti, kadi gelarang idewa, tatan subaktine tuhu, wantah paimba –imbayan, during ngilis, solah ngardi karahayuan.

“Dewa sang Sigala carane ngardiang kulawarga mangda rahayu twara pragat bantas aji sumbah, bantas nyakupang lima saha ngaturang bakti mailehan, cara gagelaran idewane ibusan, apa krana – sawireh laksanane buka keto tonden pesan madan bakti ane jati-jati , solahe keto bantas mara marupa gagambaran utawi upacara bakti, tonden marupa baktine ane ngilis, parisolah ane jati-jati ngardiang karahajengan.

24.   Nanging ne pinih uttama , sane jati mapikolih, jaga manggih kasubagyan, kulawarga salwir ipun, wantah antuk parisolah, sarwa becik, pamekas anggen larapan.

“ Uduh cening sang Sigala “ sapunika pangandikan idane malih “ kewala ane lebih uttama saihang teken solahe nyumbah , unduke ane jati-jati lakar nyidayang mikolihang , kasubagiane ane dadi tatujon baktine , mangdennya ipianak rabi pasemetonan malih kulawarga bacakane ento , tusing ade lenan     tuwah aji parisolah , solah rawos manah ane sarwa rahayu, ento pamekas ane patut anggon larapan.

25.   Pisarat bapan idewa , ninggalang pabesen cening, mangden idewa satata, maktinin tur mamahayu, linggihe nemnem kinucap, dahat suci, tan bina kadi kahyanagan.

“ Kabuatan bapa idewa sujatine cening Sang Sigala, makrana ngawarisang piteket teken idewa,mangdennya idewa tan mari eling telek maktinin turmaning ngardiang rahayu, ane kabawos linggihe uttama nemnem  , linggihe ane kalangkung suci, ane satwaluya kahyangan linggih ida para Dewata

26.   Ngararis Ida Hyang Buddha, ngojah agama uttawi, salwir dados kapatutan, sang grehasta ngapahayu, sakancan wenten ring jagat , ne ngiterin , huripe sapanjang masa.

Sasampun Ida Sang Batara Buddha  ngandika ring sang Sigala kala irika ida ngararis , natwayang daging kecap aksara sane dahat uttama, sakancan sane marupa dados agem-ageman nyabran rahina, anake sane dados grehasata (mapikuren ) rikala jaga ngardi rahayu, sabacakan sane wenten ring jagate makadi (1) Biang kalawan aji  (2) Guru sane ngajah ring sakolahan ( 3) Putra malih Rabi (4) Para sawitra saha Beraya  ( 5 ) Sang Pandita sane ngajah agama (6) Pangayah teos malih Pamekel , bacakannya punika sane sagalang –sagulung ngiter ipun , sasuena kantun mahurip ring jagate.

PUPUH DURMA

27.   Kadi solah baktin sang tereh Sigala, wantah upacara bakti, marupa palambang, nanging tatujone sarat, twah sasanan sang mahurip, kapatutan , sang grehasta sareng sami.

Yen mungguing cara- caran bakti sang tos Sigala sane nyaratang mangda kulawargane manggih rahayu, indike kadi punika wantah marupa upacaran anak bakti, sane wahu marupa gagambaran anak sane subakti, sakewanten sane dados tatujone sujati bakti , wantah ngalaksanayang sasanan anake mahurip ring jagate , sane mula dados agem-ageman , sang Mapikuren sareng sami sane jaga ngulati karahajengan kulawarga

28.   Mawinanya tatwa ring arep kinucap , pidartan Hyang Jina murti, grehasta winaya, wastan tatwane uttami, ne jaga kanggen pamargi, sang makuren , mangda side sida ne trepti.

Punika sane ngawinang  tuture sane kabawos ring arep punika, pawarah-warah  Ida Batara Buddha , ageman kapatutan sang mapikuren utawi Grehasta winaya,  kadi punika kawastanin warah- warah sane uttama punika , sane jaga dados margi pacang kaduluh , antuk sami sang maraga grehasta, mangda  mresidayang mamanggih kasubagiane mahurip.

29.   Sapunika wiwitannya kacritayang , rikala Hyang Sakyamuni, Nyingak sang Sigala , antuk cacingak, ka  Buddhaan , maileh nyumbah mabakti, nto makrana , Ida tansah ngarawuhin.

Kasatwayang wiwitan tutur Grehasta winaya punika kadi sapuniki, Ida nyingak anak taruna tos Sigala, antuk cacingak kaBuddhaan sang tan kapialang antuk punapa –punapi , makanten sang Sigala nyakupang tanganraris nyumbah ipun mailehan, punika sane ngawinang palunnguh Ida, gagelisan pisan rawuh ngamaranin.

30.   Duk punika  Ida raris mamastiyang, kayun Ida sapuniki, mangkin becik pisan, tatwane jaga kawarah, kapatutan maksami, sang grehasta, ne katuwut anggen titi.

Rikala Ida Batara nyingak sang Sigala tumuli Ida raris mamastiang, sapuniki keengan pakayunan ida, “ Hah jani suba sedeng melah pesan, lakar nuturang paplajahan ane uttama pesan, unduk agem-ageman anake ajak makejang, sabacakan anake mapikuren ane lakar kaduluh sat waluya titi ngalih huripe ane subagia.

31.   Tan kidikan sane pacang kasadyayang, manggih kotaman sujati, raris gagelisan, madabdaban Ida mangkat, sang Sigala katampekin, ring kenjekan, ka Rajagraha nedunin.

Ulihan tatwane ene twara bedikan anake  ane lakar manggih kasadian , jati-jati lakar mikolihang kauttaman,” ring sampun puput ida makayun sapunika kala punika ida gagelisan pisan , mataki –taki tumuli ida mamargi, pisarat idane jaga ngarawuhin sang Sigala , sinambi ida tedun ke Rajagraha nyaratang ngumpulang dana.

32.   Mawasana  Ida ledang midartayang, daging sasanane sami, tatwa panjang dahat, kapatutan sang grehasta, sane kagamel tan mari, sane manggeh, kantun tegul sukan gumi.

Pamuput ledang kayun Ida Batara Buddha mapaica warah-warah ,paplajahane sane ngeninin sasanane makasami,papaljahan sasana punika tatwa sane dahat panjang, sane dados kapatutan sang grehasta ring sajroning mahurip, sane patut kalaksana nyabran rahina, antuk sang nyungkemin agama, nagning kantun kabanda antuk daging kasukan jagat.

33.   Kabawosang biyang ajin sang Sigala, sami teleb manyungkemin, sarining agama, banget nelebang susila, solah rawos sami becik, tuwi manah, kapahayu dina ratri.

Katuturang yen buat biang kapingkalih ajin sang Sigala, makasami dane telek pisan kayune nganutin , kautaman daging kecap agama, punika awinan banget pisan teleb ring kasusilan, makanten pisan solah dane kapingkalih rawos dane sami rahayu , kadi punika taler kayun dane becik pisan , santukan pageh kautatenin rahina wengi.

34.   Nanging sayang tan pisan sida ngranjingang , paplajahane uttami, nandan sang Sigala, sumangden becik masolah, nyungkemin dharmane lewih, nganggen dasar, mangda rahayu kapanggih.

Sakewanten kalangkung sayang pidadab biang ajin sang Sigala santukan tan nyidayang pisan ngaranjingang , warah-warah agamane sane uttama  punika, sane kacepang jaga kanggen nuntun putrane sang Sigala, mangda mresidayang ipun masolah sane rahayu, majalaran antuk teleb  nganutin paplajahan kapatutane sane luhur, sane jaga kanggen dasar , manggda ipun sakulawarga mamanggih kasubagian benjangan.

35.   Sampun sering Sang Sigala makeengan, ngarawos nyinahang hati, jati ipun tungkas, tan adung  ring pakayunan, pacang rawuh manangkilin, sang pandita,  sakancan idane malih.

Sampun sering –sering pisang kapiragi indik ipune makeengan, tan mari ngarawos sane nyinahang manah ipune, jati-jati ipun tan cumpu, tan pisan nyidayang anut ring manah ipun, yen pade jaga rawuh pedek tangkil , majeng ring Ida sang mraga wicaksana, utawi ring anake sane standing panguning idane.

36.   Duaning kocap yen marekin sang pandita, bungkuk ngawe  bangkiang sakit, negak tan kiseran, batis kekeh tur semutan, kebyah-kebyah nandang sakit, tur kandapang, twi ring sor masila tiding.

Kabawos keengan ipun sang Sigala sapuniki; Beh yen pedek tangkil sig anake ane kebawos wicaksana, musti ngeed nganti bungkuk ngeranayang bangkiang sakit, apang nyelepek negak tusing dadi maklisikan, nganti mrasa kekeh batise tur kanti semutan, naganti mrasa kebyah-kebyah naenang sakit, tusing bantes keto dikenkene kanistayang, kandikayang betin negak masila tiding”

37.   Pageh negak  saha tan dados tolihan, masila salami-lami, nguntul mamirengang,wantah managawinang rusak, panganggene makasami, setset biyad , pinih bagya daki cuwil.

“Negak nyatotog buina twara dadi matolihan kangin kawuh apa buin menek, samekelo-kelone jag masila dogen,sambilangan madingehang tutur ane twara adungin, unduke keto bantas ngeranaang uwug tur pocol, panganggone ane anyar-anyar makejang, telah  pada lecek byad dikenkene bisa setset bes sasaine keto, paling aget pangganggone bantas daki cuwil.

38.   Samaliha yen pada pacang mirengang, warah sang maraga suci, Ida patut undang, rawuhang dulurin pendak, ring sampun pupute raris, bwin antukang , saha dana punia malih.

“ Buina lenan teken keto yen pade dot lakar madingehang, pitutur anak ane kabawos putus ane natwayang paplajahan agama, Ida musti tangkilin tur tuwur, rikalan ida pacang rawuh raris pendak, disuba husan idane mapaica pawarah-warah , buin iringang ida mantuk, twara pragat bantas keto musti aturin ida dana punya.

39.   Sampun sinah indike muruk agama, nora jati mapikolih, wantah ngawe rahat, huripe muwuh sangsara, ngawinang kado padidi, sapunika, rawos sang Sigala mijil.

“Suba terang pisan yen dot lakar maurukin paplajahan agama, joh para lakar nyidaang nepukin bagia, unduke keto bantas nyelap mabaatin dewek, huripe sayan mawuwuh-wuwuh sedih kasakitan, nto makrana twara len bantas  ngawinang dewek pocol padidi, “ kadi punika sering-sering pisan , medal rawos ipun sang Sigala nyinahang tan adung manah ipun jaga maurukin agama.

40.   Duaning rawos sang Sigala terang galang, nyiriang kayune melik, punika makrana, ajin dane miwah biyang, tatas kayune nguningin, tana kasidan, pisarate mangardinin.

Santukan kadi sapunika sering pisan kapiragi rawos sang Sigala sampun sinah pisan, sane nyinahang pakayunane tungkas saha tan pisan nyumponin, indike punika wiakti sane ngawinang , ajine kapingkalih biange, terang pisan sampun dane pawikan, indik dane doh para jaga mresidayang, acepan dane jaga makardinin putrane mangda dados anak sane becik.

41.   Tatujone pacing nandan sang Sigala, mangda kayun manganutin, tutur kasusilaan, nanging pamuput kapapas, makrana ajine raris, miteketang, makire ninggalin mati.

Pisarat ajine jaga nuntun putrane sang Sigala , mangda kayun teleb manyungkemin, paplajahan agama sane ngebek madaging pangajah masolah rahayu, pamuput paplajahan saha acepan dane  katungkasin pisan, punika awinanajine sarat ngawiweka upaya , raris sang Sigala kapituturin , ring makire ajine ninggal sang Sigala seda.

42.   Kedeh pisan ajin dane sang Sigala, misedsedin tutur lewih, waluya warisan, ne nyidayang kanggen nulak, baya geringe nibanin, rabi putra, puri waneh kulawargi

Punika awinan kadi pisering pisan ajin dane sang Sigala, miteketang paplajahan agama sane uttama pisan,sane satwaluya tatamian, mangda nyidayang anggen ipun jaga nambakin, pangrawuh panyengkala kapingkalih panyakite sane jaga nibanin, rabi miwah putra taler puri teos malih kula warga.

43.   Ne uttama tulya pabesen warisan, mangda sang Sigala eling, saha ngamanggehang, indike bakti manyumbah, genahe nemnem ne suci, kelod kaja, menek tuwun kawuh kangin.

Tuture ane uttama sane waluya piteket mangda dados tatamian, mangda satata kaelingang antuk putrane sang Sigala, turmaning pageh kasungkemin, indike tan mari nyumbah maktinin, linggihe uttama nemnem sane sampun kasuciang, makadi kaja kapingkalih kelod, malih sane kangin lan kawuh taler menek saha tedun.

44.   Sapunika rawos ajin sang Sigala, sadurung dane ninggalin, ne tulya wiweka, nging upayane pamekas, ne pacing anggen nyalarin, sang Sigala mangda sida nemu becik.

Kadi punika daging  rawos pabesne ajin sang Sigala , sadurung dane ninggal seda okane;Pitekete punika wantah waluya daya wiweka , sakewanten sane dados tatujon upayane pamuput, wantah jaga kanggen ngarurungang, makadi okane sang Sigala, mangda nyidayang benjangan mamangih karahayuan.

45.   Duaning wenten ne pacang kacep ring manah, wantah sanghyang Jinamurti, mugi Ida ledang, utawi sisyan Batara, ne sampun maraga suci, ida nyingak, solah sang Sigala bakti.

Mawinan ajin sang sigala ninggalang piteket ring putrane duaning wenten sane kacepang ring kayun dane wantah palungguh Ida Batara Buddha, mugi-mugi benjangan Ida ledang mapaica warah-warah utawi sang para biksu sisyan Ida Batara Buddha, sane sampun sadia mikolihang kasucian, rikalan Ida nyingakin , paridabdab sang Sigala kala subakti nyumbah linggihe uttama sane nemnem punika.

46.   Kaniscayang yen pade Ida Hyang Buddha, macunduk saha mangaksi, caran sang Sigala, bakti nyumbah mailehan, kadi tawah kacingakin, sinah pisan, ida ledang miterangin.

Sampun kapastiang ring dane yen pade palungguh Ida Batara Jinamurti , mapanggih saha nyingakin, paridabdab ipun sang Sigala, rikala ngaturang bakti natuk nyumbah-nyumbah mailehan, kabatek antuk tawah parindikane sane kacingak antuk Ida, punika awinan sinah pisan Ida Batara, jaga ledang kayun Ida ngandika nerangang cara-carane sane patut anggen maktinin linggihe sane nemnem kinucap..

47.   Miterangang sarin tatujone nyumbah, kagunan nyane pitwi, ne dados larapan, sang tos Sigala pawikan, ring pabesen sane jati, ne katinggal, antuk ajine ne nguni.

Sinah pisan Ida Batara jaga miterangang unteng pisarate nyumbah, yadiastun kagunan indike ngaturang sumbah mailehan punika; Mangda sabdan Ida Batara  sane pacang marupa jalaran sane becik, sane ngawinang sang tos Sigala tatas  huning, ring rawos pabesen sane tatuwian, sane kapatamiang, antuk ajin dane sane rihin.

48.   Mawesana lintang sadya sang matinggal , acepane kadagingin gelis sang sigala, ring sampun puput  m irengang, pidartan Hyang jina lewih, polih sunar, papeteng kayune nguni.

Pamuput manados kalangkung mapikolih sang sampun seda santukan sane dados acepan ring kayun sampun kadagingin, punika ngawinang tan ja sue sang Sigala , ring sampune puput mirage saha nyusupang ring kayun , pawarah-warah Ida Batara Buddha nerangang sarin agama sane uttama, sat waluya polih sundih sane galang pisan, sane nyunarin kadedetan kayune pecak.

49.   Sapunika kadi ne munggah ring arep, satwan sang Sigala nguni, polih subawakya, Sigalowada sutantra, wastannya tatwa pamargi, kapatutan, sang grehastane mahurip.

Inggih kadi sapunika sane kabawosang ring ajeng katuturan sang tos Sigala sane rihin, polih pawarah-warah sane uttama saking Ida Batara Buddha, ,Sigalowada sutantra utawi tutur pakeling becik ring sang tos Sigala, kadi punika kawastanin tutur punika sane waluya jalaran, taler marupa sasana, sang mapikuren sane nyaratang kasubagiane mahurip.

                                                       NEMNEM  LINGGIHE UTTAMA

PUPUH SINOM

50.   Mangkin margi caritayang, sabdan sanghyang Sakyamuni,natwayang ngaturang sembah, maktinin linggihe kangin, sane kaja kelod malih, taler linggih sane kawuh, nyumbah munggah lan nedunang, mangda sida mapikolih, nemu hayu puri miwah kulawarga.

Inggih ne mangkin satwayang, pawarah-warah Ida Batara Buddha tos Sakya, sane ngandikayang parindikan ngaturang sembah sane patut , rikala maktininlinggihe sane kangin, taler linggihe sane kaja malih sane kelod, taler indike nyumbah munggah inggian sumbahe tedun, mangda mresidayang indike bakti punika jati miguna, anggen mikolihang karahayuan, ring sajroning puri kapingkalih kulawarga sami.

51.   Yen Ida Sang para arya, sang mraga sisya uttami , linggihe nemnem kinucap,tan len biyang miwah aji, sakadi linggihe kangin, sang ngajah makadi guru,kasengguh linggihe kaja, para putra miwah rabi, ne kasengguh, linggihe kawuh tan lian.

Kabawos yen manut agaman sang totos arya, sang dados sisia sane jaga nyaratang kauttaman, kabawosang linngihe nemnem sane kaluhurang punika sujatin ipun, boya teos wantah biyang kapingkalih aji, kadi punika kapikayun linggihe sane kangin, para gurune sane ngajah ring sakolahan , dane kapikayun linggihe sane kaja, maliha para putra lan rabi , punika katampenin boya teos wantah linggihe sane kawuh.

52.   Malih sawitra lan kadang, kasengguh kelod malinggih, yen bwat guru pangajian, kadi pandita lan resi, sang sampun mraga sulinggih, tulya linggihe ring luhur, parekan lawan panyakap, kasengguhang kanggen linggih, ring sor  ipun, nemnem sami sampun jangkep.

Para sawitrane lan kadang beraya malih, kabawos kelod linggih ipun, makadi Ida guru pangajian sane ngajah agama, sang mraga pandita teos para resi malih, makasami sang sampun maraga sulinggih, ring luhur waluyan idane malinggih, malih anake dados pangayah taler para patandu, kabawos sane anggen ipun genah ring beten ipun, sami sampun jangkep nemnem linggih punika.

                                                              KAPATUTAN PIANAK RING MEME BAPA

53.   Bakti matitis nganginang, teges baktine sujati, biang aji patut sumbah, pahayu baktine sai, wireh maweh sunar hurip, kadi sanghyang surya metu, saking kangin masunaran, nyiwanin sarwa mahurip, krana patut, bapa ibu baktinin sumbah.

Yen anake bakti matitisang linggihe kangin teges solahe bakti punika sujatin ipun biang ajine sane patut sumbah baktinin, kardiang dane mangda rahayu, antuk parisolah bakti satata, santukan dane sane mapaica sunar kahuripan , pateh kadi pidabdab Ida Sanghyang Surya rikala mijil, saking kangin Ida masunaran galang, mapaica sunar kahuripan ring sarwa mahuripe, punika awinan patut pisan, biang ajine satata sumbah baktinin.

54.   Lalima sampun kaloktah, carane anggen maktinin,aji kapingkalih biang, ne waluya linggih kangin,mangda sida nemu becik, kimpasin bancana agung, puri miwah kulawarga, luput saking sedih hati, mangda landuh, trepti huripe ring jagate.

Inggih kabawosang lalima parisolahe sane sampun kasub saking rihin,cara-carane uttama sane patut anggen larapan nyumbah maktinin, mamahayu aji kapingkalih biang sane nyandang jungjungang, dane sane satwaluya kabawos linggihe kangin, mangda mresidayang manggih karahajengan, doh kaimpasin antuk salwir panyengkalane sane mabuat, makdi puri putra rabi teos malih kulawargasami, mangda kalis saking salwir parindikane sane ngentikang sedih hati, sida raris lanus, degdeg subagia huripe ring jagate.

55.   Para putrane uttama, eling kapiara rihin, olih aji miwah biang, mangkin ngawales maktinin, sarat miara tan mari, ngaturang pangan lan kinum, mwah pangangge satedahnya, mabela rahina wengi, mangda lanus , jantos tan pakirang kirang.

Anake dados pianak sane nyaratang kauttaman, satata eling ring indik ipune kapiara kasanguin saking alit jantos taruna sane rihin, antuk ibiang kapingkalih I aji, raris ring sampune trauna tur sampunmarabi nyaratang jaga ngewales antuk subakti, sane majalaran antuk miara saha ngaraksa dane satata, nyediayang raris ngaturang ajeng-ajengan saha inum-inuman, dulurin taler antuk pangangge sapatut ipun sane sabacakan sane kasaratang, tan mari melanin rikala wenten baya utawi gering sane nibanin, mangda landuh hurip dane , bagia tan pakirang kirang.

56.   Ipianak patut nyewaka, madasar bakti ngayahin, salwiring sane kuduhang, maliha patut nimbalin, tategenan anak lingsir, karyan dane duke dumun, ne marupa ayah-ayah, pakaryan ring tegal carik, taler rawuh, repote ring pawaregan

Anake dados putra uttama patut mamanjak ring biang aji,tan mari ngayahin dane madasar antuk solah sane jati-jati tutut , ring sakancan sane kandikayang tur kasaratang antuk dane , maliha ipianak patut taler  nulungin saha nimbalin , salwir sane dados tategenan dane makadi sakancan pakaryan anake lingsir sane rihin, sami sane marupa ayah-ayah, taler pakaryane ring tegal miwah carik, maliha mangda rawuh taler ring pakaryane ring pawaregan santukan ibiang sampun lingsir.

57.   Malih ipyanak magehang, miara ne becik rihin, kamiyikan aji biang, ne sampun kalem kapuji, antuk solah sane becik, mwah rawos kayun rahayu, kadi sampun kasolahang, antuk biang miwah aji, mangda lantur, miyik wargane tan cacad.

Lianan ring punika ipianak sane uttama patut mamagehang pisan , turmaning teleb pisan miara kabecikan ne sane rihin, , kamiyikan sane sampun kakardi antuk biang kapingkalih aji, sane ngawinang dane kajungjung saha kandap asorin  antuk sawitra taler kadang beraya, sane anggen miara punika wantah parisolah sane becik, malih antuk rawos sane tan nyakitin dulurin malih antuk kayun sane kapuji. Mangda pateh kadi sane kalaksanayang antuk ibiang kapingkalih iaji. Saking indike punika ngawinang lantur, manggeh kamiyikan kulawargane santukan tan karegedin antuk cacad.

58.   Yen bagya wenten warisan, marupa tegal lan carik, puri ageng lan mas perak, piara sumangden becik,sadya sida limbak malih, pinih nista tileh kantun,anggen ring sane maguna, krana utsahayang ugi, mangda naut, pantes nampi wawarisan.

Yen nuju bagia huripe wenten pade tatamian, warisa sane marupa tegal lan carik, teos malih puri sane ageng karawuhing mas selaka, patut piara punika becikang pisan, aget pisan yen tatamiane punika nyidayang ngakehang, pinih nista mangda kantun kadi jati mula, wawarisane punika patut anggen ngardi sakancan sane maguna, punika awinan patut utsahayang pisan, mangda nyidyang adung , dados pianak sane pantes nerima warisan riantuk becik antuk miara punika.

59.   Kapatutane pamekas,rikala anake lingsir, sampun seda ninggal jagat, wantah layon dane kari, patut saratang  ngencanin, salwir urah arih ipun, sane manut kadi karma, ne sampun manggeh kanutin, anggen nuluh, baktine pinih pamekas.

Sane dados kapatutan ipianak pinih pungkur marep ring biang aji, wantah ring panangkan anake lingsir, sampun seda ninggal jagat puniki, wantah layon dane kemaon sane kantun, kala punika ipianak sane patut nyaratang mresteka,ngaryanang salwir upakaran ipun saha ngalaksanayang sakancan upacaran ipun, sane manut kadi paileh anak seda, maliha sane manggeh sampun kasungkemin saking rihin, indike punika sane anggen jalaran, nyinahang baktine ring biang aji sane pinih pungkur.

60.   Sapunika sang pararya, ne kanggen sembah subakti, pangwales ring aji biang, pageh miara tur ngemit, manjakin madasar bakti, tur ngamanggehang satuwuk, miyik dane nora cacad, mwah pantes nerim warisan, saha muput, swan dane manut karma.

Kadi punika paridabdab ipianak sane tos uttama, kalarapang kanggen nyumbah maktinin, sane marupa pangewales samatra marep ring biang miwah aji, boya antuk sumbah cirri bakti kemaon nanging  (1) Pageh miara ngemit Biang aji. (2) Ngayahin biang aji madasar antuk solah sane jati bakti.(3) Ngamelahang pageh mangda lantur kamiyikan biang aji mangda tan cacad..(4)Miara becik tatamian mangda pantes dados anak nerima waris.(5)Pinih pungkur patut muputang , layon dane manut tata cara sane sampun kamanggehang.

61.   Ne ngawe angen sang prajnyan, ipyanak sane  nungkasin, daging kecap Sanghyang sastra, purun  ring biang lanaji, tan eling ring sane nguni, kapyutangane kalangkung, tumuli ngalemenayang, tan  miara anak lingsir, kengin durus biang ajine makenta.

Sane banget ngawinang angen Ida sang wicaksana yen wenten pianak sane banget pisan moyanin, salsir sane munggah ring kecap agamane, macihna ring solah ipune sane tempal ring biang kapingkalih aji, duaning tan pisan ipun eling ring indike sane sampun langkung, kapiara kaupapira saking alit punika sane marupa hutang ipun , tan pisan ipun ngawales raris tan ngarengangayang, punika awinan ipun tan miara biang aji, kengin pamuput ipun, kasangsaran makenta  ibiang kapingkalih ajine.

62.   Samaliha purun degag , ngucap bangras mamisuhin, wirosa tur ngapak- apak, ring biang miwah ring aji, ludi n masolah tan becik, ngawe miyik dane surud, ipianak ngawinang cacad, nanging yen madue waris, sami ngrebut, raris telas kabrarakang

Taler sane banget ngawe angen kayun sang para wicaksana ipianak sane purun masolah ngungkulin, ngarawos kasar macegik saha mamisuh,malih banget gemes nyahasen tur brekapakan, arepe ring ibiang kapingkalih ring I aji sane pecak ngupapira ipun , lianan ring punika kawewehin malih antuk pakardine sane corah , sane banget ngawinang kamiyikan anake lingsir sayan-sayan surud pamuput matinggal , wantah ipianak sane pamuput ngawinang biang ajine cacad, sakemaon yen pade wenten tatamian anak lingsir , sami saling pamaluin ngarejek, kandugi sami tells kakutang –kutang kanggen ngulurin manahe kaindrian.

63.   Pianak ne masolah corah, mapas kapatutan sami, sinah ngardi kanarakan, asing solah ngawe sedih, panes bara manyaputin, sarwa tuwuhe tan mupu, gering baya tan reredan, papakarma ngawe sedih,krana patut, sasana pageh gamelang.

Anake dados pianak sane masolah letuh, sane nungkasin sakancan sasanan anake dados pianak, terang pisan solahe punika jaga ngentikang kasangsaran, asing-asing sane kalaksanayang tan jaga mapal kalegan,santukan lekahan kacorahane punika  sane ngawinang jagate kaliput antuk panes sane kadahatan, sane ngawinang sarwa entik-entikane tan becik pamupun ipun, teos malih panyakit sane maendahan saha panyagkalan jagat tan cep –cep , santukan sakancan parisolahe sane corah- corah punika wiakti sane numbuhang kasedihan jagate, inggih punika awinan patut pisan ne mangkin , sasanan utawi kapatutan anake dados grehasta pagehang pisan gamelang.

KAPATUTAN MEME BAPA RING PIANAK

64.   Imeme bapa kinucap ,wireh dane kutatenin, antuk carane lalima, olih putrane uttami, kapiara saha kakemit, kamiyikane tan surud, wawarisan tan paluang, krana pageh manyunarin, antuk kayun, welas asih ring sang anak.

Kabawosang anake dados biang kapingkalih aji,santukan dane kabecikang pisan nabdabang tan mari, malarapan antuk sasanane lalima, olih para putrane sane uttama, makadi kapiara turmaning karaksa becik-becik , taler kamiyikan kulawargane manggah tan wenten susud, maliha sami tatamiane tan wenten sane long, punika awinan  imeme ibapa pageh pisan ngarengayang saha manyunarin, madasar antuk kayun ledang, saha welasasih ring putrane.

65.   Imeme  bapa tan telad, ngarengayang dina ratri, sumangden dane pawikan, ring solah putrane alit, gelis dane mangampatin, yen pade masolah letuh, mamisuh ngarawos kasar, gemes mobab malih culig, antuk kayun, alus banban makelingang.

Anake dados meme bapa  patute dane tan mari, becik-becik miara okane rahina wengi ,napi awinan- mangda dane terang pisan huning, ring parisolah okane sane kantun mayusa alit, mangda nyidayang dane gelis mialangin, yen pade kacingak putrane ngardi indik sane kasar nyakit-nyakitin, wirosa ring sawitra malih mobab turmaning begig , ring kawentenane  kadi punika antuk pakayunan sane alus turmaning rawos sane dabdab punika alon dane mituturin putrane.

66.   Malih pageh ngutsahayang,tan waneh –waneh mangabih, nandanin masolah melah, sane ngawe ngaledangin, bares asih tur sutindih, rawos banban malih alus, huning matilesang raga, subakti ring anak lingsir,tur satinut, ring pangajah meme bapa.

Maliha patut I meme bapa tan mari teleb upayaang,taler tan reredan dane nyaga saha nulungin, nangsokan putrane mangda masolah sane patut, sakancan parisolahe sane ngentikang kaledangan jagat, makadi solahe bares, olas asih turmaning tan mobab, mangda ngarawos sane palapan, dulurin antuk alus, madue sifat utawi agol ngandap kasor,tan degag tur subakti ring anak sampun maraga lingsir, lianan ring punika mangda satata saturut , ring pangandika sane marupa pangajah biang lan aji

67.   Tan katinggalan, ngurukang gaginan sami, twi pakaryan tatamian, ring tegal miwah ring carik , pakaryan sangging undagi, sane lumrah saking malu, taler tan sah nyakolahang, ngarereh salwir panguning, anggen rurung, mangupa jiwa wekasan.

Maliha imeme bapa tan husan-husan taler nabdabang , ngajahang sakancan  pakaryane sane patut kahuningin, pitwi pakaryan sane sampun dados pakaryan wawarisan, makadi gaginane ring tegal kapingkalih ring carik,taler pakaryan mukir –mukiran taler gagawane  makarya wawangunan,  sami gaginane  sane sampunlumbrah saking dumun, tan katinggalan taler jaga nyakolahang ipianak tatujone ngaruruh panguning sane uttama, indike punika sane jaga kanggen larapan, ngarereh pangupa jiwa  kapungkur-pungkur.

68.   Kala putrane taruna, sampun pantes ngalap rabi, reh sampun madue pakaryan,  patut ibiang lan aji, tan telad sareng nulungin, ngambil rabi sane adung, sane tan cacad ring solah, taler tereh ane becik, mangda lantur, kulawargane subagya.

Ring sampune ipianak nedeng taruna, taler sampun pantes jaga  mapikuren  santukan sampun madue gaginan sane nyidayang mikolihang arta, rikala punika dados kapatutan ibiang aji , mangda tan mari sareng ngarengayang saha nulungin, mangda okane polih anak istri sane manut , polih rabi sane parisolah ipun tanbanget cacad, maliha mangda polih saking turunan anak sane becik-becik , tatujone mangda mresidayang terus, kulawargane mamanggih kasubagian tan marebat busan-busan.

69.   Yen pade wenten padrewyan, kadi tegal miwah carik, arta brana mas sasocan, minab wenten lianan malih, patute raris tibakin, ring tepet masannya rauh, kala sampun kasaratang, anggen ipun nyambung hurip, mangden wurung, huripnya kalara-lara.

Yen katuju ibiang aji wenten kasugihan, padrewean tegal utawi carik, teos malih arta berana saha mas sasocan, sane mule-mule, minab weneten padrewean sane lianan malih, patut punika raris paicayang ring putrane, katuju sampun rawuh panangkan ipun, ring kenejekan padrewean punika sampun kasaratang pisan kanggen gelar ngaruruh pangupa jiwa mangda wenten anggen ipun ngalanturang hurip ipun, mangdennya tan durus ipun nanggehin huripe sane sedih pakirang –kirang..

70.   Puput sampun kabawosang, kapatutan biang aji, ngardiang putra uttama, krana satata mangemit, solahe corah kampatin, kadudut ngardi rahayu,ngajahang salwir gaginan, sareng ngarerehang rabi, tur tan luput, maicayang tatamian.

Inggih kadi punika sampun katatwayang , buat sasanan imeme  miwah ibapa sane prajnyan, indik dane teleb pisan ngardiang mangda  putrane dados anak uttama , punika awinan (1) Tan mari dane nyaga tur ngarengayang , mialangin parisolah okane sane corah-corah, (2) Katuntun saha kabih mangda okane malaksana sarwa becik, (3)Nyakolahang saha ngajahin gaginan sane maguna (4) Sareng nulungin ngarerehang rabi sane adung. (5) Maliha tan katinggalan taler ,maicayang wawarisan  yen wenten tepet ring masan ipun kasaratang,

71.   Antuk carane lalima , para putrana maktinin, aji biang sane sayang, sakadi linggihe kangin , carane lalima ugi, antuka ring bapa ibu, nynahang manahe olas, kadi punika kakemit, tur kajungjung, linggihe kangin kinucap

Malarapan antuk carane lalima , anake dados putra nyumbah maktinin, biang ajine sane banget kasayangang, sane satwaluya linggihe kangin, raris malarapan carane lalaima taler , antuka ring anake dados biang miwah aji, nyinahang kayun dane olas asih ring putrane; Malarapan antuk parisolah uttama punika patut kakemit karahayuang, taler kaluhurang, linggihe sane kangin boya wantah antuk sumbah puyung.

KAPATUTAN SISIA RING GURU

72.   Yen nyumbah mastitis kaja, iguru patut baktinin, ne micayang paplajahan, ngawinang madwe panguning, makrana sumbah baktinin, tan uyut makakedekan, anggen nyinahang subakti, ring iguru , reh sampun ledang ngurukang.

Yen pada mabakti nyumbah mastitis kaja, , punika mateges iguru sakolahan patut sumbah baktinin, sawireh dane sane ledang mapaica paplajahan sane marupa maendahan , sane ngawinang I para sisia madue panguning, punika awinan igur patut pisan sumbah baktinin , antuk solah ngadeg saking malinggih yen pade dane rawuh ,saha runtutin antuk sampunang uyut tur kedek mabryagan , indike sapunika patut anggen nyinahang telebe bakti, ring dane iguru, santukan sampun madasar kayun ledang dane ngurukang.

73.   Taler dados kapatutan , ipara sisa uttami, satata pageh nyewaka, madasar manahe bakti, ring iguru sane asih, ngayahin salwir katuduh, pakaryan ring sakolahan, tan dados tulak nempalin, twi mamusuh, ne ngawe pala duhkita.

Samaliha sane taler dados kapatutan, anake dados sisia sane nyaratang kauttaman ,tan mari teleb pisan ngayahin iguru, madasar antuk kayun sane jati-jati subakti, arepe ring iguru sane dahat saying ring para sisia; patut taler ngalaksanayang sakancan pakaryan sane wenten ring sakolahan makadin ipun: maliha sisiane uttama tan dados tulak saha nempalin sapanguduh iguru taler tan patut ngamesehin iguru, duaning indike punika sinahjaga ngentikang pala kanerakan.

74.   Isisya  patut nyinahang,anteng saha manah ngilis, sayaga jaga manampa, punapi sane kajahin, panguning aneka warni, ne matu saking iguru, digelis sida nyusupang, muputang pakaryan malih, sane patut, ring jeor jaga puputang.

Anake dados sisia patut pisan ipun muktiang , indik rajin ipune tur kagilikan manah ipune , saha nyinahang indik ipune sampun nyadia pisan jaga nerima paplajahan, panguning sane marupa punapi kemaon sane kapaica , makadi paplajahan sane ngajahang panguning sane maendahan pisan, sampun sayaga nampa paplajahan sane kandikayang antuk iguru , mangda digelis nyidayang ngaranjingang, maliha patut taler mangda muputang salwir pakaryan, sane kandikayang antuk iguru sane dados kapatutan, mangda ring pumahan kapuputang.

75.   Tan lali ngaturang dana, miwah yasa twi akidik, anggen mangwales samatra, paswecan dane tan sipi, ngaturang karya nulungin,kala purin dane rapuh, tuwi rikalaning sungkan, ngaturang tamba digelis, anggen nulung, ngaruat saking duhkita.

Isisa patut satata eling jaga ngaturang dana punya, kapingkalih pakardi rahayu, sane kabawos yasa, yadiastun tan katah, indike punika wiakti wantah akedik pisan sane anggen ngawales, yen bandinganring paswecan iguru sane kadahatan pisan, teosan ring punika taler patut ngaturang ayah anggen matatulung , rikala purin  dane rusak utawi tuduhan, inggian ring kenjekan dane katiben  baya panyungkan , patut isisia gelis ngaturang tamba, sane waluya panulung , anggen ningtingang iguru saking sangsarane sane netehin.

76.   Kala iguru mangajah, panguning marupa sengkil, isisya patut nyinahang , ulengan kayune ngilis, nampa sane kandikain, tan dados yen ngalen angkuh, miwah paling engap-engap, nanging becikang mastitis, saha nutug, antuk rungu malih cedang.

Samaliha ring kenjekan iguru mapaica pangandika paplajahan sane sulit turmaning mamingungungin , kala irika isisia patut muktiang, patitis kayune sane jati mamesik, jaga nerima paplajahne sane kawedaran antuk iguru, sampunang pisan tan rungu tur ngalen ulat , malih paling mailehan tolah tolih, sakemaon patut becikang pisan ngulengang, turmaning nututin, antuk kayun sane cengeh malih ceding.

77.   Antuk carane lalima , isisia telek maktinin, iguru ne sampun sweca, mangadegsaking malinggih, saraya ngaturang bakti, malih nyewaka satuwuk, ngayahin ne kandikayang, nynahang yatna nututin kala muruk, saha anteng ring pakaryan.

Cutet ipun antuk parisolahe becik sane lalima , anake dados sisia teleb pisan nyumbah maktinin , iguru sane sampun ledang pisan masweca paplajahan (1) Malarapan , antuk ngadeg saking malinggih rikala iguru rawuh dulurin antuk ngaturang bakti nyakupang tangan .(2) Mamanjakin dane tan mari , ngayah ngalaksanayang sakancan sane kauduhang ,(3) Maliha nyinahang indike magiet pisan nututin, rikala dane mapaica paplajahan , maliha antuk anteng ngambil pakaryane ring sakolhan.

78.   Liayanan ring sapunika, kapatutan sisya malih, ngaturang dana samatra, taler yasa tan limpasin, malih sayaga tur ngilis , dulurin rungu kalangkung ,kala nampi paplajahan, sampun jangkep makasami, sane patut, sang sisya ngalaksanayang.

Teosan ring sane sampun kabawosang, wenten malih sane dados kapatutan isisia ,(4) Patut ngaturang dana pnya samatra, taler ngaturang ayah boya kalaliang, (5) Mangda terus sayaga dulurin antuk kayun sane ngilis, kawewehinantuk waspada sana dahat ceding , rikala nerima paplajahan saking iguru, inggih kadi punika sampun jangkep sami, sane patut pisan , jaga kamargiang antuk sang dados sisia sane becik

KAPATUTAN IGURU RING SISIA

79.   Sasanan guru bawesang, ne karepang kabaktinin, kalem dening para sisia, nyinahang kayune asih, ngawales yatna ngajahin, madasar kayune kukuh, tan waneh-waneh nabdabang, nerangang tatwane singid, mangda mangguh, dados sisia dahat prajnyan

Sasampun natwayang sasanan sisia mangkin bawesang kapatutan anak dados guru, sane sampun kapapucukang pisan kasumbah baktinin, saha kapuji kedalemin antuk para sisisa ,dane nyinahang ne mangkin kayune sane saying, ngawales antuk magiet pisan dane ngurukang, kadasarin antuk pakayunan sane pageh, mawinan tan red -rered  nelatarang , nerangang  jantos galang paplajahane sulit sulit tur ilid, mangda nyidayang kapanggih , indike dados sisisa sane banget wicaksana.

80.   Taler iguru tan telad , ngutsahang sisya digelis, mangda nyidayang nyusupang, paplajahan makasami,tuwi dangan dyastu rumit, ugi ne suksma kalangkung, nyidayang sami ngwasayang, reh punika sane kapti, antuk guru, ne jati olas ring sisya.

Maliha tan waneh-waneh taler iguru , ngupayaang pisan sisyane antuk sapunapi kemaonmangda digelis, nyidayang ngaranjingan jantos mapikolih, salwir paplajahane makasami, inggian paplajahan sane dangan yadiastun paplajahan sane sengka, taler karawuhing paplajahane sane dahat ilid, mangda makasami  punika nyidayang mikolihang, santukan wantah punika sane sujati dados tatujon ,olih anake sane dados guru , guru sane sujati saying ring para sisisa drewene.

81.   Malih iguru ngardiang , para sisyane pamargi, mangdennya sami pawikan, krana iguru ngajahin, daging sakancan panguning, dulurin rentetan ipun, tansah salwir astaginan,makadi undagi sangging, tembang kidung, gagambelan sasolahan.

Maliha iguru sarat pisan magawenin , para sisiane mangda polih rurungan,nyidayang sami dados anak huning, punika awinan iguru anteng pisan ngurukang maicayang panguning sane maendahan pisan, saha sami sane wenten pakilitan ipun , tan katinggalang taler panguning indik pakaryan tangane , maukir,-ukiran magagambaran taler makarya wawangunan, taler panguning nembang makidung saha mawirama, ugi magagambelan karawuhing masasolahan.

82.   Sisyane jati uttama, ne lana masolah becik. Anteng tur dahat pawikan, ngawasayang panguning sami, kahalem saha kapuji, pageh tur kaprajnyan ipun, ring sajroning para kanti, taler para sisya sami, mwah kasumbang, antuk guru sane ngajah,

Sisisane sane sujati sampun mabukti uttama, sane satata parisolah ipune rahayu, sane rajin maliha dahat ririh, mawinan nyidayang mikolihang panguninge sami sane kajahang antuk iguru, sisiane kadi punika kasayangang turmaning kapuji, buat kapagehang ipun malajah malih kawicaksanan ipun , ring sajroning para sawitran ipun taler ring arep para sisiane sami , ipun kajum kajungjungang , antuk iguru sane ngurukang ipun.

83.   Iguru paryatna dahat, miara saha mangemit, malih lana ngarengayang, para sisya makasami, mangda nyidayang mamanggih, karahayuwane ngalantur, ring sajroning sakolahan, tuwi ring dija malinggih, mangda luput, saking baya panyengkala.

Maliha iguru tan mari siksa pisan, duaning madue kapatutan miara saha ngaraksa sisiane sami, duluring antuk satata ngarengayang, saparitingkah para sisian dane makasami , tatujone mangda mresidayang para sisiane mikolihang kabecikan, turmaning karahajengane saterusa, pituwi yen wenten ring sajroning sakolahan, yadiastun ring umah ipun utawi ring dja kemaon ipun magenah, mangda ipun prasida luput , saking salwir baya bancanane mabuat.

84.   Sampun wenten kapatutan, ne lana kapikukuhin, antuk iguru ring sisya, ngusahang sisyane sami, anak prajnyan ne ring gumi, taler ngawasayang pamuput, panguning sane kajahang, ngurukang salwir panguning, taler nguwub, gambelan lan gagitayan.

Mula sampun wenten ageman kapatutan , sane saking rihin sampun kamanggehang, antuk sang maraga guru arepe ring para sisia (1) Banget pisan ngupayaang mangda sisiane sami, dados anak sane wicaksana ring jagate, (2) Taler ngupayaang pisan mangda para sisiane  pamuput mresidayang mikolihang , panguninge makasami sane sampun kajahang, (3) Iguru taler patut ngajahng sakancan panguning, rauh taler kaingkup , panguning magagambelan taler panguning makakidungan.

85.   Liyanan ring kadi punika, iguru ngalem mamuji, sisya sane pinih wikan, saha solah sami becik, marep ring sisyane sami, antuk anteng malih weruh, malih satata ngaraksa, karahayuan sisya sami , dyastun ipun, ring dija –dija magenah.

Malih lianan ring sane kabawosang punika ,(4) Iguru patut ngajumang tur mamuji, sisiane sane pinih lewih panguning ipun, kadulurin malih antuk parisolah ipun tan mari becik, kapuji ring arep para sisiane sami,riantuk anteng ipune turmaning kawikananipu, (5)Maliha iguru patut lana nyga saha ngarengayang, karahajengan para sisiane sami, pituwi ipun punika, wenten ring sakolahan, ring umah ipun yadiastun wenten ring dija-dija ipun magenah.

86.   Antuk carane lalima, sisyane telek maktinin, iguru ne tulya kajalinggih dane dahat pingit, carane lalima ugi, antuka sang mraga guru, nyihahang asih ring sisya, kadi punika kakemit, tur kajungjung, linggihe kaja kastawa.

Antuk parisolah lalima  sane uttama, pageh sisiane nyumbah maktinin, iguru sane kaumpamayang kaja, punika linggih dane sane kasuciang , raris parisolahe sane lalima taler , antuka ring anake dados guru, ngedengang swecan dane ring sisia, inggih kadi indike punika wiakti kapiara saha kakemit, turmaning kaluhurang, linggihe kaja sane sampun kasub.

87.   Yen sampun kadi kinucap, ipara sisya maktinin, misinggih linggihe kaja,sinah rahayune damping, ring puri lan kulawargi , tan kadi sisyane bingung, maktinin linggihe kaja, wantah antuk sumbah bakti, sinah ngapung, reh rahayune doh sawat.

Yen pade sampun kadi kabawosang ibahu, kadi sapunika caran sang para sisia nyumbah maktinin, saha teleb ngegwanin linggihe kaja , pasti karahayuane tan ja doh sat waluya damping , awinan puri rahayu, kulawarga taler sami rahayu, mateosan pisan ring pidabdab sisiane sane paling papetengan, sane maktinin linggihe kaja, wantah antuk bakti nyumbah-nyumbah kemaon, sinah indike punika tan pa pala , santukan karahayuane kantun doh sawat.

88.   Napi malih antuk degag, taler tan wenten misinggih, iguru sane ngurukang , purun tungkas manyadcadin, nyewaka matadah lengit, pati kelid yen katuduh, malajah sinambi ngundap, madana demit maklit, wantah kayun, ngatgat ngacep karahayuan.

Napi malih yen dados sisia raris sombong tur degag maliha tan pisan wenten manah ngega, iguru sane satata ngawehin paplajahan, purun moyanin iguru samaliha nyeda dane, dulurin makliudan tur ngekoh hati yen pade ngaturang ayah, katah pisan madue dadlihan mangda tan durus kandikayang , tan naenin masemu ceding rikala nampa paplajahan dulurin antuk ngundap nguyuk,tan pisan ngaturang dana punia kabatek antuk demite tan sipi , ring kadi punika ne wantah manah ipune kemaon manggeh, sarat pisan ngape-ngape karahayuan sane doh para jaga kapanggih.

KAPATUTAN ANAKE LANANG RING RABI

89.   Anake lanang bawesang, sane sampun madwe rabi, ne kawastanin grehasta, patut manyumbah maktinin,rabine kalangkung asih, ne saksat linggihe kawuh, antuk solah jati plapan, ngadap kasor tan ngungkulin, malih wuwus, sada manis alus banban.

Margi anake lanang ne mangkin bawesang, sane sampun teruna raris sadia polih rabi, kabawos sampun ngaranjing ring sajroning paosan grehasta, patut ipun tan mari nyumbah maktinin , rabine sane banget kasayangang antuk ipun, santukan satwaluya ipun linggihe kawuh sane uttama , maktinin antuk parisolah sane jati pelapan, ngandap kasor umpamin ipun tur tan pisan matingkah ngungkulin, malih indik ngarawos ,mangda satata manis alus tur alon.

90.   Tan patut bangras nyalahang, pade panggih ipun pelih, sampunang ja nganistayang, madewek luh tanpa aji, jadma ta tekaan malih, ne ngawinang manah sungsut, nanging ajinin satata, pakaryan ipune sai, malih tuyuh, nabdab jroning kulawarga.

Anake lanang tan patut macegig bangras rikala ngiwangang, pade panggihin ipun madue kahiwangan, tan patut taler ngarawos ngandapang anake istri, ngarawosang anake istri tan madue aji, ngarawosang anake istri jadma tatekaan sane tan nyandang rengayang, santukan rawose punika wantah jaga ngentikang manah sedih , sakemaon ajinin pakaryan ipune nyabran rahina, ajinin tyuh ipune nyabran rahina ajinin tuyuh ipune malihsantukan ipun sane nabdabang saparindikane ring jroning kulawarga

91.   Maliha mangda susatya, sane sinahang ring rabi,antuk rawos miwah solah, taler kayune sutindih, ngicalang sangsayan hati, ngawe kulawarga landuh, taler puput mrasa bagya, wantah ipun anggen rabi, tan ngaruruh , anak istri sane lenan.

Maliha sane dados kapatutan anake lanang mangda sutindih, punika patut terang sinahang ring anake istri , malarapan antuk solah kapingkalih rawos,taler kayune mangda sujati sataya ,duaning kasatiane punika sane jaga ngicalang kaselangan kayune , sane jaga ngentikang adung malih karahayuan ring pakurenan , lianan ring punika patut taler maras puput bagia satata, marabi ring asiki wantah ipun kemaon, tan malih jaga nyaratang ngerereh , anak istri lianan jaga anggen rabi.

92.   Ring ipun nyandang serahang, nabdab jroning kulawargi, pakaryan ring pakurenan, sampunang banget ngampatin, tuwi gunakaya sami, ring ipun patut mapunduh, tan sangsaya manyerahang, sampunang ugi mitetin. Mapi bingung, ngalangitang who pakaryan.

Ring anake istri taler patut patibakang, indike nabdabang saurah- arihe sajroning kulawarga, taler sane muputang pakaryane ring pawaregan taler miara para putrane ring pakurenan, sampunang banget mialangin saha ngiwangang kemaon, yadiatun sane maupa kagunakaya makasami, ring anake istri patut serahang mangda mapunduh, sampunang madue manah tan las jaga maserah, taler sampunang  pisan makirangin paserahe, raris mapi-mapi bingung, mangda polih ngalengitang pikolih pakaryane.

93.   Rikala mamanggih sadya, pamupun tegla lan carik, mabati madagangan, twi polih sakaya lebih, patute eling ring rabi, jaga nunbasang she belus, malih ne marupa payas, mas-masan dyastu akidik, ne kasaluk, ring nuju malaluwasan.

Yen pade katuju pisan mamamnggih aget, akeh pamupune ring tegal kaping kalih ring carik, utawi ageng mabati kala madagangan, utawi lebihan ngerawuhang sakaya, , ring asapunika patute eling ring rabine, jaga numbasang sane marupa payas, makadi mas –masan inggian wantah samatra, sane wenten jaga kanggen, ring katuju lunga manyama braya,

94.   Antuk carane punika, anake lanang mretenin,ngaraksa rabine sayang, ne saksat kawuh malinggih, antuk ngasor rawos manis, ngajinin sakaryan ipun, malih solah rawos satya, nyerahang sakaya sami, malih rungu, ngicen ne marupa payas.

Malarapan antuk parisolahe kabawos punika, anake lanang pageh ngutatenin, taler nyaga karahayuan rabine sane banget asihin ipun, sane satwaluya linggihe ne kawuh, (1) antuk solah ngandap kasor dulurin rawos banban tur manis, (2) Ngajinin sakancan pakaryan ipun, (3) Susatya ring solah rawos malih manah taler puput ring anak istri asiki, (4) Las nyerahang kagunakayane sami, (5) Kawewehin antuk eling taler , ngicen pangangge she belus karawuhing payas mas-masan samatra rikala wenten.

KAPATUTAN ANAKE ISTRI RING RABI

95.   Rabine istri ngwalesang, anake lanang ne asih,tan mari ngaturang ayah,pageh nyumbah mamaktinin, ne saksat kawuh malinggih, antuk solah sarwa adung, tan purun ngarawos banggras,sai rungu katuturin, ngawe lantur, bagyane ring pakurenan.

Duaning kadi punika pidabdab anake lanang mangkin rabine sane istri ngawales budi, ngawales kayun anake lanang sane kalangkung saying ring ipun, makrana tan telad ipun ngaturang ayah, nyaratang pisan nyumbah maktinin, sane kaumpamayang linggihe sane kawuh,maktininantuk salwir parisolahe sane satinut, tan purun nungkasin antuk rawos sane kasar, satata ngidepang pisan yen pade ipun kagelemekin, , duaning punika sane jaga ngawinang tunus , kasubagiane ring sajroning pakurenan tur ngedohang indike marebat.

96.   Samaliha patut sayang, kadi asihe marabi, ring biyang ajin sang lanang, malih ring sawitra sami, karawuhing kulawargi, mangdennya asihe patuh, taler olase marata, boya pisan pilih kasih, tuwi wuwus, mangda alus ningkes raga.

Maliha anake istri patut asih pisan, sakadi asihe ring rabi, mangda kadi punika taler sayange ring biang kapingkalih ajin anake lanang, mangda sapunika taler sayange ring para saitran anake lanang, rawuh ring ipen-ipen saha kulawarga sami, mangda tan mabinayan kasih sayange, taler manahe kapiolasan mangda standing , tan pisan kapatutang sipate pilih  kasih, Inggian ring rawos, mangda alus dulurin matilesang raga satata.

97.   Sang reh sampun satya, suka ring rabi asiki, patut sang istri ngwalesang, twah antuk solah sutindih, sida nyukayang ring hati, ring anak lanang aukud, satya rawos kalih manah, tan patut yan maro kasih, ngawe buwut, rebat jroning kulawarga.

Santukan anake lanang sampun malaksana satya, marasa ledang pisan kayune ring anak istri asiki, nyandang pisan taler nake istri ngwales budi, wantah antuk solah satya taler tan lian , mangda nyidayang marasalega ring manah, antuk anak lanang asiki, sutindih ring rawos kapingkalih ring manah, tan pisan kapatutang indike maro kasih, santukan indike punika sampun sinah jaga ngawe uyut, satata ngentikang parebatan sajroning kulawarga.

98.   Malih patut wicaksana , ngindikang padrewyan sami, sane sampun kaserahang, becikang pisan ngetangin, mangda nyidayang nyangkepin, tan pakirang –kirang langkung, dulurin pageh ngaraksa, padrewyane sami, mangda kantun, suwe ipun parabotang.

Maliha anake istri patut prajnyan pisan, nabdabang sakancan padreweane makadi  jinah  pangangge ajenga-ajengan malih parabot sane lian-lianan, sane sampun kasukserahang, antuk anake lanang, punika sami patu kabecikang pisan ngawilangin saha miara, mangda mresidayang punika jangkep nagingin pisarate nyabran rahina,inggian tan mresidayang nyangkepang bantas mangda tan banget pakirang- kirang, punika awinan dulurin antuk becikang pisan ngamelang , sakancan sane marupa padrewean, mangda tan gelis rusak, kantun suwe ipun dados parabotang.

99.   Anteng kapingkalih prajnyan, marep ring swakarya sami, sane dados tategenan, kapatutan anak istri, kadi myara putra –putri, manyedyayang pangan kinum, sakancan karya ring umah, mangda puput sami gampil, tan pasrabut, parabote mabrarakan.

Kapatutang anake istri mangda rajin tur wicaksana, ring pakaryan sajroning pakurenan, sane mula sampun daods tategenan anak istri, makadi ngupapira para putra lanang istri, pakaryan ring pawaregan nyedyayang pangan kinum. Cutet ipun sami puput tur sami becik genah ipun, tan pageletak ring dini , ring ditu,genah parabote makacakan.

100.   Antuk carane punika, pangwales anake istri, ring rabine sane sayang, antuk rawos sada asih, ngandap kasor solah becik, twi asih ring kulawandu, kadi asihe ring kurnan, maliha tan maro kasih, kengin puput, antuk sang lanang sanunggal.

Antuk parisolah sane kadi punika rawuh pangwales jadmane istri, ring rabi ipune sane sampun nyayangang pisan,(1) Antuk satata ngarawos sane becik, , sipat ngandap kasor saha solah rahayu, (2) Taler saying ring biang aji cutet ipun ring kulawargan anake lanang , mangda pateh kadi asihe ring rabi.

(3) Maliha tan patut maro kasih mungpang laku, kengin mangda mresidayang nyarik, ngalegayang antuk anak lanang asiki.

101.   Patut pageh malih prajnyan, ngaraksa padrewyan sami, taler anteng wicaksana, ring karyan sang dados istri,kadi sapunika ugi, maktinin linggihe kawuh, ngaraksa tur ngaluhurang, ngawinang jaga kimpasin, baya agung, ne jaga ngoda mangrusak.

Maliha sane dados kapatutan anake istri,(4) kukuh turmaning wicaksana, ngamelang padreweane  sami sane sampun kaserahang, (5) Rajin malih pawikan pisan ngalaksanayang, sakancan pakaryane sane dados tategenananake istri ring jroning pakurenan; Wantah kadi punika kapatutan ipun, parisolahe nyumbah maktinin linggihe sane kawuh, pitwi ngemit turmaning ngagungang santukang solahe punika sane jaga ngawinang kaimpasin antuk salwir panyengkalane sane mabuat, sane jaga rawuh, mamancana ngarusak puri saha kulawarga.

KAPATUTAN RING PARA SAWITRA

PUPUH PANGKUR

102.   Patut sang mraga grehasta, mangardinin lalima carane lewih, ring para sawitran ipun, sat linggih kelod kinucap, mangda jati riantuk ledang ring kayun, ngawehin sane kabwatang, arta brana lampah malih.

Kabawos sane dados kapatutan sang mapikuren, ngardinin prisolahe sane becik-becik , arepe ring sami sawitra taler kadang beraya, sane kabawos linggihe kelod, ngardinin antuk solah sane jati madasar antuk kayune ledang , saha ngaturang napi lwire sane kasaratang antuk ipun , makadi arta berana miwah salwir sane marupa lampah.

103.   Nyinahang nyabran masolah, sane becik ngaandap kasor semu manis, dulurin rawos alus, salwir ne ngawinang ledang, kakantena malih kayun sane adung,ngampurayang yening hiwang, punika patut kardinin,

Lianan ring punika patut taler satata nyinahang parisolahe , sane patut makadi ngandap kasor taler semita sane manis , dulurin malih antuk rawos sane banban manis, cutet ipun sakancan sane ngentikang kaledangan, marep para sawitrane maliha kayune sane satinut, mangda sauka taler ngaksamayang yen pade isawitra madue kahiwangan , parisolahe kadi punika sane patut laksanayang ring para sawitra malih kadang braya.

104.   Yen panggih ipun maresah, sawang sedih minab wenten makewehin, sadurung ipune rawuh, pisarat nunas tatingan, patut enggal nampekin dulurin nulung, napi sane kasaratang, wehin ne ngicalang sedih,

Yen nuju panggih sawitrane ibuk paling, makanten kadi anake sedih minab wenten sane kakewuhang ring manah ipun, ring asapunika patute sadurung sawitrane rawuh  nampekin, sarat manah ipun jaga nunas tulung gelisang rihinin rawuhin ipun saha tulungin ipun,raris wehin ipun salwir sane jaga ngicalang kasedihan manah ipun.

105.   Patut ring para sawitra, mangda asih tur becikang ngutatenin, mangdennya adung satuwuk,pidabdabe masawitra, nto makrana sane ngaledangin kayun, punika nyandang aturang, sinah ngawe legan hati.

Maliha kapatutan ring kakantenan makasami, mangda satata saying malih olas turmaning  becikang pisan miara ipun, tatujone mangda mresidayang pasawitrane saterusa adung, tan wenten patungkas ring jroningmasawitra, punika awinan yen maresidayang salwir sane  ngentikang kalegan manah, wantah punika sane patut pawewehangring isawitra, sinah satata lega manah ipun.

106.   Yen magehang pasawitran, twah sutindih punika anggen nyalarin,sampunang ngarawos dudu, ngadakang ne twara ada, nging saratang rawose satata adung, ring solahe klaksanayang , nyinahang jati makanti.

Parisolahe sane jaga anggen ngukuhang indike masaitra tan wenten teos wantah sipate satia sane dados larapan, dohang pisan sane marupa rawos bobab malih misuna, taler indike ngarawosang indike sane sujati tan wneten, nanging sane patut saratang pisan mangda rarawosane satata manut , adung ring parisolahe sane kalaksanayang, duaning punika sane sujati anggen cihna telebe masawitra.

107.   Kapatutan sang grehasta, mangasihin jadma sane kanggen kanti, ne saksat kelod malungguh, antuk carane lalima , mangaturang sane pisaratang ipun, malih solah rawos muwah, ne satata ngaledangin.

Rawosang mangkin kapatutan sang mapikuren , tan mari asih maktinin anake sane kanggen sawitra, sane sat waluya linggihe kelod, antuk parisolahe lalima sane kalingtang becik, (1) Ngawehin madasar antuk manah lascarya sane kasaratang antuk ipun, (2) <asolah saha ngarawos karawuhing mamanah, sane tan mari ngardi kaledangan manah ipun.

108.   Saha ngawehin tulungan, sane kapti kala pakewuh lan sedih, ngardiang ipun rahayu, pateh sat ngardiang raga, malih satya rawos kalawan pakayun, manut ring sane solahang, sapunika yen makanti.

Lianan ken punika, (3) Tan mari gelis nulungin, salwir sane kasaratang rikala ipun mamanggih pakewuh taler kala ipun kasedihan,( 4) Sasidayan antuk mangardiang ipun mangda manggih rahayu, mangda pateh indike ngardiang ragane mangda rahajeng, (5) maliha mangda satata satya rawos kapingkalih manah, taler mangda manut ring sane kalaksanayang, kadi kadi punika kapatutane marep ring para sawitra yen jaga ngulati karahajengan.

PANGWALES PARA SAWITRA

109.   Para sawitra bawesang, sane mangkin riantuk kapiara becik, ne saksat kelod malinggih, antuk sang mraga grehasta, krana lana ngawales ban asih nulus, rikala ipune ampah, sawitrane pageh ngemban.

Watek para kantine margi bawesang, santukan ipun sampun becik pisan kautatenin, sane satwaluya linggihe kelod, kasumbah baktinin, antuk sang sane sampun sane sampun mapikuren, punika ngawinang ipun satata nyaratang antuk manah olas asih sane sujati bersih, ring kenjekan sang grehasta ampah, para sawitrane sane yatna nyaga ipun.

110.   Nuju banget karepotan, nora ajih karyane sami madepin, karawuhing kulawandu, rabi kalawan pianak, arta brana kala ampah tan rungu, sawitrane rawuh olas, ipun nulungin mangemit.

Rikala banget repot santuka madue upacara yajnya,raris tan mrasidayang ngarengayang pakaryane ring tegal miwah carik jantos sami madepin, rawuh taler jantos kulawarga, sapunika taler rabi kapingkalih putra sami tan kapiara, arta brana taler tan polih ngarengayang santukan ampah,  rikala sapunike sawitrane olas ngarawuhin, nulungin ngarengayang saha ngebag punika makasami.

111.   Kala katiban duhkita, sami lisik tan sida antuk meyanin, ngawehin pianak sangu, napimalih yen prabeya, para putra muputang ipun mauruk, sawitrane gelis nyagjag,ngicalang kewuhe nyepit.

Maliha ring kenjekan katiban sedih kasangsaran, sami pagelahane telas punika ngawinang tan mresidayang mayahin kulawarga, taler tan mresidayang ngawehin rabi putra ajengan, napi malih jaga anggen prabeya, ngalaturang para putrane masekolah jantos puput, kala sapunika para sawitrane gelis ngarawuhin , ipunolas ngawehin sane saratang sane ngawinang ical kaduhkitane sane netehin.

112.   Kala tepen panyengkala, dahat sedih kadi  tan sida nanggenin, sawitrane gelis rawuh, saha ngawehin tatingan, jantos pragat pakewuhe sami surud, sawitrane tan matinggal, kala baya manetehin.

Sapunika taler ring kenjekan katiban panyengkala kabegal kapalingan, mawastu kalangkung sedih, jantos tan mresidayang antuk natakin, sawitrane gelis ngarawuhin turmaning nyadia ngawehin tulungan, jantos  mresidayang sami puput, raris sami sane makewuhin punika ical ; kadi punika sawitrane sane jati becik tan jaga ngutang ring kenjekan wenten panyangkala mabuat sane manindihin.

113.   Maliha ring kulawarga, maka sami sawitrane sutindih, ngandap kasor saha nungkul, satata bakti ring manah, tan jangkayan rawose alus tur nyunyur mamuji solahe melah, mialang jadmane rumtik.

Maliha arepe ring kulawargane sami makadi ring rabi putra aji lan biang, makasami sawitrane satia tur mabela pisan saha ngandap kasor turmaning satinut , tan mari bakti tan purun matungkas ring manah . kadi tan wates indik baktin ipun sane kasinahang antuk rawos sane alus banban saha manis ,satata ipun mamuji parisolah sang grehasta sane rahayu, maliha I sawitra sering pisan mialangin anake sane mamanah kaon.

114.   Antuk solahe lalima ,para kanti males sang grehasta asih, riantuk satata rungu, nuju lepya malih ampah, ipun ngraksa tan lali manunggu, kulawaarga lan padrewyan, kala lenga twara ajin.

Sampun ketah antuk parisolahe lalima sane uttama,para sawitrane ngawales sang mapikuren sane sampun asih,saha saying ring ipun, (1) Antuk laksana sane satata ngarengayang , rikala dane lali malih ampak, (2) Sawitra taler ngarengayang taler tan lali ipun ngebag kulawarga kapingkalih padrewean, ring kenjekan lali utawi tan polih ngarengaayang.

115.   Malih sawitrane olas, manulungin kala pakewuh netehin, dyastun kala baya rawuh, ipun tan jaga matinggal, samaliha ipun satata manyungjung, jati bakti nekeng manah, ring kulawargane sami.

(3)Maliha sawitrane sane olas pisan manh ipun , tan mari eling nulungin ring kenjekan katiben antuk pakewuh, (4) Inggian ring nuju mamanggih panyengkala, I sawitra tan jaga ngutang malaibin, (5) maliha ipun tan mari mamuji solahe sane becik, saha bakti tan jangkayan, ring kulawargane makasmi.

116.   Sang grehasta  mamiara, para kanti ne saksat kelod,ne pageh kanggen jalaran, twara bina para sawitra puniku, antuk carane lalima, ngawalesang antuk asih,

Santukan sang grehasta manggeh pisan ngutatenin,para kantin dane sane kawaluyaang linggihe sane uttama keloda lalima kengin carane maktinin sane sampun kakasubang , punika sane kamanggehang kanggen jalaran , santukan sampun sapunika, antuk parisolahhe sane lalima taler kanggen maktinin, sane kanggen ngawalesang antuk manah sane sujati olas asih.

117.   Antuk carane punika, jati-jati linggihe kelod kakemit,kabaktinin tur kajungjung,samaliha karahayuang, kaimpasang saking bayane manempuh, twi sakancan pamancana, sane rawuh macadinin,

Wantah antuk parisolahe uttama sane lalima punika jati-jati pisan linggihe kelod sane uttama sane waluya kahyangan kakemit saha kapiara, kasumbah baktinin turmaning kaluhurang , antuk carane punika taler karahayuang , kadohang saking panyengkalane, sane nibanin, yadiastun saking sakancan gagodane, sane jaga rawuhngarusak manyengkala.

KAPATUTAN PAMEKEL RING PANGAYAH

118.   Sang dados pamekel kocap , sane sugih patut ipun ngutatenin, pangayah miwah patandu, ngawehin salwir pakaryan, abot dangan ne manut ring bayun ipun, ne sdia antuka ngarap, taler manut ring panguning.

Kabawosang anake daados pamekel, sane sugih katah padrewean dane patut satata miara, pangayah dane taler para patandu, antuk maicayang pakaryan sane maendahan , pakaryan sane abot taler pakaryan sane dangan manut ring kakuatan ipun, maliha sane nyidayang antuk ipun ngaryanin, , taler mangda standing panguning ipun,

119.   Taler patut ipamekel,ngaleganin pangayah sane nulungin, antuk mapaica sangu, dyastun sane sadarana, ajangkepa malih upah sane manut, pakaryane kapuputang, tan ngirangin nyang akikit,

Lianan  ring punika sane dados kapatutan ipamekel,  satata ngawe kalegan ipengayah malih para patandu sane anteng nulungin, antuk ngawehin ipun ajengan  , inggian ajeng-ajengan sane marupa sadarana, wantah awaregan saha mapaica upah sane masaih, ring pakaryane sane sampun kapuputang antuk ipun , tan pisan dados makirangin diastun ja akidik.

120.   Yen pada ipun sangkala, dyastu sakit kapialang lyanan malih, ipemekel mangda rungu, patut nyadia mamiara, ngicen tamba jantos mawali rahayu, malih seger kadi mula, nyidayang makarya malih.

Yen pade pangayah miwah patandu polih panyengkala, yen ke sakit utawi kapialang sane lianan malih ipun ipamekel, patut ngarengayang tan dados ngalemenayang ipun , raris patut nyaratang meretenin, antuk mapaica tamba jantos ipun malih dados becik, malih ipun seger kadi jati mula , mangda mresidayangipun malih ngalanturang ngambil pakaryan ipun.

121.   Ipamekel patut pisan, manywecain rowangnya patut sutindih, ne dados panunjang hidup, salsir sane kasaratang, kadi kadi pangan malih panganggearangsuk, tepet ring rawuh masannya, kala punika kadumin.

Malih sane dados kapatutan ipamekel , ngawehin panagayah miwah para patandu sane nulungin makaryamaliha satia pisan, napi lwire sane marupa panunjang hurip ipun, sakancan barang-barang sane kasaratang antuk hurip ipun, makadi ajeng-ajengan malih panganggo arangsukan, ring nuju rawuh masan ipun makadi piodalan rarainan taler mayajnya, mangda kala punika ipun ka paicain.

122.   Ipamekel patut sweca, dasar asih ngawehin sela tan mari, ring pangayah sane sungsut, katekan baya sungkawa, miwah lianan kadi karya mahayu mayajnya msuka duhka, nyelagang karya mapamit.

Lianan ring punika sane dados kapatutan ipamekel mangda olas, madasar antuk manah saying mangda nawehin sela( cuti) satata , pangayahe utawi patandue sane katiban sedih kapademan, utawi katiban panyengkala mabuat mwinan nangenin sedih, miwah wenten karya lianan sane mayu ayu, taler kala ngalaksanayang yajnya suka miwah duhka, patut kawehin ipun nyelagang karya mapamit kadi sane kasaratang.

123.   Antuk carane lalima, kajalarin antuk ipamekel jati, ring pangayah lan patandu, sat linggih sane betenan, kasaratang maweh pakaryane adung, ne sida antuke ngarap, manut bayu lan panguning.

Madasar antuk parisolahe sane lalima, punika sane patut kanggen rurungan antuk ipamekel sane sujati becik, ring pangayah kapingkalih ring para patandu, sane satwaluya linggihe ring sor( 1) Mangda sarat mapaica pakaryan sane standing, pakaryan sane mresidayang antuk ipun ngalaksanayang, sane adung ring kakuatan miwah panguning ipun.

124.   Malihe ngawehin pangan,kawewehin antuk upah ne masaih, taler mamiara ipun, kala sakit miwah baya, tur ngedumin ne dados panunjang hidup, malih maweh laluputan, nyelagang karya mapamit.

Samaliha (2) Nawehin pangan kinum saha pangangge,maduluran antuk mapaica upah sane sapatut ipun, (3) Taler mangda satata  miara ipun, ring kenjekan katiben sakit utawi baya sane mabuat, (4) Turmaning ngedumin jinah sane dados panunjang hurip ipun ring sajroning masuka duhka ,(5) Taler mapaica laluputan (libur) rikala kapialangan, mangda dados ipun nyelagang pakaryan raris budal mapamit.

125.   Ipangayah lan ipenyakap, rowang malih sane kapyara kasihin, antuk gustinnyane ngubuh, sane tan mari marentah, ne tan bina linggihe ring sor sengguh, pacing nyadya ngawelasnag, antuk manh suksma asih.

Sane mangkin ipangayah kapingkalih para panyakap, teos malih anake dados panjak sane sampun becik-becik kapiara saha kasayangang, antuk pamekel ipun sane satata ngupapira, ipamekel taler sane tan mari nguduhang ipun, sane sat waluya linggihe ring sor kabawos nyadia pisan ipun  jaga ngawales kabecikan budin gustin ipun , antuk manah sane subakti nulus.

KAPATUTAN PANGAYAH RING PAMEKEL

126.   Ngawit sakeng semeng pisan, wahu kepit magegas ipun matangi, sadurung gustinnya bangun, sampun ipun makkadas, tur sayaga nampa panguduhe rawuh, pakaryane pacing garap, saha madabdaban gelis,

Bawosang mangkin anake dados pangayah sampun ngawit sakingpasemengan pisan , wahu ngedat sampun ngangsuhang ipun bangun, sadrung pamekel ipun matangi , sampun epot mabresih-bresih , raris sayaga ipun jaga nerima panguduh pamekel ipun sane katibakang, pakaryan punapi sane jaga laksanayang ipun ngararis ipun gagelisan ngambil pakaryan saha tan kantah rarawosan.

127.   Rikala sore mararyan, karya sami mangda puput malih gampil, taler parabot mapunduh, tan wenten sane makutang, kala husan taler ipun tan malingkuh, sadurung sirep gustinnya, reh tan patut ngarihinin.

Rikala sampun sore wahu ipangayah mararyan,  ring asapunika ne mangda sami pakaryane mresidayang puput malih gampil, sami parabote mangda tan paselengkat mabrarakan mangda becik mapunduh, maliha tan wenten sane kecag makutang ; ring sampunhusan makarya tan ja ngararis ipun pules, sadurung pamekel ipune sirep, tan kapatutang ipengayah pules ngarihinin.

128.   Ipangayah miwah rowang, maka sami ngrasayang bagya sujati, taler nyuksmayang ring kayun, nampi sane kapaicayang, kadi pangan pangangge lan upah tuyuh, olih gustinnyane olas, kanggen ngalanturang hurip.

Maliha anake dados pangayah miwah parekan, mangda ipun makasami marasa subagia jati-jati , taler marasa nerima pisan ring manah buat paswecan ipamekel, rikala nampi sakancan sane kapaicayang, makadi pangan kinum saha pangangge malih upah pakaryan ipun , saking pamekel ipun sane sampun olas asih, mangda wenten kanggen nulungin hurip ipunengalantur.

129.   Anteng pisan ipangayah, tur sutindih ring pakaryan sane kambil, boya wenten  ngetang tuyuh,lega sajroning pakaryan, ngutsahayang nyerahang pakaryan ipun, twara wenten mangantulan, sami ngawe legan hati.

Anteng pisan pidabdab ipun ipengayah ngambil pakaryan turmaning tan pisan matungkas ring pakaryan sane laksanayang ipun ,seleg pisan ipun ring pakaryan tan naenin ngetangin katuyuhan ipun, maliha satata egar manah ipun rikala makarya, taler ngupayaang sasida –sidayan mangda materimaang pakaryan sane puput , tan wenten sane katinggalan tuwi akidik, sane sujati ngentikang kaledangan pamekel ipun.

130.   Irowang marasa suksma, jroning hati makarana lana mamuji, ,ring dije  ipun malungguh, tan len sane kabawosang, kabecikan olas asih gustin ipun, sane ledang mamiara, genahnya nglantingang hurip.

Kengin ipengayah tan mari marasa nerima pasweca, ring manah ipun punika ngawinang ipun satata manyumbungang pituwi ring pakaryan yadiastun ring dije kemaon ipun  wenten magenah , tan weneten lianan sane kagonjakang wantah kabecikan saha asih saying pamekel ipun, sane sampun madasar antuk kayun ledang ngawehin ipun pakaryan , genah ipune , mangkin ngantungang padewekan ipun.

131.   Antuk carane lalima, rowang sami ngawales gustinnya asih,  antuk ngarihinin bangun, sadurung gustinnya ngedat, manyantosang tan pules leplep malingkuh, sadurung sirep gustinnya, ngaranjing mangubet kori.

Malarapan antuk parisolahe lalima, sami sang dados pangayah ngawales pamekel  ipun sane nyayangang ipun , (1) Antuk satata ngarihinin bangun , sadurung pamekel ipune matangi, (2) Maliha manggeh iipun manyantosang tan malingkuh ipun pules tis , sadurung sirep pamekel ipun, kapanggih ngaranjing ngunebang lawangan.

132.   Malih marasa subagya, jroning hati ring napi sane kawehin, turmaning makarya pupuk,malih becik manyerahang, tur satata ngarawos kadi manyumbung, kabecikan ipamekel, ring dja-dija malinggih,

Maliha (3) I pangayah puput ngarasyang bagya, marasa suksma ring manah ring punapi kemaon sane kapaica antuk pamekel ipun, (4) Kadulurin antuk anteng makarya tan ngetang tuyuh, saha sida myerahang pakaryane sane becik,(5)Maliha tan mari ngarawos mamuji, mungguing kabecikan kayun gustin ipun, ring dija-dija keawanten ipun magenah.

133.   Antuk carane punika, makasami pangayah kalawan gusti, ngaraksa saha manyungsung, linggihe sane betenan, kasaratang kanggen ngulati panayuh puri miwah kulawarga, mangda luput saking gering.

Majalaran antuk parisolahe kabawos punika, makasami punika inggian ipengayahyadiastun ipamekel, mangemit saha nyumbah maktinin, linggihe uttama sane wenten ring sor, punika kasaratang pisan kanggen rurungan ngaruruh paembonan, sane ngawe dayuh puri miwah kulawarga sami, mangda nyidayang mamanggih karahayuan kaimpasin antuk panyengkala lan panyakit.

KAPATUTAN SISIA RING PANABEAN

134.   Sang sampun mraga grehasta, patut bakti ring ida para sulinggih, sane sat waluya guru, sane prajnyan mraga brahmana, kamanggehang kadi linggihe ring luhur,sane kapuja kasumbah, mangda rahayu kapanggih.

Kabawos anake sampun mapikuren sane waluya sisia patut ipun satata bakti ring ida sang maraga putus sane dados panabena utawi guru ngajah agama. Ida sang sampun maraga wicaksana turmaning suci, ida sane kasengguh linggihe uttama utawi kahyangan sane ring duhur, sane satatakasumbah baktinin mangda kulawarga saha puri manggih karahajengan.

135.   Patut sang mraga grehasta, mangimpasin rawos sane tan sutindih, ,matbat manyeda mamisuh, nanging matur mangda satya, alus banban madasar asih ring kayun, salwir ngawe kaledangan, ring ida mraga sulinggih.

Anake sane sampun mapikuren  sane kawastanin  grehasta,ngupayaang pisan mangda ngedohin sane bobab , taler ngimpasin rawose matbat pariceda kapingkalih mamisuh, sakemaon mangda ngarawos sane sutindih, malih alus alon kadasarin antuk manah subakti. Mangda sakancan rawose sane ngentikang kaledangan kayun, mangda kadi punika matur ring Ida sang maraga sulinggih.

136.   Taler masolah tan telad, sane becik madasar kayune bakti, ningkes raga saha nguntul , kala ida mawacana, patut ngadeg ri kalan ida rawuh, tan degag saha wirosa, anggen nyinahang subakti.

Sang maraga grehasta patut nabdabang parisolah, sane kabawos patut jalarin antuk manahe jati asih, ngandap kasor maliha patut nguntul , ring kenjekan ida sang maraga sulinggih ngicen pangandika, lianan ring punika patut ngadeg ring katuju ida rawuh, maliha tanpatut ngungkulin ida tur sampunang gemes nyahasen ida , solahe kadi punika anggennyinahang manahe subakti.

137.   Tan dados mamanah corah,ngawe sakit kayun sang mraga sulinggih, tan irihati lan bendu,ring katuju ida hiwang, nging saratang mamanah hayu satuwuk,sane ngawe kaledangan, ring kayun sang mraga suci.

Tan kapatutang sang maraga grehasta sane waluya sisia mamanah sane letuh, saalwir manahe sane ngentikangsungkan kayun sang maraga panabean, tan patut taler makta manah duleg irihati utawi bregedegan majeng ring ida, yadiastu ring katuju wenten kahiwangan ida, sakemaon sane patut upayaang mangda tan mari mamanah rahayu, sakancan entikan manahe sane ngawinang sarwa kaledangan, ring kayun ida sang sampun maraga putus.

138.   Taler tan mari sayaga, ledang nampi ida mangranjing ring puri, rikalan idane rawuh, saking lunga malalana, saha ledang ngaturang pangan lan kinum, karawuhing pakoleman, pisarat lianan malih,

Maliha sang dados sisisa , madasar antuk manah lega, nerima ida sang sulinggih ngaranjing ring cacanggahane, rikalan idane rawuh ngamaranin saking palungaan idane malalancaran mapaica warah-warah saha ledang taler ngaturang rayunan kapingkalih inum –inuman , rawuh ring pakoleman yen pade ida kawengian tan katinggalan pisarate sane teos-teosan malih.

139.   Patut taler mangaturan, yase lewih dana punya minakadi, ne kasidan ngawe landuh,saha mangaturang ayah, kala rusak gerya satedah ipun, taler tamba kala sungkan, twi pisarat jroning hurip.

Malih patut katurang antuk para sisiane , yase sane uttama makadi ngaturang dana sane ngawe kasubagian , sane nyidayang dados larapan tan pakirang –kirang hurip idane , dulurin malih eling ngaturang ayah ka gerya , rikala rusak geria merajan tembok miwah sane lian-lianan, ugi ngaturang tamba rikalan idane sungkan , yadiastu salwir pisarate sane ngawinang lantur panyeneng idane.

140.   Lalima carane nyumbah, turmaktinin ida sang mraga sulinggih,ne sat linggihe ring luhur, antuk sang mraga grehasta, majalaran antuk manah asih nulus, antuk rawos tatuwian, atur banban alus manis.

Kengin lalima carane sane uttama sane patut anggen nyumbah , saha maktinin sang mraga sulinggih sang sampun putus, sane satwaluya linggihe ring duhur, antuk sang grehasta sane dados sisia,(1) Antuk manah sane jati-jati nulus bersih tan paleteh, (2) Malarapan antuk atur sane sutindih, rawos sane dabdabalon alus saha ngayunyunin.

141.   Antuk solah ningkes raga, dahat bakti madasar manahe asih, rikalan idane rawuh, patut suka manerima, tur ngaturang ne ngawe ldang ring kayun, malih salwir kasaratang, jroning hurip sang sulinggih.

(3) Taler malarapan antuk solah ngandap kasor, nyinahang kalangkung bakti, mawit saking manahe sujati saying,(4) Maliha rikalan idane rawuh ngamaranin, mangda lega saha galang manahe nyanggra ida ring canggahane, (5) Turmaning ngaturang salwir sane ngawe kaledangan kayun idane, malih napi lwir sane saratang, ring sajroning ngalanturang hurip ida sang sulinggih.

KAPATUTAN SANG NABE  RING SISIA

142.   Kocap sang mraga pandita, sane nampi subaktin sisyane sami, nyinahang asih ring kayun, ngaraksa saha miara, tur mialang yen pade masolah letuh, mamotoh mangutang –utang, mobab tur mamati –mati.

Kabawos mangkin sang maraga wicaksana makadi ida sang sulinggih, sane sampun nyingak tur nerima subaktin para sisyane makasami, raris ida nyinahang ne mangkin kayune sane saying tatuwian, punika awinan miara ngaamelang becik-becik tur miara para sisian ida, antuk nagampatin yen pade para sisiane malaksana corah, yen pade mamotoh, mangutang utang , maliha ngarawos bobab turmaning gemes mamati-mati.

143.   Taler pageh manabdabang , ngandikain mangda masolah  ne becik, sane mapala rahayu,madana-dan samatra, mangda satya malih anteng matatulung, eling ring paswecan anak, ngimpasang gemes nyakitin,

Malih sane dados kapatutan sang mraga pandita pageh pisan ida ngutsahayang , ngandika misedsedin mangda para sisiane masolah sane patut , ngalaksanayang salwir parisolahe sane ngentikang who karahayuan, makadi mapaweweh inggian tan ja makatah, taler mangda tatuwian turmaning anteng nulungin anak katiban pakewuh, satata eling ring anake sane sampun olas pamuput mresidayang jantos ngawelasang, maliha ngimpasangparisolahe brakapakan tur manyakit-nyakitin sarwa mahuripe.

144.   Kengin sang mraga pandita, lana asih ring sisysna tan mapilih, tan bendu ring sane sigug,tan ngawales sane corah, sane nydcad asihin ida satuwuk, reh tambet ipun ngawinang, katelingang tur kajahin.

Maliha kadi ida sang maraga wicaksana, satata ida kasih sayang  ring para sisiane marata tan pilih kasih tan ngawinang ida bendu yen pade wenten sisia sane banget sigug, maliha tan jaga ida ngawalesang ring sisia sane corah majeng ring ida, taler sisiane sane nyeda ida sami bacakannyane punika asihin ida tan reredan, duaning terang panguning idane kabatek katambetan ipune sane ngawinang malaksana corah , raris makasami punika kapakelingin tur kajahin.

145.   Nyabran ida mangurukang, tatwa jati manut kecap sanghyang aji, ne during huningin ipun ,mngda sida nangah galang, mamucehang papetengane ngaliput, ne pacing dados jalaran, nuju subagya mahurip.

Sat waluya rahina wengi ida sang maraga pandita mapaica paplajahan, pamekas tutr kadarman utawi kapatutan sane kaunggahang ring kecap agamane, paplajahan sane during pisan huningin ipun, mangda nyidayang para sisiane madue palihat ceding ring kapatutan jagate, wantah punika sane jaga nyunarin galang kadedetan manahe sane pecak nguwub, tur ceding palihate punika sane pamekas, dados rurungan, sane jaga ngojogang ring kasubagiane mahurip.

146.   Malih ida ngutsahayang , miterangin mangda ceding malih ngilis, panguning sampuh kapangguh, ne kantun samar maimpas, ne makrana sangsaya manahe terus, ida nabdab nyempurnayang, tatujone kantun paling.

Kengin ida sang maraga pandita tan rered ida ngupayaang , mapaica panerangan mangda panguning para sisia ne galang turmaning ngilis , ring paplajahane sane sampun kakeniang , nanging kantun marupa saru santukan tan manut kadi kapatutan ipun, sane punika ida nabdab ngaleserang , tatujon para sisiane sane kantun mamingungin.

147.   Tan telad Ida ngajahang, matujuhin karmane kalangkung lewih, ne pacing patut kaduluh, mamargi ka jagat swargan, manipuan rikala pademe rawuh,sane tan dados impasang, mangda tan kasasar paling.

Maliha tan husan-husan ida sang pandita makelingang , matujuhin bacakan parisolah sane dahat uttama. Sane pacing tuwut ring mahuripe mangkin, satwaluya margi sane mameneng nuju ring jagat swargan, benjangan kala pademe nibanin ninggal jagat puniki, boya pisan nyidayang ngelidin pangrawuh ipun, mangda pamargine tan paling raris nyasar nuju jagat neraka.

148.   Nemnem carane kinucap, kajalarin antuk sang para sulinggih, anggen nyinahang ring kayun,asihe ring para sisya, masadana ngampatin solahnya letuh, ngangsokang masolah melah, manah lan rawos sutindih.

Kabawos nemnem carane uttama, sane kanggen rurungan antuk ida sang para pandita, anggen ida nyihnayang kasujatian kayun ida, saying idane ring para sisyane sami. (1) Malarapan antuk mialangin para sisane masolah sarwa corah, (2) Tan mari misedsedin mangda malaksana sane patut, mamanah sane ngardi karahayuan saha ngarawos sane tatuwian.

149.   Kasih ida tan kampatan, tan mapilih ring sisian idane sami, saha micayang pitutur, sane during kakeniang, malih nabdab panguninge kantunsaru, saha matujuhin marga, nuju swargane uttami.

(3) Maliha indik asih saying ida sang maraga pandita tan pawates, taler tan mapilih ring sisian ida makasami, (4) Maliha satata ida maicayang paplajahan kapatutan, sane during pisan kahuningin antuk para sisiane, (5) Kadulurin antuk tan mari nabdab nyempurnayang panguning para sisiane sane kantun samar-samar .(6) Pamuput ida matujuhin marga lewih ,sane mameneng nepos ring jagat swargan sane luhur.

150.   Antuk carane lalima , kamarginin antuk sang grehasta bakti, majeng ring sang para wiku, nemnem caran sang pandita, ngawalesang subaktin sisyane nulus, kadi punika karaksa, linggihe ring luhur suci.

Malarapan antuk lalima parisolahe patut , punika kanggen rurungan antuk sang mapikuren  maktinin, ngarahayuang ida sang para wicaksana, raris malarapan antuk carane nemnem sane lewih ida sang para sulinggih , nyaratang ngawalaes subaktin para sisiane sane tatuwi an , kengin kadi parisolahe uttama punika sujati kagemel kapiara, karahayuang linggihe ring luhur sane suci dahat waluya kahyangan.

RAREGEDAN PARISOLAH

PUPUH GINANTI

151.   Punapi sane kawuwus, pawarah hyang jina murti, miterangin sang Sigala, maktinin genahe suci, ne nemnem dados jalaran, ngardi hayu kulawargi.

Inggih punapi sane sampun kandikayang punika, tan lian warah-warah palungguh ida Batara Buddha , makelingin dane sang Sigala, parisolahe sane patut anggen  nyumbah maktinin linggihe sane jaga anggen rurungan, ngardiang puri rabi putra taler kulawarga mangda mikolihang karahayuan.

152.   Uduh sang Sigala bagus ,bapa mangkin matuturin, piragi becikang pisan, indik ida sang uttami, para aryane ring jagat, ngarahayuang kulawargi.

Uduh cening –cening bagus totos Sigala Idewa, ne mangkin bapa nuturin idewa, becikang pisan mirengang cening, bapa nerangang paridabdab anake tereh uttama sane kabawos para arya ring jagate,sane nyaratang ngardi karahayuan kulawarga.

153.   Sang para arya kawuwus, ping rihin ipunngimpasin, raregedan parisolah, karma kilesa karanin, ne ngentikang solah corah, sane ngawe tan kapuji.

Kabawos pidabdab ida sang para uttama, ping rihin pisan ida manyaratang ngelidin , sakancan leteh-leteh parisolah, sane kawastanin karma kilesa, punika sane ngawinang anake masolah corah, sane nadosang anak kaceda ring jagate.

154.   Ida sampun bresih nyapuh, solah kadustani sami, ne mangaran papa karma, kadudut makrana mentik, patpat sane dados dasar, punika ngoda tan mari.

Ida sang para  uttama sampun ida nyampatang kedas, parisolahe sane corah-corah makasami, sane kawastanin papakarma, saking kapancingin ipun ngawinang ipun malejit, kabawos patpat sane marupa bibit , bibite punika sujati sane ngulgul rahina wengi.

155.   Sang para arya tan ngepung, nemnem margine ngresresin, ne ngawe sayan nguredang, kasugihan minakdai, taler kotamane ngadkad, margi ngutang –ngutang jati.

Anake sane tos uttama tan malih ida nguberin , nemnem rurungane sane banget ngentikang kata takut, sane ngawinang sami jaga nunayang kawentenan ipun, pamekas sane marupa padrewean, taler kaprajnyan malih kakuasaan sabacakan kottamane punika sayan nguredang , jati marupa pamargi sane ngutang –utang.

156.   Ulihan ngedohin ipun, ne patbelas makasami, karma kliesane patpat, ne patpat sane mancingin, nemnem margin nguredang, sisyane uttama molih.

Kabatek antuk sarat pisan anake ninggalang doh paridabdabe punika, sane bacakan ipun patbelas makasami, patpat  sane marupa raregedan parisolah, taler patpat nenudut ngawinang mentik, malih nemenm sane ngawinang kawentenane sayan nguredang, saking indike punika para sisiane tos uttama nyidayang mamanggih karahayuan.

157.   Yen sampun punika nungkul, sang mraga arya ngembonin, pangayon genahe nemnem, ne tan mari kabaktinin,reh sampun ngasorang corah, sang wijaya kawastanin.

Yen sampun sane patbelas punika kakasorang, kala punika ida sang para arya sujati ngawe  tis, ida sane dados paembonan linggihe nemnem kaja kelod kangin kawuh menek tuwun sane luhur, sane tan mari kasumbah baktinin, santukan ida sampun nyidayang ngasorang kacorahan , mawinan sang wijaya ida kawastanin.

158.   Sang pageh kadi puniku, landuh ring jagate mangkin, taler ring jagat kaditwan, kala ida seda raris, nuncap metel jagat swargan, palan solah sane becik.

Anake sane pageh pisan ngasorang reregedan parisolah punika , subagia hurip idane ring jagate puniki, taler mamangih kasubagian ring jagat kaditwan benjangan , santukan rikalan idane ninggal jagat puniki ngarari pamargin idane ,ngamunggahang nepos ring jagat swargan.

159.   Reged solahe kawuwus, mamati sarwa mahurip, mamaling miwah mamegal, melog-melog mobab malih, teos malih paradara, punika sami ngletehin.

Sane kabawos malan parisolah,indike manyakit-nyakitin tur mamati-mati sarwa mhuripe, ngakuin sane boya pagelahan, taler indike mamegal, melog-melogsha mobab malih, lianan ring punika indike ngoda anak istri lianan, punika sami parisolah sane ngeletehin.

160.   Mamati-matine letuh, ngaregedin jroning hati, wirosa saha murirak, gemes manganyaya malih, cihna anak brekapakan, tan kungguhan welasasih.

Solahe mamati-mati sujati kabawos kaon, punika sane ngaletehin sajroning pakayunan, taler indike nyahasen tur nelik murirak, malih solahe gemes nyelap manyakitin , punika marupa cirin anak sane ngebus brekapakan, anak sane tan pisan madue olasasih.

161.   Mamaling saha mamandung, sampatang sajoning hati, taler ngukuhin tan gelah, ngambil barang tanpajanji, punika solah kasasar, ngawe kaceda mahurip.

Solahe mamaling saha memegal, patut sapuhang ring jroning kayun , taler solahe meled nguasayang sane padrewean, ngambil barang anak tan pasubaya, punika makasami kabawos sasar saking kapatutan, punika sane ngawinang huripe kaceda ring jagate.

162.   Patute sidayang nganyut, solah sane tan sutindih, rawose tan mari bobab, melog-melog napi malih, nuturang sane tan tawang, sami solah tan kapuji.

Patute sidayang pisan nyampatang makasami, makadi solahe sane tan manut ring rarawosane, taler rawose sane tan tatuwian, napimalih indike melog-melog, maliha ngortayang kawentenane sane tan jati huningin, duaning indike punika sami solah san tan kapuji ring jagate.

163.   Solah sane ngaduk –aduk, sajroning anak marabi. Malan solah kadahatan, mamitra mlegandang malih, banget ngawe haro hara, sang prajnyan satata melik.

Solahe sane seneng mangoda , ring sajroning anak san mapikuren, punika marupa raregedan parisolah sane kalangkung pisan, lintang kaon malih indike mamitra lan mamaksa anak anggen rabi sane twara seneng, kadahatan pisan paridabdabe punika, ngentikang jagate rusak magaburan, punika awinan tan mari angen kayun ida sang para wicaksana.

164.   Yan malan solahe kantun, banget madeket tur mentip, punika ne matitisang, margine margine nyorjor ne pasti, huripe kalara-lara, dyastun acepane becik.

Yen kantun reged-reged parisolahe patpat punika kantun katah,turmaning banget pisanraket jantos mentip, indike punika sane jaga matitisang, pamargine mameneng ngojogang ring sane sampun kapastiang, tan teos huripe sane sedih pariselsel kasakitan, inggian acepane satata becik.

165.   Makrana sang sampun weruh, ne mraga sisysa uttami, solahe patpat kasasar, sane satwaluya daki, kabresihin saking manah,jantos tan matampak malih.

Punika awinan anake sane sampun tatas pawikan , ida sang para arya sang maraga sisia uttama, wantah parisolahe patpat sane nyasar saking kapatutan, sane tan bina kadi raregedan sane mialangin pamargine nuju karahayuan, punika ring rihin kapapucukang ipun malih saking kayun, jantos tan wenten tandekan ipun malih.

PANUDUT SOLAHE CORAH

166.   Wenten dasar ngawe tumbuh,makrana corahe kardi, mawit ngaruruh kalegan, bregedegan taler bibit,katambetan sane lianan, taler takut manyalarin

Kawiaktian ipun wenten bibit –bibit sane ngawinang malejit, punika awinan, kacorahane raris kalaksanayang, kapartama madasar antuk sarat ngaruruh kalegan dewek padidi, kapingkalih bregedegan taler sane dados dasar , kaping tiga katambetan sane marupa bibite sane lianan, kaping pat takut taleer sane dados jalaran.

A.      KALEGAN PADIDI

167.   Nyaratang kalegan kayun, ngulah sukane padidi, sukane majeng –ajengan, tang ngetang burone nyerit, krejet-krejet kasakitan, sayan leleh lantas mati

Riantuk banget pisan nyaratang kalegan manah, wantah ngaruruh kasuka dewek padidi, makadi kalegane majrebonan, majeng –majengan, jantos ngetangin watak ubuh-ubuhane pade pagelur , pakrejet ipun kasakitan raris sumayan leleh ipun pamuput padem.

168.   Tan eling ring solah letuh, krana mamegal mamaling, gelah anak kwasayang, tan lingu ring ipun sedih, wireh nyaratang kasukan, kalegan manah padidi

Seseringan lali ring bacakan parisolah sane corah, punika  awinan raris mamegal utawi mamaling, padrewean anake punika keni parikosa raris kodagang, tan pisan mentik ring manah ipun indik kasedihan ipun, kabatek antuk banget pisan ngaruruh kasukan, mangda nyidayang ngalegi deweke padidi

169.   Jantos purun nguluk-uluk, mobab sering ngelong janji, mrasa lega mikolihang, ngulah elahe padidi, ne pocol bakat kadoang, deweke tan kumarisin.

Sane ngawinang jantos lagas melog-melog , mobabin anak taler sering ngelong janji, santukan indike punika sering pisan mikolihang kalegan, kabatek antuk seneng ngarereh elahe padidi kemaon , raris anake sane bakat kadoang yadiastun ipun jantos sedih utawi nemah mamisuh, tan pisan iraga ngarengayang.

170.   Sukane ring anak eluh, nyaratang lega padidi, krana wirosa mlegandang, paradara maro kasih, ngentikang pajengah-jengah, sakit lawan pedih hati.

Muponin kalegane ring anak istri , kabatek antuk satata ngaruruh kasukan manahe padid, punika ngawinang raris purun sahasa malagandang, taler purun ngoda rabin anak lianan, malih maro kasih, tan ngetangin indike punika jaga ngentikang kerang –erang , anak maraga kalara-lara kaping kalih nyakit hati.

171.   Riantuk legane nudut, ngulah sukane padidi, corahe mamaling ngendas, wirosa mamati-mati, ngelong janji turing mobab, twi rusit ring para istri.

Kabatek antuk kapancingin ban kalegan manah, ngaruruh kasukan deweke padidi, punika ngawinang kacorahane malejit makadi megal mamaling, taler kacorahane sahasa mamati-mati, taler kacorahane tan nepetin pasubaya malih mobab, pamuput kacorahane seneng ngoda rabin anak lianan.

B.      MADASAR BREGEDEGAN

172.   Bregedegan taler nudut,ngawinang corahe mlejit, mamati-mati satata, tan kemad jantos mamaling,tan mari mobabin timpal. Ring anak luh sering rusit.

Lianan ring ngaruruh kasukan dewek padidi krodane taler mamancingin , sane waluya nyiramin awinan corahe mentik, tan mari sahas mamati-mati, tan madue kimud raris mamegal mamaling, sering-sering linyok ring sawitra pitwi sane becik, taler parikosa ngoda anak istri.

173.   Yen sampun krodane nunggul,solahe corah makenyit, tan lingu ring kapatutan, lihate murirak nelik, len sswabawane kabangan, angkihane dahas –dihis.

Yen pade bregedegane sampun nunggul , punika ngawinang kayune papetengan raris corahe ngawit makenyit duaning tan nyidayang ngantenang kadharman , magentos palihate dados murirak saha nelik , muane mawastu bag –biying, karawuhing angkihane sareng daas –doos.

174.   Jantos mamademang satru, kabatek krodane ngapi, saking suwe ban naanang, twi mamati watek prani, malarapan bregedegan, reh tegale karosianin.

Jantos tan jangakayan solahe mademang meseh, boya teos kabatek antuk bregedegane sampun sat waluya ngendih, duaning sampun saking suwe pisan antuk nangehin kroda , yadiastun indike mamati-mati sarwa mahuripa, taler malarapan manahe brangti ring ubuhan , santukan tegal carike karosianin.

175.   Kroda sane dados rurung, ngawinang megal mamaling, wireh sering kanistayang, saha kajengah-jemgahin, makrana raris nwalesang, ngalalu jantos malingin.

Brangtine taler dados jalaran, makrana purun,miwah mamaling, duaning bes sering pisan kandapang kacepekang, ring jadmane katah kagawenang kajengah-jengah, punika ngawinang manahe brangti, jaga ngwalesang , kabatek papaetengan pamuput jantos ngalalu mamalingin ipun.

176.   Laksanane bobab tumbuh, masadana krodan hati, wireh sering kakadoang, maliha kapetegenin, salwir pakaryane  buat, pakolihe tan standing.

Mentik solahe bobab sane tan patut punika, taler madasar antuk manahe bregedegan, santukan sampun sering pisan kakadoang , maliha satata kapategenin , sakancan pakaryane sane abot-abot kemaon, raris pakolih upahe tan pisan manut , punika ngawinang mobab ngawalesang sakit.

177.   Krodane taler ngaliput, ngawe prakosa mamaid, saking suwe ban nyantosang, janji-janjine tan kidik, makrana jengahe ngendas, mlegandang boya ngimudin.

Wantah madasar antuk bregedegan sane nguwub, punika ngawinang manahe jantos saha mangered, kabatek antuk saking sue pisan sampun nyantos-nyantosang, duaning pasubayane sampun katah pisan, punika awinan manahe jengah tan dados tamabakin, raris ical kinude ring jagate pamuput malaksana malegandang.

C.      MADASAR KATAMBETAN.

178.   Yen beloge banget ngaput, ngawe ilid makasami, ngentikang laksana corah, salwir sane makewuhin, ring jagate magadaban, hiwang patute tan ngilis.

Yen sampun katambetane banget ngaliput manah anake punika ngawinang tan makanten pidadbdabe makasami, , sane ngalarapang malejit parisolahe sarwa corah, sakancan pakardi sane ngawe pakewuh jagate, jadmane tambet pateh kabawos kadi anake buta  punika awinan kadi magagadabanpamargin ipun ring jagate, tan pisan ipun ngantenang solah patut miwah solah hiwang.

179.   Tambete ngawinang bingung, nudut masolah tan becik, mamati-mati sahasa, wireh boya manguningin, solah ne nuju kanerakan, cendek tuwuh lan kasyasih.

Beloge punika wiakti sane ngawinang anake ibuk paling, punika sane maid anake masolah sarwa corah, makadi mamati-mati sahasa sakancan mahuripe santukan jadmane tambet tan pisan ipun pawikan,ring laksanane mamati-mati punika mastitis kanerakan, ngawinang cendek tuwuh malih kasakitan.

180.   Tambete ngaiwnang laju,ngambekang megal mamaling, matengguhing twara gelah, tan tatas ring tatwa jati, megale dados jalaran, pakirang –kirang mahurip.

Kabelogane taler sane makrana anake durus , masolah megal lan mamaling, taler makukuhin sane boya padrewean ipun, duaning tan ceding panguning ipun ring taatwa kadharman, yen indike megal mamaling punika jaga ngalarapang , dados tiwas satata pakirang-kirang huripe ring jagate.

181.   Jaga ngawe tan kagugu, solah sane tan sutindih, melog-melog miwah mobab, tambet taler ngawe mentik, makrana masolah sasar, tan manut ring sanghyang aji.

Kabawos antuk sanghyang agama , pasti jaga ngawinang tan kaparcaya , solahe sane tan tatuwian, rawose melog-melog miwah rawose tan satia , katambetang taler sane nudut ngawinang mentik, rarawosane sane ngimpas kapatutan, tan nganutin daging kecap sastra.

182.   Jantos ngardi cendek tuwuh, kabatek tan kumarisin, ring daging kecap aksara, reh tambete sane maid, purun ngardi paradara, ngaduk –aduk sang marabi.

Jantos nyelap ngawenang deweke padidi cendek tuwuh, riantuk tan pisan naenin ngebat –ngebitain maliha rungu , ring daging paplajahan agama sane luhur, kabatek antuk katambetane punika sane merorot, ngawinang tan ajerih malaksana corah ring anak istri, satata ngoda anak sane becik-becik marabi.

D.MADASAR TAKUT

183.   Malih sane ngawe tumbuh, solahe corah tan mari, takute dados larapan, takut makenta mahurip, ajrih jaga kakasorang, takute tan mapikolih.

Kabawos sane malih dados larapan malejit, indike malaksana corah satata, ajrihe snagkannyane punika ajerih kekirangan pangan kinum ring sajroning mahurip, takut jaga kandapang utawi kakasorang, taler takut jaga pocol tan mapikolih.

184.   Kaliput ban rasa takut, kasangkala nandang sakit, antuk buron sane galak, utawi maupas malih, krana rihinin pademang, sadururnge polih sakit.

Santukan sampun kalikub antuk manah karesres, ajrih jaga kabancana jantos padem utawi sakit, antuk burone sane galak ngubat –abit, utawi buron sane maupas, meranen malih, punika awinan pinih becik ipun pademangdumunan, sadurunge keni kasakitin.

185.   Solahe mamaling durus, takute taler nasarin, ajerih pacing makenta, takut ring pikolih kidik, ajerih tuyuh makarya,makrana sarat mamaling.

Sane ngawinang anake durus malaksana mamegal mamaling, sinah takute taler sane dados dasar, takut jaga tan majengan, takut ulihan polih upah wantah akidik, ajerih peluh pidit tuyuh ngambil pakaryan, punika sane  ngawinang pamuput malaksana megal mamaling.

186.   Mawinan ngarawos dudu, takut sane dados bibit, takut jaga kasalahang, ajerih tan mapikolih, takut mangda tan marebat, krana purun ngalinyokin.

Mawinan jantos anake ngarawos bobab, wantah takut sane marupa wiwitan ipun, makadi ajerih jaga kahiwangang ngawianang anake ngarawos bobab, takut tan jaga polih bati, ajerih mangda tan jantos marebat, indike takut punika sane ngawinang anake pamuput purun ngarawos sane linyok.

187.   Reh kadudut antuk takut, ngawinang solahe rusit, ring anak istri lianan, takut jaga katinggalin,ngaruruh anak lianan, pocol twara mapikolih,

Sawireh sampun kaumad  antuk rasa takut , punika makrana ngendas dados solah sane culig, arepe ring anak istri teosan, riantuk ajerih jaga jaga katinggalin antuk anake istri ,kaparna  jaga ngaruruh anak lanang lianan, pamuput deweke  kado tan jaga mapikolih.

188.   Punika makrana patut, sarat dohang jroning hati, ngaruruh sukaning awak, wirosa krodane ngapi, tambete ne ngawe peteng, maliha takute ngili.

Inggih punika awinan kabawos patut pisan,sane patpat punika saratang dohang bresihin ring kayun , indike ngaruruh kasukan dewek padidi , apin sahasa bregdegane sane waluya ngendih , katambetane malih sane ngawiang palihate papetenga, rasa takute sane kaliwatan takute sane boya –boya.

189.   Reh punika sane nudut, solah sane tan kapuji,kadi mamaling mamegal,tur gemes mamati –mati, malih solah paradara, rawos bobab tan sutindih.

Napi mawinan indike punika bresihin pisan ring jroning kayun, sawireh punika sane mamancingin, ngawianang malejit parisolahe sane tan kapuji, solahe corah mamegal mamaling,solahe corah mamati-mati , taler solahe corah paradara , malih rawose corah mobab kapingkalih tan tatuwian.

190.   Yen kantun malane ngatut, banget neket jroning hati, taler sane ngalarapang, ngawinang corahe mentik, sinah during mresidayang, mamahayu kulawargi.

Yen kantun reged-regede pat-pat punika tan belas tur banget pisan raket ipune sajroning kayun, taler sane patpat dados jalaran, makrana kacorahane punika malejit, ring asapunikane sinah during jaga mresidayang , parisolahe anggen ngardiang kulawargine manggih rahayu,

191.   Sisya uttamane kukuh, ida tan malih kapaid, antuk manyukayang raga, taler antuk kayun brangti,malih bingung katambetin, kinceh getape mangili.

Ida sang para arya sane maraga sisya uttama pageh saha kukuh pisan , kayun idane tan sida malih kabrorot ,(1) Antuk ngaruruh kalegan dewek padidi,(2) Taler kapaid antuk kayun bregedegan,(3) Malih antu katambetane sane ngawinang papetengan, (4) Turmaning antuk rasa kinceh kapatakut.

192.   Nto makrana ida luput, masolah mamati-mati, mikukuhin gelah anak, rawos sane tan sutindih, luput saking para dara, salwir solahe ngimudin.

Santukan sampun tan wenten  sane nudut sane ngawinang kacorahane mentik, punika ngawianang ida nydayang makeles, (1) saking solahe corah mamati-mati,(2) Mateguhin sane boya padrewean, (3) lupt saking rawose bobab sane corah, (4) Taler kalis saking kacorahan solahe sane tan kapuji.

193.   Sapasira ja mamurug, dharma kapatutan jati, ne kumad ban bregedegan, taler antuk sukan hati, takut miwah papetengan, bibit solahe tan becik.

Sapasira ugi sane jaga purun mapas ngerobok, kadharmane utawi kapatutanne sujati, sane kadudut antuk kroda, taler antuk ngaruruh kasukan dewek padidi taler antuk takut miwah katambetan, cutet ipun antuk bibit-bibit parisolahe sane tan patut.

194.   Kawibawan nyane surud, miyik kakasuban malih, sasih pangelong tan bina,sunare sumayan kincit, pamuput cayane galang, ,rebreb peteng mangentosin.

Anake kadi punika kawibawan ipun makadi kasugihan , kakuasaan linggih jaga nunayang kemaon, kamiyikan kakasuban taler jaga rered , kaumpamayang pateh kadi bulane nuju pangelong, enetran ipun sayan suwe sayan rebreb pamuput peteng jaga ngentosin.

195.   Sapasira sane kantun , kumad antuk manah brangti, taler antuk papetengan, nyukayang dewek padidi, malih antuk katakutan, tan mamuwuk dharma suci.

Sapasira ugi sane during caplas, kantun kabrorot antuk manahe bregedegan , taler antuk katambetan , kantun kumad antuk ngalegayang dewek padidi, malih antuk manah karesres, sakewanten tan mamurug papaljahan kadharmane sane luhur.

196.   Hurip ipun pacang landuh, kamiyikannyane ngalilir, wibawa lan kakasuban, cayannyane sayan ngendih, kadi sasihe tumanggal, ngenter galang tur purnami.

Anake sane tan mamurug kapatutan hurip ipune jaga lanus, kamiyikan ipune jaga sayan-sayan ngalimbak, kasugihan kakuasaan saha kakasuban ipun, sunaran nyane sumayan ngulem lan ngendih, tan bina kadi sasihe nuju tumanggal,eneteran ipun sumayan galang pamuput purnama galang apadang.

PAMARGIN HURIPE NGUREDANG

PUPUH SINOM

197.   Raregedan parisolah, sampun kapidarta sami, taler sane dados dasar, ngumad ngawinang malejit, sarwa solahe ngimudin, corah salwir ngawe letuh, sampun taler kabawosang, antuk sanghyang jinapati, anggen rurung, ngardi karahayuan jagat,

        Inggih ngeninin indik mala-malan parisolah, sampun puput katurang sami, taler sane dados bibit, sane nudut ngawinang kacorahane mentik, sakancan parisolahe sane tan kapuji ring jagate , bacakan kacorahane sane ngentikang kakaonan, sampun taler kandikayang terang galang, antuk palungguh ida Batara Buddha , sane nyandang anggen margi, pacang duluh ngardiang karahayuan jagat pamekas karahayuan kulawarga.

198.   Mangkin wenten parurungan , ngawinang huripe nyirit, kasugihane nguredang, kawibawan sayan engkid, kakwasaan sayan tipis, panguning sumayan enduk, cutet sami manunayang, mapwara pamuput lisik, krana patut, yatnain sida –sidayan,

Kabawosang ne mangkin weneten wiakti pamargi sane ngawinang huripe puniki ngalilik padreweane sayan suwe sayan  nunayang, kasugihan taler linggih sumayan nyerodsod, malih kakuasaane sayan maserod, tur panguninge sane limbak dados nyupekang , cutet ipun makasami jaga nguredang kewanten , mawasana pameragat jaga telas gading , punika awinan patut pisan , tangarin indike punika sasida –sidan antuk.

199.   Nemnem wenten paundukan, ngawe huripe ngalilik, senenge matatayuban, mamunyah rahina wengi, taler mamotoh tan gigis, matajen maceki durus, makobok miwah truwian, malih ngepung sukan hati, gradag –grudug, sai mabalih-balihan.

Kabawosang wantah wenten pidabdab nemnem, sane ngawinang hurip manusane nyerodsod, (1) Ngulurin senenge masajengan tan mari, jantos mamunyah patikacuh rahina wengi,(2) Maliha nuwukin senenge mamotoh tan jangkayan, inggian matatajen, pituwi maceki durus kemaon, taler makobok matruwi sane lianan malih, (3) Malih indike satata nguberin kalegan manah, kaas –kuus magrudugan, tan mari ngaruruh tontonan sawengi-wengi.

200.   Twara rungu ring pakaryan, twah bengong nulengek langit, lingkah-lingkuh makliyudan, malih seneng kemo mai, tan wenten tatujon pasti, mangda polih carat-curut, taler indik masawitra,ring anak sane tan becik, sang mamiyut, malih anak ngutang –ngutang.

(4)Taler indik mamales –malesan jantos tan sapta ring pakaryan, wantah negak bengong, palihate nulengek ka langite, husan punika malih malingkuh makliyudan, (5) Lianan ring punika solahe seneng ngangin- ngawuh, sane tan pisan wenten pasti sane kasaratang, wantah ngulurin kalegane mailehan carat-curut, ,(6) Sane pamuput indike ngarereh kakantenan , masawitra ring anak sane madue agol tan kapuji, anak sane mamotoh, malih bacakan anak sane ngutang –ngutang.

201.   Nemnem sami bacakannya, ne ngawe padrewyan angkid, kimpasin antuk sang prajnyan, ne madue panguning ngilis, seken ida manyingakin, solahe punika ngapung, anggen nuju karahayuan, tuwi kalanduhan hurip, krana kukuh, tan ima ima doh nggutang.

Nemnem sami wilangannya, sane ngawinang paglahane nguredang, pidabdabe punika makasami kakelidin pisan antuk sang wicaksana, sane sampun nguasayang panguninge ceding, duaning terang pisan ida nyingakin, parisolah punika sujati nirguna, yen pade jaga anggen ngaruruhkasubagiane mahurip,inggian anggen ngulati kadegdegan manahe mahurip, punika ngawinang ida pageh pisan digelis ninggalang doh makasaminnya punika

SENENG MAPUNYAH –PUNYAHAN

202.   Makatah ngentikang baya, yaning kitane ulurin, nyabran maminum-inuman, jantos punyah twara eling, paglahane sampun pasti, sayan suwe sayan rarud, wireh karyane makutang, gunakayane manipis, nista langkung, seneng mapunyah-punyahan.

Makeh pisan jaga numbuhang panyengkala, yen pade indriane tuwukin, rahina wengi raris masajengan, jantos mamunyah tan eling ring padewekan, indike punika sampun pasti ngawinang padreweane, sumayan ngured-nguredang kemaon,santuka pakaryane ring tegal carika waluya madepin, sane ngawinang pikolihe jaga nunayang , punika awinan nista pisan, teleb masajeng –sajengan.

203.   Wireh satata mamunyah,  deweke sat karacunin, parebat sayann ngalimbak, ring pianak miwah ring rabi, tuwi jronong kulawargi, prebat alit dados agung, reh lihate papetengan, rawos bangras cegak-cegik, manah bingung, ngawe bayun anak rundah.

Santukan sat rahina wengi masajengan, raris mamunyah, padewekane tan bina kadi kapenpenin wisa, maliha indik paiyege sayan ngagengang kemaon , ring ipianak taler ring rabine, pituwi parebate ring sajroning kulawarga, patungkase sane alit nyidayang dados ageng santukan palihate ceding sakadi katekepin antuk punyahe, punika ngawinang rawose kasar mimbuh cegak-cegik ,manahe taler ibuk, punika ngawianang nagtug bayun anake makasami.

204.   Bes sering nanggenin punyah, padewekane madepin, mua kembang semayatan, tulang igane ngaridig, wetenge  mekanten bregis, palihate ngundap nguyyuk, krana penyakite elah, ngawasa tur manyusupin, wireh enduk, bayune .ngalawan ical.

Kabatek antuk sering pisan nanggenin punyah jantos padewekane tan karengayang sakadi tan mapiara ,rupane ucem kembang lemlem, makanten tulang gane ngaridig, cacingake enduk ngundap nguyuk, punika ngawinang geringe jaga dangan dangan pisan ,ngodagang raris ngaranjingin , santukan sampun lumah, kakuatane anggen nambakin geringe sampun waluya udep.

205.   Manahe sumayan rusak , sajeng arak ngawisyanin, elinge tan malih cedang, lumah anggen makayunin, ngawe ampah sassing kardi, tan lingu ring hiwang patut, perah sane becik pecak, sayan suwe sayan ilid, tur pamuput, jaga ical tan patampak

Riantuk bes seeringe mamunyah,manahe sayan-sayan rusak, santukan sajeng kapingkalih arake sane ngaracunin , sane ngawinang lumah yen pade anggen makyunin pawilangane mabuat punika nadosang ampah ring salwir sane kalaksanayang, santukan sampun tan lingu malih ring becik kaon taler hiwang patut, samaliha agole sane becik becik dumun, kasuen-suen tan makanten malih, raris pameragat ipun , sami jaga telas udep tan palaad malih.

206.   Tan lingu ring padewekan, kala punyahe ngencegin, punika manados perah, panganggene sumbrang-sambiring, rambute panjang salwir, semu kadi wahu bangun, kanten kadi maklayaban, tan huning ngundukang diri, ngandang nganjuh, sing solahang nganggo kita.

Tan pisan ngarengayang padewekan, ring kenjekan punyahe ngodagang , tan rungu ring padewekan punika jaga dados sifat , makrana panganggene tan karo-karoan, taler rambute panjang pasrabut, satata pakantenane sakadi anake wahu bangun, taler makanten kadi anake tan madue tatujon, mawinan tan huning sapunapi antuk nabdabang raga, masolah ngandang –nganjug,tan lingu ring anak lianan makrana solahe nganggo kita.

207.   Panguninge sayan lumah, punyahe sane netehin, kayune tan mresidayang, anggen malih makayunin, bingung wiadin sering lali, reh kayune sampun puntul, tan kadi wikane pecak, ne kumandelang duk nguni, mangkin nyauh, ring ne patut sering mimpas.

Inggian panawangane sayan suwe sayan enduk, sawireh sering punyahe sane ngarosianin, manahe sampun mangkin tan mampuh, yen pade anggen makyun –kayunin, dados bingung kawewehin malih antuk pikun-pikunan, santukan manahe sampun lumah pisan.tan kadi kanyanyapan manahe sane rihin, sane nyidayang nyagerang duke dumun, mangkin sampun seringan sauh, sering ngimpasin paridabdab daging kapatutan.

208.   Nemnem ne marupa bayu ,saking mamunyah tan mari, paglahane sayan ngadkad, geringe elah nyusupin,  prebate sumayan ngapi, sipate becik manyusut, kanten kadi maklayaban, kawikanan sayan kincit, sinah sampun, huripe nyedrod nedunang.

Kabawosang nemnem sane dados panyengkala ngarusak, ulih senenge ngulurin manahe mapunyah –punyahan satata, (1) Padreweane kasuen-suen jaga nguredang kemaon, (2) Panyakite jaga elah mangranjingin santukan bayune lumah, (3) Patungkase sayan manesang kemaon sane alit dados ageng, (4) Agole sane becik-becik dumun sayan kirang pamuput ical, (5) Makanten kadi anake maklayaban tan huning ring kapatutan, (6) Panguninge sayan suwe sayan nunayang , indike punika sampun sinah pisan jaga ngawinang huripe nyerosod nuwunang.

                                          SENENG MASELIWERAN RING MARGI

209.   Tan bina bayane teka, yening satata ring margi, mailehan nyalah masa, ne ruruh  tan wenten pasti, wantah sukane malali, sinah ring raga tan lingu,tong taen bakat piara, karaksa tur kutatenin, manggih hayu, napi hala jag maserah.

Tan malianan taler jaga pangrawuh panyengkalane , yen pade terus-terusan wenten ring margine, malinder kemo mai yadiapin nuju nyalah masa , nanging tan wenten pasti sane jaga kasaratang, wantah nuwukin kalegane malalancaran , ring asapunikane sinah sampun tan rungu ring padewekan, tan pisan keni kapiara, taler tan pisan kajaga saha kadabdabang, punika awianan inggian manggih rahayu , yadiastun mamanggih baya wantah maserah kemaon.

210.   Kadi punika tan lian , pianak rabi kulawargi, malih sakancan paglahan, punika sami madepin, napi seger napi sakit, napi wareg miwah seduk, tegal carike makutang, katungkul seneng ring margi, carat-curut, ngangin  ngawuh tan pasangkan.

Pateh kadi sapunika tatuwian ipun tan mabinayan, putra rabi saha kulawarga, karawuhing makasami padreweane, saying pisan punika santukan sami tan pati sat waluya makutang, tan kahuningin napi ke kulawargane seger utawi sakit, napi ke majengan napi ke makenta tan kalinguhang, taler tegal carike malih ubuhane tan mapiara becik, tungkul kadalon ngulurin kalegane ring margine, satata carat-curut, wantah ngangin kawuh, tan wenten tatujon sane pasti.

211.   Kantun semeng sampun medal, minab during galang kangin, masan anak masliweran, tan keni antuk ngelingin, encen timpal encen jahil, kantenannya sami saru, kala wenten kaicalan, deweke sareng kadalih, dyastu durung , wenten bukti sane terang.

Anake seneng makeluyuran kantun semeng ipun sampun ka margine, kantun ruput pisan minab durung bag kangin , kala punika masan anak rame masliweran anak sane madolan anak sane matatumbasan , sami jadmane punika tan keni antuk nguningin, encen sawitra encen anak sane mamanah kaon, kengin sami saru pakantenan ipun, Raris rikala wenten anak kaicalan, duaning nuju tampek ring kawentenane punika deweke sareng kadalih , diastun durung terang , wenten bukti-bukti sane manyinahang.

212.   Ben seringe nuluh marga, beneng kawuh nuju kangin, sukane malalancaran, raris mendahan kadalih, kaparna sudagar sugih, wireh kdi kutun rurung, babotoh kas ngutang-ngutang, sang kasamaran manyeliksik, nika pangguh, dadalihan boya-boya.

Riantuk seringe kapanggih mamargi ring rurunge nyurut-nyurut nuju ngawangang malih ajebos matulak beneng kangin, ngulurin kalegane malali-lali, mawastu magenepan pisan tatakehan anake, wenten sane mamarna sudagar sugih, kabatek sering-seringe kapanggih ring margine, wenten nyengguhan babotoh akas sane ngudag- dig, disapune wenten taler marna anak banget kasmaran sane nyeliksik nyaratang luh-luh , dadlihan kadi punika sane panggihin, sakancan pamarna sane tan patut.

213.   Reh nyabran salantang jalan, tan ngetang rahina wengi, katah manggih paundukan, sane kawon miwah becik, deweknya sareng kapaid, manggihin sarwa pakewuh, malasang anak marebat, nyaksinin anak kapaling, malih nulung, anak sedih kacopetan.

Santukan ban seringe wenten ring sapanjang margi, tan ngawilangin rahina diastun wengi, punika awinan katah pisan mamanggih parindikan ring margine , paundukan sane kaon inggian paundukan sane becik taler panggih, ipun disapunapine sareng kabrorot antuk punika , sane ngawinang mamanggih sakancan pakewuh, makadi malasang anak maiyegan , dados saksi anak sane kapandung pagelahan ipun, uning taler nulungin anak sane sedih huwus kabegal.

214.   Nemnem ne marupa  baya , ne pasti jaga kapanggih, antuk sang maseliweran, nyalah masane mamargi, ragane tan kutatenin, tan karaksa kadi patut,taler rabi miwah pianak, nyabran rahina madepin, twara rungu, punapi kawentenannya.

Nemnem bacakan ipun sane dados panyengkala , sane seken jaga kapanggihin, ulihan senege makluyuran ring margine , tan nagwilangin rahina wengi, cratcat-crutcut ring margi, (1) Padewekan ipun tan pisan kapertenin, tan kapiara sakadi kapatutan ipun, (2) Taler rabi miwah puta karawuhing kulawarga, sami kabanggayang nyabran rahina satwaluya makutang , tan pisan kalinguhang, yen sapunapi kapo kawentenan ipun sami.

215.   Taler waluya makutang , tegal lan carike sami, tur huning kadalih corah, yadyastu tan wenten bukti, malih sane manibanin, sering kapai pakewuh, taler dados rarawosan, dadlihan boya sami, yen satuwuk, nyalah masa masliweran.

(3) taler sat waluya makutang santukan tan naenin kakaryanin, tegal kapingkalih carik makasami ,(4) Maliha huning taler kasengguhang malaksana corah,pituwi tan wenten bukti nyinahang, (5) Maliha sering taler karawuhin indike kapaid antuk pakewuh ulih anak teosan, (6) dadosrarawosan ring margine kasengguh sane boya-boya makasami, kadi sapunika yen anake terus kemaon, ring margine makeluyuran tan ngetangin masa.

SENENG NGUBER KALEGAN MANAH

216.   Sane dados parurungan, ngawe paglahane lisik, jadmane sane nyaratang, nguberin kasukan hati, mapapestayan tan mari, sareng timpal gradag –grudug, nguberin sarwa tontonan, tunggil wengi tan ngencetin, twara luput, ring sakancan karamean.

Malih wenten sane jaga dados jalaran, sane jaga ngawinang padreweane kasuen –suen telas gading, anake sane sarat pisan manah ipun, ngepungin sakancan kalegan manah, , mapesta majrebonan tan rerenan, sareng para sawitra mailehan kaas –kuus, sarat nguberin balih-balihan sane marupa maendahan, satunggil wengi tan naenin long, tan pisan kaimpasin , antuk karameane sane wenten sawengi-wengi.

217.   Semeng saking wahu kedat, manahe sampun ngeritip, dija pacang wenten arja, malih pidan wenten sampik, punika ngoda nyusupin, manah ipun sang kaliput, doh para eling ring karya, taler oka miwah rabi, wantah suluk, ngetangin kalegan manah.

Kabawosang ngawit semeng saking wahu matangi, sampun makritipan manah ipun, tan wenten teos sane kamanahang wantah ring dija jaga wenten arja, malih pidan wenten tontonan sampik , wantah kritipan manahe kadi punika kemaon sane ngeranjingin, ngoda manah ipun, kadi punika manah ipun sang sane kaliput antuk senenge nguberin kalegan manah, raris ming doh manah ipune eling ring oka  ring rabi kulawarga malih, wantah ngilis ipun ngawilangin napi sane ngalegayang manah ipun.

218.   Satata nguber tontonan, sawengi-wengi nyaliksik, kadesa sareng kantenan, ne adung becik makilit, ring pakaryan sayan lengit, reh lesu tur ngundap nguyuk, pikolih carik sayan nyat, padreweane sai bisbis, tur pamuput , hurioe kalara-lara.

Parisolah ipune satata ngaruruh balih-balihan, satunggil manyelusup , jantos kadesa-desa pagrudug sareng kakasihan sawitrane sane madue tatujon adung jantos pasawitrane becik pisan pakilitan ipun,santukan sapunika sinah sayan-sayan enduk manahe ngambil pakaryan , kabatek sampun marasa lesu turmaning uabane tan papagatan, punika awinang pikolihe ring carike nunayang kemaon, inggian kantun wenten padrewean punika kemaon terus kebis-kebis anggen nuwukinmanahe malegan-legan , raris pamuput ipun tan pariwangde hidupe sedih kasakitan.

219.   Sat nyabran mapapestayan, Usan lawar raris guling, nyate taler busan-busan , sawitrane saying ngiring, majengan saling pegarin, namping sajeng akelukuh, tumuli makakidungan, maganti saling tembungin, sayan enduk, tur palihate ngeramang.

Anake nguberin kalegan manah waluya sarahina-rahina majrebonan, husan mapesta lawar benjangne maganti antuk guling, makarya sate taler tan peluang, rikala mapestayan tan mari kairingang antuk kakantenane sane saying –sayang , sami lega sami egar kedek mabriakan, sinambi namping sajeng akelukuh sarat tan dados katinggalan , ngararis taler nembang makakidungan, magentos –gentos uyute saling timbalin , kasuen-suen rawose sumayan riantuk kakehan sajeng, palihate taler sumayan enduk sadah ngeramang

220.   Sukane nguber kalegan, nemnem bayane ngrawuhin, sai kayune kagoda, ngaynin tontonan becik, nyanan ditu ade sampik, benjang seken wnten gambuh, ngararis ngujur mamarga, malih jebos wenten baris, tur ngarudug, egar lunga marerodan.

Ulihan sukane nguberin kalegan manah, nemnem kabawos wenten panyengkala sane jaga nibenin, nyabran rahina kayune kagulgul ,(1) Antuk ngayunin balih-balihan sane kasenengin, nyanan ditu ade sampik punika sane nyegkala manahe, (2) Benjang pasti wenten gambuh, tumuli ngujur pamargine tan tolihan, (3) Malih ajebos wenten baris sane kasub, tur magrudugan , raris mamargi egar pisan marerod sareng sawitra tan ngetangin oka lan kulawarga sami.

221.   Ditu ada karamean, tur mamargi sada gelis, nyanan kumpul matuwakan, magagasan ngamaranin, tan ngetang pianak sakit, lakar majrebonan ditu, lunga nuju gagangsaran, kadi punika tan mari, rayu-rayu , wantah legane saratang.

(4)Ditu ada anak marame-rame, raris masepan-sepan mamargi ngujur, ,(Nyanan ditu lakar kumpul masajengan, tumuli madabdaban gagelisan nuju genah punika, tan lingu ring pianak sakit, (6) Nyanan ditu sig umah timpale mapesta, sagerehan raris lunga mamargi gagangsaran, kadi sapunika nyabran rahina pidabdabe, wantah raya –ruyu kemaon, kabatek antuk sarate nagingin kalegan manah.

SENENG  MAMOTOH

222.   Indik mamotoh bawesang, ne tulya pangering gumi, menang kalah ngawe osah, makrana jagate sedih, sakancan halane mentik, antuk jdamane mamiyut, ida para wicaksana, pageh ida manungkasin.ngalah tundun, ring salwiring kakelecan.

Mangkin bawesang paridabdabe mamotoh, sane kasengguh sat waluya pangering jagate, santukan menang ngentikang manah bulisah jaga manyaratang malih  taler kaon ngentikang bulisah sedih mapangenan, punika ngawinang jagate sedih makayunin anake mamotoh, sakancan kakaonane sane ngendas, antuk laksanan anake mamotoh mamiyut, mawinan ida sang para wicaksana , kukuh pisan pakayunan ida tan ngadungin , ngalah wuri ida , ring sakancan sane marupa kakelecan.

223.   Rikala makakelecan, nuju agete ngencegin, encen tampih ento menang, encen papas ento jerih, degage malejit raris, menange mapwara ajum, pamargine sadah ngegah, rawose sawang ngungkulin, cegak-ceguk, yen kapapas bregedegan.

Ring nuju mapalalianan makadi matajen, katuju agete raris nyaingin, enecen ayame sane tohin mawastu menang, sane encen ayame arepang mawastu kaon, ring asapunikane gelis pisan sombonge mentik, ulihan menange punika raris nadosang ajum marasa pinih huning , mawinan pamargine masalin matadah ngegah, rarawosane taler malianan satata maduwurin, menda rawose keras cegak-cegik, yen pade wenten sane purun mapas berangtine gelis nomblos.

224.   Indike kadi maplalian, tan lana agete panggih, seringan lacure nyagjag, gelare sami kalilih, ring kaseleke ngentengin,  krana sering dados uyut, wahu mrasa mapangenan, ring gelare telas gading, ne matuptup, jaga anggen nahur hutang.

Yen mungguing paileh anak mamotoh , tan ja satata bagiane nututin kadi acepane, seringan pisan kaone sane mamendakin, sami bekele telas kalah, ring nuju kabelete huning taler mamirat, punika awinan sering pisan dados parebat jantos uyut ring kalangane , kala punika wahu marasa maseselan, ring sampune sami gelare lisik tan pagantulan , gelare saane polih ban nuptupang, praya jaga anggen hutang kakenan ring pura.

225.   Paglahane sampun terang, terus mabur sakakidik, ring tarube kabrarakang, anggen ngulur sukan hati, pis tekek tekek mabibis, hutange matumpuk –tumpuk, pianake paberiak, tur kurenan mecuk alis, kala mantuk, daging kantonge matalang.

Yen ngulurin senenge mamotoh sampun sinah pisan padreweane punika, terus kemaon sat makeber saka kidik, santukan satata ring kalangane keni burburang , anggen nuwukin manahe mamotoh, paglahane sane tekek-tekek satata kebis-kebis saka kedik, raris hutange marupa maendahan sampun matumpuk-tumpuk ngagengang kemaon, pianake sami paberiak nyaratang bekel, kawuwuhin antuk rabine tan mari mecuk alis, ring kenjekan mantuke, makanten daging kantonge sampun lisik,

226.   Jadmane mamotoh kaas , antuk seringe kallih, metu katah madue hutang, busan-busan pati kelid, reh tan nyidayang nahurin, dini ditu tan kagugu, tekaning sang ngamel jagat, rikalaning dados saksi, sering ngacuh, ne boya-boya aturang

Anake sane gemes pisan ngulurin mamotoh, riantuk bes sering-seringe manggih kaon, mawastu akeh pisan madue hutang, raris tan mari kelad –kelid, masangkliban , sawireh tan mresidayang nahur hutange , punika awinan kasuen-suen tan wneten naka ngugu malih, karawuhing sang ngamelang taler tan percaya , ring kanjekan anggen saksi, duaning seringan rawose patijelimet sane tan patut-patut keni aturang.

227.   Sawitrane becik pecak, sami sampun makakirig, wireh sering anggen kantah, ludin hutang tan tahurin, tan kimud jantos mobabin, ngawe sawitrane bendu, krana sami nganistayang, reh ring rawos tan sutindih, ugi rawuh, ring katah sang ngamel jagat.

Kakantenane sane becik pisan pakilite pecak, saka siki sampun ngadkad maninggalin, santukan bes sering anggen pangugu, kawewehin antuk hutange tan sida nahurin, maliha tan madue kimud, jaga nyedokang, indike punika ngawianang para sawitrane raris bendu, sami kengin kadi nganistayang, reh rawose seringan tan satya , taler rawuh indike punika , ring makatah para pangemong ring jagate.

228.   Yen nuju kantun taruna, sampun katah manguningin, sering nguberin kaklecan, jantos karyane madepin, akeh anake ngelidin, twara ngugu nganggen mantu, kasengguh ngalamenanyang, ngupapira kulawargi, tan ja wurung, pianak kurnane makenta.

Yen pade anake kantun matuwuh bajang, sampun akeh pisan anake sane huning, pidabdabe sering –sering ngepungin palalian, jantos pakaryan ipune makutang, katah pisan anake ajerih tur ngimpasin ipun, duaning tan kagugu jaga nganggen mantu, santukan kaparsinah tan pariwangdean , pianak saha kurnan ipun jaga tan polih ajengan.

229.   Nemnem bayane mabuat, ne pasti jaga nibanin, sang seneng makakelecan, mapangenan sedih hati, taler rikalane ngulgul, menange ngentikang degag, yen kapapas metu brangti, sayan lacur,reh padreweane nguredang.

Kabawos nemnem panyengkalane ageng, sane pasti jaga ngarawuhin, anake sane teleb ngulurin manah ipunne mamotoh, (1) Pamuput mapangenan ipun sedih nyakit hati, nyelselang bekel ipune telas gading, (2) Maliha ring kenjekan ipun menang, taler mapuara tan becik santukan menange numbuhang manah dengkak, asing wenten anak mapas malejit bregedegane. (3) sumayan ngalacurang kemaon , sawireh padreweane jaga nunayang kemaon pamuput jaga telas.

230.   Maliha tan kaparcaya, rikalaning dados saksi, reh rawose sering bobab, taler sawitrane sami, karag-kirig mangedohin, reh jadma nista kawuwus, sang ngamel jagat ngandapang, tur  anake twara nampi , ngenggen mantu, reh tan sida miara warga.

(4) Lianan ring punika tan kagugu taler , rikala kadadosang saksi, sawireh rawose seringan ngacuh, (5) Taler makasami para sawitrane sane becik pecak, sami sampun ngadkad ngedohin, duaning kabawos anak sane nista, sareng sang ngamel jagat puput nganistayang, (6) Turmaning akehan anake tan nerima , jaga dados mantu, sawireh tan jaga mresidayang jaga nyanguin kulawarga.

SENENG MASAWITRA ANAK CORAH

231.   Yen jadmane sane leket, masawitra salih kasih, kasuwen psti kalalah, antuk sifatnyane becik, taler sifatnya tan becik, makrana sampunang suluk, masawitra ring corah, patute pilih-pilihin, sane patut, saratang anggen kantenan.

Kabawesang yen anake sane madeket tur makilit pisan makantenan saling sayangang , sayan-sayan suwe sinah ipun jaga kalahlahin, antuk agol saha panguning ipun saane becik, taler antuk agol saha panguning ipun sane kaon, punika awinan sampunang pisan laju pakayunane , jaga makantenan ring anak sane sifat ipune kaon, duaning duaning patut galih-galihin indike ngarerh-rereh sawitra, mangda anake sane masolah patut, punika nyandang pisan saratang anggen sawitra.

232.   Yening leket masawitra, ring babotoh ne ngudagdig, sinah nutug makaklecan, ngutang karya jinah lisik,ring sang ngepung sukan hati, masawitra gradag-grudug, paglahan sai nguredang, ring anak gemes nyakitin, tur mamush, makanti sat kaneraka.

Yen pade madeket pisan pakantena anake, ring anak mamotoh, sane keras tan pakering, sinah jaga kalahlahin nutug sareng maplalian, pikolih punika wantah pakaryane makutang kutang padreweane jaga telas, masawitra pade ring anak sane nguberin kalegan manah, sinah sareng ring ipun jaga ileh-ileh gradag –grudug , mapwara padreweane jaga nguredang kemaon , makantenan ring anak sane sahasa manyakitin-nyakitin, taler ring anak sane seneng ngawe musuh, pateh kadi sawitra ring anak sane jaga nandanin ka genahe neraka.

233.   Ring sang mapunyah-punyahan, banget lekete makanti, jaga sering masadegan, ring sang linyok napi malih, sifatnya bobab warisin,  sinah seneng nguluk-nguluk, ring sang seneng ngadu –ada, ngadukang makulawargi, jantos uwug, marebat musuh-musuhan.

Yen pade anak seneng masajengab sane jantos mamusah, ipun punika raris ajak masawitra makilit pisan, jaga sareng ring ipun malajah nginum sajeng , napimalih yen masawitra ring anak sane tan satia , kasuen-suen agol ipune linyok punika jaga warisin, sinah jaga sareng seneng melog-melog, maliha yen masawitra ring sang seneng ngadakang sane twara ada, punika sane jaga ngadukang ring sajroning kulawarga , jantos nyidayang uwug magaburan pasemetonane, satata ngadakan rebat malih mamusuh-musuhan.

234.   Nemnem bayane temokang, yen tan galihin makanti, babotoh anggen sawitra, jadma ngutang-ngutang malih, ngrawuhin nganggen kanti, taler sagalang –sagulung, ring sang mapunyah-punyahan, punika keni tututin, ngawe durus, padreweane nyerodsodang.

Kabawesang nemnem panyengkalane sane jaga panggihin, yen tan huning milihin anak sane jaga anggen sawitra (1) .sang dados babotoh anggen kakantenan punika marupa panyengkala, (2) Anak sane mamiyut ngutang-ngutang, punika ngarawuhin nesek nganggen sawitra, (3) . Malih gradag-grudug satata, ring anak sane teleb kemo mai , punika sane makrana ngararis, sami pagelahane jaga nunayang kewanten.

235.   Malih jadma sane mobab, punika sane nampekin, sinah sareng kalh-lahan, sang gemes mamati-mati, jaga rawuh nganggen kanti , sahasane gelis nudut, anak seneng mangadukang, ngawe rebat kulawargi, samin ipun, para kanti sane corah.

(4) Lianan ring punika malih anak sane bobab-bobab , punika sane jaga rawuh nampekin nganggen kanti, sinah pisan jaga sareng kalah-lahin, (5) Taler anak sane masawitra , kawirosane punika jaga gelis pisan ngalah-lah ,(6) Malih anak sane seneng ngarawos ngadukang , sane ngawinang tan mari ngentikang parebat ring kulawarga, punika sami para kanti, sane marupa sawitra sane corah.

SENENG MEMALES-MALESAN

236.   Wenten parurungan rusak, punika sifate lengit,seneng mamales-malesan, mangur-angguran ring margi, ring salwir pakaryan lekig, kadong seneng kliyad –kliyud, sami mapuhara rusak, pamupone sinah timbis, taler anyud, paglahane tekek jumah.

Puniki wenten malih pamargi sane kaon pisan, agole sane males punika, ngulurin senenge lingkah –lingkuh, mamales-malesan, taler nuwukin senenge nyongkok manggur-angguran ring margine, sane jaga ngawinang lengit ring sakancan pakaryan, kadong sampun kadalon marasa seneng kliyad –kliyud, sami pidabdabe punika jaga ngawinang kaon, makadi ulih-ulihane ring tegale kapingkalih ring carike mawastu kirang pisan , taler saka kidik jaga anyud, padreweane sane sampun tekek-tekek ring jero.

237.   Malese sane ngawase, katah ngarururuh panalih,yen semeng pacang makarya, ngarawosang kantun dingin, ring nujah surya kacarik, taler urung bane kebus, pragat karyane makutang, jukutane tegeh ngaglik, napi mupu, ring carike tan mapyara.

Yen sampun sipate males punika sane ngodag, akeh pisan raris ngarereh indik anggen nyaruang lekige , yen semeng patut ngambil pakaryan, dingine punika anggen alas an mangda tan durus makarya, yen pade nuju bajeg suryane patut ngambil pakaryan , taler tan durus makarya banget panese anggen dalihan, pamuput karyane durus madepin , yen sapunika napi sane jaga pikolihang, ring carike sane satwaluya tan kapiara.

238.   Rikala pacang malasah, patut durung endag ai, sampun bangun tur magegas, imales durung matangi, ring baleen gulak-gulik, madalihan kantun ruput, kala lingsir taler boya, tengahine dados dalih, raris wurung, prabote sami ngemengeng

Ring kenjekan jaga ngambil karya malasah , patute kantun pasemengan pisan sadurung suryane endag, sampun matangi raris gelis madabdaban , anake sane males durung ipun bangun , kantun ipun gulak-gulik ring baleen sinambi kiad –kiud , ngamel-mel ipun ngarawosang kantun ruput , yen pade ngalingsirang jaga makarya taler tan durus , ipun ngarawosang bes tengai pisan , punika ngawinang wangde , saying pisan perabote mabrarakan tan jaga mangge.

239.   Ne lian dados dalihan, semeng makarya ring carik, sadurung polih ajengan, kantun negak tan mamargi, lemet bayune tong gigis, madalihan basing seduk, rikala sampun majengan, taler durung jwa makinkin, betek ipun, punika dados dalihan

Malih sane dados dalihan lianan sane jaga anggen ipun ngenngkebang lengit ipun, yen semeng jaga makarya ring tegal miwah ring carike, sadurung ipun polih ajengan durung ipun taler gresiak mamargi kantun becik pisan tegak ipun, ngarawosang kalangkung enduk bayun ipun, santukan seduk pisan basing ipun sapunika rawos ipun sakemaon rikala sampun kawehin ajengan , taler ipun durung madabdaban jaga mamargi, santukan betek basing ipune punika , sane anggen ipun dadalihan malih.

240.   Yen sampun malese ngodag, ring karya tan kumarisin, sakaya sayan nunayang, padreweane susud sai, nyabran rahina kirangin, anggen bekel lingkah-lingkuh, twi ring margine mangguran, punika sane nyalarin, jaga mangguh, huripe nyerosod nedunang.

Yen sampun lengite nguasa ring raga ,ring pakaryan sinah pisan sampun tan ja rungu, saking indike punika ngawinang kaguna-kayane ngirangang kemaon , pagelahane raris nunayang terus, santukan nyabran rahina punika kebis-kebis , anggen ngulurin malese lingkah-lingkuh , inggian taler anggen bekel mangguran ring margine, solahe punika sane pasti dados larapan, tan pariwangde jaga mamanggih, huripe terus ngelilik nuwunang pamuput.

241.   Nemnem taler tulya baya , ne nepen sipate lengit, ban dingine karawosang, krana karyane madepin, panese taler kadalih, makrana becikan nganggur,sawireh kantun semengan, punika taler ngampatin, tuara payu, ngambil pakaryan ring sawah.

Taler nemnem sane merupa panyangkala, sane jaga nibanin anake sane seneng mamale-malesan, (1) Ban dingine punika sane dados dadalihan, sane ngawinang karyane kabanggayang tan kakaryanin, (2) Panese malih sane sering dados jalaran, mawinan becikan sampun nganggur mangda tan makarya, (3) Santukan kantun ruput pisan, punika taler sane dados pangalang , sane ngawinang tan durus, lunga mamargi jaga makarya ring carike.

242.   Yen suryane ngamunggahang, karyane taler madepin, reh sampun tengai kocap, ngambil karyane nyalahin, semeng durung keni nasi, madalihan basing seduk, rikala sampun majengan, betek basange kadalih, tur pamuput sami karyane makutang

(4) Yen sampun suryane nuncap ngamenekang , pakaryane tan wurungan taler makutang, santukan kadalihang sampun tengai, nyalahin indike ngambil pakaryan wireh polih wantah ajebos, (5) Yen pade pasemengan durung polih ajengan, basange seduk sane dados dalihan, (6) Yen pade sampun polih majengan, basange wareg malih mialangin jaga makarya, raris pamragat ipun makasami pakaryane durus makutang.

243.   Sapunika kabawosang, margi sane ngawe sedih, nongsok huripe nyerodang, pamuput ring kawah ngepil, indik mamotoh tan mari, malih senenge ngaluyur, rikalaning nyalah masa , saha laju, nguberin kalegan manah.

Kadi sampun kabawosang I bahu, punika parurungane sane sale ngentikang kasedihan, sane rawuh nomplok huripe makrana nyerodsod nedunang, tur pamragat ring neraka jaga masangkliban, (1) Indike seneng ngulurin manahe mamotoh tan rerenan, (2 ) malih kalegane nuwukin manahe malali busan-busan san tan wenten tatujon sane pasti, maliha ring nuju nyalah masa, (3) Taler indike ngulurin kalegane masajengan, (4) Dulurin antuk manahe suluk, ngepungin kasukan manah nyabran rahina.

244.   Lekete makakantenan,ring sang madue prah tan becik, taler mamales –malesan, punika ne nemnem sami, para sisyane uttami, magibras makalah ungkur, tur pageh ida nugkulang,pangrauh nyane misenin, krana durus, ida mangguh kasubagyan.

(5) Indike raket pisan masawitra , ring anak sane madue solah tan kapuji, (6) taler ndike nuwukin manahe mamale-malesan , punika sampun bacakan ipun nem nem makasami yen ida sang para arya sane dados sisya tos anak uttama , digelis ida magiet manungkasin, maliha kukuh pisan kayun ida jaga ngasorang , pangrawuh ipun sipate sane nemnem tan kapuji jaga manyingsa punika awinan ida tan kampatan , indike jaga nemuang kasubagian ring sajeroning kulawarga.                                                     

                                                                     

PASAWITRAN

PUPUH GINADA

245.   Margi ne mangkin lanturang, wacana hyang jina murti, na twayang indik sawitra, sane mendahan puniku, wenten kanti sane corah, wenten becik , krana tatasin pedasang

Inggih margin terusang ne mangkin, pawarah –warah ida batara Buddha ,nuturang kawentena para kantine, sane magenepan pisan sipat ipun punika, wenten sawitra sane madwe perah corah, taler wenten sawitra sane madwe agol sane becik , punika awinan patut becikang pisan nyelehin maliha mangda jantos tatas pisan.

246.   Sawitrane sane corah , satata ngawe penyakitmakanten kadi sawitra, nanging sujatinnya musuh, makrana tan mari ngumad, ngawe sedih , tur huripe kasangsaran.

Bacakan kakantenan sane madwe sipat tan kapuji,tan mari ipn ngadakang pakeweuh, pakantenan kadi anake masawitra , sakemaon meseh kawiaktian ipun,punika awinan ipun satata ngarurungang , sane ngentikang kasedihan, turmaning ngawe huripe sakit kalara-lara

247.   Wenten malih kakantenan , sane nandan mangimpasin, salwir sane ngawe hala, ngungsi genahe rahayu, punika mraga sawitra, ne sujati , dados rawosang sawitra.

Lianan ring sawitra sane corah wenten malih bacakan sawitra , sane tan mari olas nandanin saha mangedohang , saking sakancan parindikane sane jaga numbuhang pakewuh , tur ngarawuhang ring genahe sane rahayu, ipun punika sane marupa kakantenan, sane jati-jati,dados wastanin sawitra.

SAWITRA SANE LOBA

248.   yen jadmane sane loba, ipun leket anggen kanti, sering ipun magapgapan, kasela kalawan jagung, nyinahang deweknya tresna, taler eling, tunggil rawuh matadyadan.

Yen pade anake sane kopa, ipun raris becik pisan anggen sawitra jantos makilit, sering ppisan sawitrane sane loba punika mababaktayan, yen ke kesela yen ke jagung,punika sane anggen ipun ngedengang dewek ipun asih, maliha satata eling ipun, satunggil ipun rawuh satata ipun magapgapan

249.   Nanging wenten kasaratang, krana kanten kadi asih, minab wastra miwah ayam, ne pasti jaga kalungsur, yen tan beras minab jinah, mangda polih, lebih ring sane katurang.

Sakemaon wenten sujati sane kasaratang antuk sawitrane loba , punika awinan ipun makantenan kadi anake tresna, minab wastra sane kasaratang minab ayam, punika sane sujati jaga tunas ipun, yen ten wenten punika dados taler beeras utawi jinah anggen ipun bekel, mangda polih jai pun akehan kemaon ring sane pakidihang ipun.

250.   Sipat lobane ngawinang , kanten sami ngadodtdotin, sadaging jagate limbak, krana tuyuh pati kepug,nyaratang sida ngwasayang, maka sami, asing sane kameledang

Manahe sane loba punika sane sujati dados jalaran , mawinan sami makanten kadi anake nudut ngyun-yunin, salwir isin jagate sane linggah puniki , punika awinan anake kopa tuyuh pisan ipun nguberin , ngaruruh mangda nyidayangja mikolihang, makasamin nyane punika , asing-asing sane dotang ipun.

251.   I loba mangkin bawesang, anteng jantos peluh pidit, yen sampun ipun kuduhang , ngambil karya lintang pupuk, tan purun ipun mararyan, napi malih, yen ring arep pamekelnya.

Tuturang mangkin anake sane medwe sipat loba, sujati magiet pisan ipun jantos pacrecet peluh ipunne medal , yen sampun ipun kandikayang makarya, rikala makarya pupuk pisan ipun , tan purun ipun tolah-tolih napi malih mararyan, yen sampun ipun wenten  ring arep gustin pun ngambil pakaryan.

252.   Twara purun matolihan, seleg ipune tan sipi, nynahang ring pamekelnyan, nanging sujatinnya puniku, wentensane mangranayang, ban ajerih , ring gustin ipun kalintang.

Rikala I loba makarya tan pisan ipun purun engap-engap anteng ipune kaliwat pisan, punika anggen ipun nyinahang baktin ipune ring gustin ipun , sakemaon sane ngawinang sujatin ipune kadi punika, wenten sane dados dasar ipun, kabatek antuk takut ipun , kalangkung pisan ring pamekel ipun.

253.   Takut jaga kararyanang, jaga husan nandu carik, ajerih tan kapaswecan, nyelang beras kanggen mubuh, tuwi kala manyaratang, jinah malih, kala banget kapanesan.

Pupuk ipune I loba makarya wantah takut ipune sane ngawinang , ajerih jaga kahusanang nyakap carik , takuttan jaga kawehin, nyelang beras anggen ipun maratengan, inggina rikala ipun manyaratang , nyelah jinah malih, ring kenjekan ipune banget kapanesin antuk hutang.

254.   Ajerih ring pamekelnya, krana iloba tan gigis , pupuk ipun ring pakaryan, nanging kala matetulung, ring sajroning babanjaran, lintang lenit, wantah mikatin ajengan.

Kabatek antuk takut ring pamekel ipun, punika awinan anake kopa kalangkung pisan, seleg ipune ngambil pakaryan, sakemaon mabinayan pisan ring kenjekan ipun matetulung, masuka –duka ring sajeroning babanjaran, lemgit pisan ipun makarya, pisarat ipune rawuh wantah mangda polih nunas ajengan.

255.   Yen mekelnya madue karya, ipun nyaru twara huning, tan rawuh jantos bulanan, ajerih jaga kauduh, makarya tan polih upah, sane kapti, nagingin kalegan manah.

Yen pade gustin ipun madue karya masuka-duka, ipun nyaru-nyarutan nguningin tan rawuh ipun tangkil jantos bulanan, santukan takut ipun jaga kandikayang ngambil pakaryan sane tan polih upah, duaning sane banget dados acepan manah ipun, mangda nyidayang nuwukin kalegan manah ipun.

256.   Yening wenten kasaratang, nunas punapa punapi, rawuh ipun busan-busan, ring gustinnyane matimpuh, sawng sedih ngolas-olas, matur huning, rawuhin pakewuh nadak.

Sakewanten yen wenten pade sane saratang ipun, jaga ngalungsur sane saratang ipun, rawuh ipun tangkil sat nyabran rahina, negak ipun matedoh ring pamekel ipun, maduluran antuk semu sedih ngapiolasin, raris ipun ngaturang, indik ipune katiben banget pakewuh sane manadak.

257.   I loba tan ngarengayang, sawitra pituwi wargi, kala katiben sengkala, sedih jantos ngurut entud, dewek ipune kewanten, kutatenin, mangdennya manggih kalegan.

Anake sane madue sipat kopa tan pisan ipun ngalinguhang, inggian kakantenan yadiastun kulawarga, rikala ipun karawuhin pakewuh kasedihan , nanggenin sakit kadahatan pisan, wantah padewekan ipun kemaon, sane sarat kapiara, mangda nyidayang nemu kasukane ane kacepang.

258.   Patpat sane dados dasar, sane manyinahang pasti, sawitrane sane loba, sujati madewek musuh, nyaru-nyaru masawitra, sada asih, nanging ngumad kanaraka

Kabawos patpat sane dados bibit , sane patut anggen nerangang kawiaktian ipun, kakantenane sane madue sipatkopa, sujatinnya ipun madewek satru, nanging nyaru-nyaru ipun marupa kantenan, masolah kadi anake olas sakemaon ipun sane nuludang kagenahe sangsara.

259.   Ipun madue sipat loba, krana nyuwangin tan mari, makidihang twah alaad, nanging katah tunas ipun, makrana sayan nunayang , sakakedik, padrewyane tan wurungan.

(1) Sane dados ciri ipun madue perah sane kopa,punika awinan solah ipune ngidih kemaon satata. (2) Ipun purun makidihang wantah akedik pisan, sakemaon sane tunas ipun katah pisan, punika ngawinang sayan nguredang kemaon, sakakidik-sakakidik, padreweane tan pariwangdean.

260.   Anteng ipune makarya, kala kuduh manulungin, takut ipune ngawinang, maliha ipun satuwuk, ngitungang kalegan raga, tan manolih, pakewuh anak lianan.

(3) Seleg ipune ngambil pakaryan, ring kenjekan ipun kandikayang manulungin , boya saking mula anteng nanging takut ipune sane ngaranayang, (4) samaliha ipun tan husan-husan , ngawilangin sane ngawinang kalegan mana ipun , tan pisan ipun ngarengayang, sedih pakewuh anak sane lianan

SAWITRA LEBIHAN MUNYI

261.   Wenten sawitra kinucap, sane sering mangrawuhin, satwan ipun panjang pisan, nuturang indike sane dumun, duk kantun nyeneng ipekak, ne makanti, ring pekak ipune pecak.

Wenten kabawos kakantenan ne mangkin , sane olas sering-sering ngalalinin, nutur ipun panjang melemad, sane satwayang ipun parindikane sane dumun-dumun , sa duk kantun mahurip ipekak, sane makilit pisan pasawitran ipun, ring pekak ipune sane rihin.

262.   Masawitra becik pisan, tan mari saling tulungin, sapunika kabawosang, anggen ipun mangalipur, reh ngacepang jaga nunas, mangda gelis, kawehin sane kacepang.

Becik pisan dane sane rihin makakantenan, satata saling asihin tur saling tulungin , kadi puika satwan ipune panjang pisan, punika wantah anggen ipun nudut manahe mangda lega , sawireh wenten acepan ipun jaga ngidih, mangdennya tan ja suwe, digelis ipun kicen sane saratang ipun.

263.   Weneten malih kakantenan, ne taler katah mamunyi, kadi carukcuke punyah, becike mangkin kawuwus, nuturang ipun pawikan, salwir indik , makadi matanduran.

Kabawos wenten malih sawitra, sane taler akeh pisan satwan ipun, ngaroco ipun kadi kedis crukcuke punyah, nututrang kabecikane mangkin inggian sane jaga rawuh, ngarawosang ipun huning pisan, ring sakancan pakaryan, makadi pakaryane matatanduran ring carike.

264.   Yening ipun kandikayang , pade makarya ring carik, ring tegal miwah lianan, tan kidik pacing kapupu, reh sami pacing ngelimbak, sakancaning tatanduran kawekas.

Yen pade ipun jaga kauduh, mangda makarya ring carik drewene, yadiastun ring tegale inggian pakaryane lianan, sinah jaga mawuwuh-wuwuh pikolih ipun, santukan sami jaga malih ngalimbakang, sabacakan sane wenten , makadi tatandurane benjanagan

265.   Saking satwane punika, ipun nyaratang mamancing, mangda ipun kapaswecan, napi ne acepang ipun, pakaryan utawi jinah, taler kanti, nulung ngicalang kalaran

Malarapan antuk satwane katah sane nuturang jaga kabecikane benjangan, sujatinnya ipun nyaratang mamancingin, mangda ipun kaolasin, napi sane jaga sarata tunas ipun , minab jaga nunas pakaryan utawi jaga nyelang jinah, minab taler jaga nyaratang pitulung sane jaga nulungin ipun makeles saking pakeweh.

266.   Weneten sawitra teosan, katah rawose mamuji, adunge ring kulawarga, taler olas ring sang lacur, tur tan kunggwan bregedegan, sai asih, jantos dados babengongan.

Wenten malih kakantenan sane lianan , akeh pisan taler ipun ngarawos mamuji, kapuji indike tan naenin marebat ring kulawarga , taler indike tan mari madalem anak sane lacur , tur tan pisan kagenahin antuk manah barngti, satata olas asih, jantos ngawiang anake kagagawok kadi punika pamujin ipun.

267.   Kadi punika mapajar , kalangkung mamuji –muji, malih ipun manyinahang , ring jadma susila adung, seneng ring ring sang mraga pradnyan, pageh malih, masolah sane tan cacad.

Kadi punika satata rawos kakantenane, kaliwat pisan antuk ipun ngajumang, malihe taler ipun manyinahang manah ipun , seneng pisan ring anak sane masolah becik, taler seneng ring anak sane wicaksana, malih anak aane kukuh pisa, ngalaksnayang solahe sane tan cacad.

268.   Saking rawose punika, ipun mamanah nuldulin, mangda ipun kasayangang, dados sawitra pamuput, mangden elah mikolihang , sane kapti, ring sang goroh kapyolasan.

Antuk rawose sane ngajum –ajum punika, I sawitra mamanah jaga  mamancingin, mangda dewek ipune kasayangang tur kolasin, malih mangda kanggen kakantenanpameragat ipun, ring sampune kadi punika dangan ipun jaga ngalungsur, salwir sane acepang ipun, ring anak sane bares tur banget  olas asih.

269.   Malih sawitrane lianan, mukbuk rawos ipun jati, manuturang kawikanan, malihh sering matatulung, muputang salwir pakaryan, ageng alit, ne wenten ring babanjaran.

Taler wenten malih kakantenan sane teosan, ngaroco rawos ipune panjang wiakti , ngarawosang indik kabisan ipune , maliha sampun sering ipun matatulung, jantos muputang pakaryan sane maendahan rupan ipun , sane marupa ageng taler sane alit, pakaryan sane wenten ring babanjaran ipun.

270.   Kocap wenten pakaryan mangda ipun kageluhin, ring pondok ipun besenang, nyadia ipun ipun pacing rawuh, gumanti ngaturang ayah, yadiapin , masue bulan-bulanan.

Yen pade wenten pakaryan sapunika rawos ipune , mangda ipun kandikain mangda rawuh, ring pondok ipune kemaon rawuhang pabesene, nyadia pisan ipun jaga rawuh matatulung , saantukan sarat pisan manah ipune jaga ngaturang ayah, yadiastun ja jaga makarya, jantos masue bulan-bulanan.

271.   Nanging kala mabecikan, ring pamerajan akidik, reh eling madue sawitra, punika raris karuruh, jaga tunasin pakaryan, mangda gelis , puput sadurung wedalan..

Sakewanten rikala wenten pakaryan mabecikan , ring merajan tan ja akeh eling ring madue kakantenan sane becik pisan , punika raris rereh, sarat jaga tunasin pakaryan ajebos , mangda mresidayang ja digelis , pakaryanne puput sadurung wenten piodalan.

272.   Jatibanget nguciwayang, reh ipun tan ngarawuhin, katah pakaryannya kocap, katuju sedeng mabulung , maliha nampi giliran, lenan malih, ring pura ngaturang ayah.

Sujati banget ngawe manah kaceluag ,reh ipun tan prasida rawuh, madalihan katah pisan pakaryan ipun, tepet pisan kenjekan mabulUng ring carik, maliha katuju taler nampi giiran , malih lianan ring punika , taler kantun sue pisan jaga ngaturang ayahring pura

273.   Punika dados dalihan, krana ipun ngelong janji, satunggil wenten pakaryan, mawesang repot ring kubu, ne anggen ipun larapan, mangimpasin,karyane tan polih pala.

Punika sane anggen ipun dadalihan, mawinan ipun purun ngelong janji tan rawuh, satunggil ipun kasaratang santukan wenten pakaryan, ipun ngarawosang katuju repot pisan ring pondok, punika wantah anggen ipun jalaran , mangda mresidayang ngimpasin, ngambil pakaryan sane tan polih upah.

274.   Patpat sane manyinahang, jadmane akehan munyi, mapi-mapi masawitra, nanging sujatinnya satru, akeh rawosnya merberang, tur mamuji, ring kabecikane pecak.

Kengin patpat sane dados cihna , anake sane ngaraco akehan rawos, sane nyaru-nyaru makakantena, sakemaon ipun punika sujatinnya meseh sane nakutin, (1) Katah pisan rawos ipune nelatarang, saha mamuji, salwir kabecikan sane rihin.

275.   Manggih bagyane wekasan, punika kabawos malih, nging tan muputang pakaryan, wantah rawose marusbus, malih wenten ngucap-ucap , nging ne kapti, mangda sida kapaswecan.

(2) Jaga nyidayang mamanggih kasubagiane benjangan, punika taler sane ngawinang ipun katah ngarawos , (3) sakemaon tan naenin ipun muputang pakaryan, wantah rawos ipune kewanten sane medal tan rerenan, (4) malih wenten sane katah pisan ngarawos, nanging sanekacepang, wantah mangda kaolasin raris kapadanain .

SAWITRA SANE NYANGUT

276.   Malih ipun I sawitra , sane rawuh tur mamuji , ngacepang mangdennya olas, nganggen prakanti ngalantur, malih ne janji kewanten, manulungin, nanging satata ngadoang.

Malih kakantenan punika , wenten sane rawuh saha mangajum , pisarat ipune wantah mangda ipun kasayangang raris kanggen sawitra pamuput , malih wenten sawitra sane katah janjin ipun , ngarawosang jaga nulungin , sakemaon tan mari ipun tan nepetin janji.

277.   Wenten taler kakantenan , sane sering matajepin, rikala wenten parebat, ring kulawarga tan adung, jantos wirosa ngalempang, tur manigtig, kengin uyut mabyayuhan.

Malih wenten anak anggen sawitra , sane sering rawuh mamanganin, ring kenjekan wenten miyegan sareng sameton, taler indike tan adung ring sajroning kulawaga, raris ulihan kapatajepin punika raris ngadakang purun sahasa tur nglempang, utawi manigtig , sane ngawinang kawentenane jantos uyut magaburan.

278.   I sawitra rawuh nyelag, kadi anak madabdabin, ipun banget mamatutang, solah sane nyalah unduk, gemes ring pianak somah, mangden ajrih, tan purun ring anak lanang.

Ring sampune uyut mabiayuhan kantine raris rawuh manuturin , pakantenan solah ipune kadi anake mapidabdab, banget ipun matampih ring solahe nyalah laku sane tan patut patutang, makadi indike sahasa ring pianak miwah rabi, kapatutang mangden anake istri takut , tan purun ring anak lanang.

279.   Taler rikala ngambekang, solah sane tan kapuji, indik jaga nilas hutang , tan masurat sane dumun, ipun rawuh mamatutang, tur matampih , saha banget mangangsokang.

Malih ring katuju jaga mamanah, ngalaksanayang solah sane kaceda , makadi indike jaga ngakuin hutang- hutangan , santukan tan mabukti sane dumun , ipun gelis rawuh mamatutang solahe punika , turmaning banget ipun adung , dulurin malih banget ngangsokang mangda ngalaksanayang indike punika.

280.   Sinah wenten ne kacepang , makrana sering mamuji, rikala masolah sasar, kala macegig mamisuh, ipun rawuh mamatutang, matajepin, mangda terus nglaksanayang.

Sampun terang pisan wenten pikolih sane dados acepan manah ipun, punika awinan ipun mamuji, tuwi ringkenjekan malaksana sane tan patut, yadiastun katuju ngarawos macegik tur mamisuh, ipun rawuh mamatutang solahe sane tan patut, dulurin malih antuk mapanganin, mangda nerusang malaksana kadi punika.

281.   Weneten ne ngangken sawitra, sering ipun manampekin, minab sarat nunas wedang , saha ajengan tan wurung, krana tan taen nabdabang, ngalemekin, kala masolah tan melah.

Malih wenten anak sne ngaku makakantenan, sering ipun ngarauhin cacanggahane, minab  sane saratang ipun wantah nunas kopi, karawuhing ajengan tan pari wangdean, punika awinan ipun tan naenin pisan midabdabin , taler tan naenin ngamapatin ring katuju ngambekang solah sane tan kapuji.

282.   Tan pisan ipun ngangsokang , mangda malaksana becik, nulungin sang kasangsaran, ngardiang warga rahayu, malih nujuhin pamarga, sane ngungsi, ring genah sane subagya,.

I sawitra punika tan naenin pisan ipun misedsedin , mangda malajah masolah sane patut, maliha mangda seneng nulungin anak sane sedih pakewuh, taler mangda kayun nabdabang kulawarga mangda sida manggih rahayu, malha tan naenin ipun matujuhin marga, sane jaga ngojogang benjangan, ring genahe sane subagia ring sampune ninggal jagat puniki.

283.   Malih wenten sane lenan , ngarawos ngajum tan mari, kabawos kalintang dana , rawose nyukanin kayun, tan taen mucingin anak, lacur sugih, makasami katulungin.

Malih wenten kakantenan sane lianan, satata rawos ipunne manyumbungang , kajum karawosang kalangkung bares, rikala nagarawos tan mari ngawinang anak ledang miragiang, maliha tan naenin nalangin anak sane ngidih-ngidih, inggian anak lacur pituwi anak sane sugih , kandugi makasami ipun punika kapadanain.

284.   Rawos ipune punika, ne banget nyumbung mamuji, mangdennya ngentikang olas, leket makanti ring ipun, makrana banget nganyunang, kadi asih, wantah ring arep tan lian.

Rawos sawitrane punika , sane banget pisan nyungjungang saha mamuji, tatujon ipune mangda side ngentikang anake kapiolasan , pamuput becik raket masawitra ring ipun, mawinan banget pisan ipun tegeh nganyunang , kadi anake sane sujati tresna , sakemaon wantah ring arep boya teos.

285.   Nanging ring sampune pasah, yen nuju makalah uri, rawos ipun mabinayan kala madana kawuwus, ajumput boya makatah, pasilihin, ngaturang ayah bulanan.

Sakewanten ring sampun ipune mabelasan, yen katuju tan marep-arepan , bina pisan medal rawos ipune, kaceda pisan indike mapaweweh, kabawos madanane sane wantah akidik, punika patut walesang , antuk ngarurang ayah jantos bulan-bulanan.

286.   Olase nulungin anak , dulurin rawos nyakitin, tresnane ngicenin nyakap, imbuhin ngayah satuwuk, sapunika kabawosang, ring sang sami, sane iring mabanjaran.

Indike kapiolasan nulungin pakewuh anak lianan, kawewehin antuk rawos sane kaon nyakit-nyakitin, saolahe tresna ngawehin anak nyakap tegal, kaimbuhin antuk satuwuk ngaturang ayah kala wenten mabecikan , kadi punika karawosang ring I sawitra rikala ipun makalah ungkur , ring anake makasami, sane sareng iring mabanjaran.

287.   Patpat sane dados dasar, sane anggen manulekin, sawitra sane nyambada, mawak satru jatin ipun, nyaru-nyaru makantenan, ipun muji, yen wenten ring arep wantah.

Kabawos patpat sane marupa dasar, sane jaga anggen nyelehin ipun, kakantenane sane nyangut kadi sang sambada, madewek musuh kasujatian ipun, sakemaon nyaru-nyaru ipun masawitra, punika awinan (1) ipun satata ngajum-ajum , wantah yen ipun wenten ring arep kemaon.

288.   Nging ipun sai manyadcad, yen sampun makalah uri, tong taen ipun ngajahang, mangda masolah rahayu, malih tan mari matutang , rikalaning, ngambekang solahe corah.

(2) Sakemaon sawitrane sane nyangut satata ipun nyeda , yen sampun ipun makalah tundun,(3) maliha ipun tan naenin pisan mituturin , mangda malajahin masolah sane patut, (4) turmaning ipun banget mamatutang, ring katujumarebat, ngalaksananyang solahe sane sarwa tan patut.

SAWITRA  SANE BOROS

289.   Sawitrane ngutang-ngutang ne ngarurungang tan becik, ngawe paglahane telas, krana sujatinnya musuh, nyaru-nyaru masawitra, saking silib, ngumad kanraka wekasan.

Puniki wenten malih kakantenan sane koos mangutang –ngutang , sane nandanin ka parindikane sane kaon,ngawinang padreweane jaga lisik, makrana sawitrane punika ta teos musuh kawiaktian ipun. Sakemaon nyaru-nyaru ipun makakantenan , nanging saru pisan ipun, jaga nuludang ka genahe sane neraka benjangan.

290.   Kala nguberin kaklecan, matajen miwah maceki, katuju madue gelar, isin kantonge bek kembung, saitrane pagerasah, manampekin, nadtadang ayam ayam ngiringang.

Ring nuju masan ngepungin palalyan, makadi matajen malih maceki, nujuang pisan akeh madue bekel wenten anggen gelar, sinah bek daging kompeke jantos kembung pakantenan ipun , ring asapunikane sami kakantenane rauh mamalu-maluan, nyagjag ipun manapekin, magarang ipun nengtengang ayam saha ngiringang

291.   Ring nuju agete menang, pagrunyung saling malunin,  sami ngarawos nyinahang, krana menang ulih ipun, tan kasor ulih pakembar, taler tanding ngawe molih sapisanan,

Rikala aget menang makaklecan , rawuh sami sawitrane nampekin saling malunin, pajar ipune makasami neranganag , indike sane ngawinang menang wantah ipun punika, ngarawosang tan kuciwa antuk tanding, wantah punika sane ngawinang jag menang pramangkin.

292.   Rikala masane sayah , tan wenten pamupun carik, sawitrane sami ngadkad, tan purun ring ring anak kerud, reh tan sida mikolihang, managingin, manahe malegan-legan.

Yen katuju masan terak, sami tan mupu ring carike kapingkalih ring tegale , rikala kadi punika sami sawitrane ngutang-ngutang saka siki makakirig maninggalin , sawireh tan purun ipun nampekin anak sane tan madue bekel, santukan tan nyidayang ipun jaga mikolihang arta , anggen ipun nuwukin, manah masukan-sukan.

293.   Yening mabalih-balihan, tan ngembang sawengi –wengi, sawitrane sareng katah, pada rawuh mangarumun, ngiring sareng katontonan, tur tahurin, twi kala matatumbasan.

Yen indik nonton balih-balihan, sat satunggil wengi tan naenin long, ring asapunikane katah para kantine sane koos , pada rawuh kadi buyunge pagerumun, pisarat ipunjaga ngiringang mabalih-balihan, turmaning mangda katahurin , yadiastun ring kenjekan jaga matatumbasan.

294.   Yen seneng matatyuban, tan ngetang rahina wengi , ring warung salantang jalan, sareng sawitra mapunduh, ngiringang pada mamunyah, tan panolih, sakit atin pianak somah.

Indike ngulurin senege masajengan, tan ngawilangin yata rahina yata wengi durus kemaon , tan kemad ring warunge sapanjang margi, sareng pare kantine irika madugdug , satya ngiringang pada mapunyah-punyahan tan pisan ngarengayang , kimud sakit atin pianake kapingkalih rabine.

295.   Yening seneng makluyuran , maileh sapanjang margi, tan pasti sane saratang, wantah suka carat-curut, tan ngetangin nyalah masa, sareng kanti, ne pateh ugal-ugalan.

Sapunika taler yen seneng nuwukin manahe malali, mailehan kemo mai salatang margi, tan pisan wenten tatujon napi sane pacing saratang, wantah ngulurin manahe seneng ngaje ngelod,tan nagwilangin dauh sane tan manut mamargi, gradag-grudug sareng kakantenan, sane pateh paturu tan madue solah sane becik ring jagate.

296.   Jerone saksat makutang, pianak rabine madepin, ubuh-ubuhan malumbar, juutan carike ngrembun, napi jaga pikolihang, wantah sedih, antuk sawitrane corah.

Katungkul kadalon makluyuran purine sat waluya makutang , taler tan polihngarengayang pianak kapingkalih rabi, wawalungane tan mapiara, pdang jukutane jantos samah ngarembun, ring sapunikane napi sane jaga kapupuang, sajaba kasedihan, malarapan antuk kakantenane sane corah-corah.

297.   Patpat sane dados dasar, ne pacing anggen mingetin, sawitrane ngutang-ngutang, sujatin ipune musuh, nyaru-nyaru masawitra, sawang asih, nanging nyorog ka neraka.

Kabawos patpat sane dados anggen dasar, sane jaga anggen nyinahang, kantenane sane boros mangutang –ngutang, sujatinnya ipun punika pateh ring musuh, nanging saru-aru ipun masawitra, makanten ipun kadi anake tresna, sakemaon ipun punika sane sat waluya ngojogang ka neraka.

298.   Yening seneng makaklecan, ipun nampekin makanti sawitrane ngutang-ngutang, taler yen seneng ngaluyur, rawuh ipun masawitra, sat makilit, rahina wengi tan belas.

(1) Yen pade seneng mamotoh , ipun rawuh manampekin makakantenan, boya teos kantine sane boros mangutang-ngutang (2) Taler yen seneng makluyuran mailehan, rawuh ipun nampekin dados kanti, masawitra jantos makilit pisan, tan naenin palas rahina wengi.

299.   Tuwi mapunyah-punyahan, masawitra ipun ngintil, ngajum-ajum mangangangsokang,malih rikala bah bangun, nguberin salwir tontonan, tan makisid, ipun ngentet peteng lemah

(3) Yadiastun rikala seneng masajengan, sawitrane ngutang-ngutang rawuh ipun nampekin makanti tan belas-belas, ipun sareng ngajum –ajum mangangsokang,(4) malih ring kenjekan magiet pisan, ngepungin sakancan balih-balihan, tan kisidan ipun , makilit kemaon ipun serahina wengi

300.   Nto makrana nyandang tangar, yen pade telek makanti, impasin kantine corah, ne ngawe lara mawuwuh, kasubagyane nguredang, patpat sami, bacakan kantine corah,

Inggih punika awinan patut pisan yatnain, yen pade suluh manahe ngarereh pasawitran, patut kelidin sasida-sidayan antuk sawitrane sane corah , sane wantah ngawinang maweweh manggih sedih kalara-lara , maliha kasubagian huripe jaga nyerodsod , kengin kabawos patpat makasami, papetekan kakantenane sane corah.

301.   Wenten kanti sane loba, sane satata nyuwangin,malih kanti ngutang-ngutangie sawitra ngajum-ajum, wenten kanti ne ngucikcak, kehan munyi, nging tan muputang pakaryan.

(1) Wenten kanti sane medue sipat loba, solah ipune satata ngidihin kemaon, (2) teos malih sawitra sane boros ngutang-ngutang,(3) len kakantenan sane nyangut wantah ngajum-ajum kemaon,(4) wenten taler sawitra kadi cruksuke punyah ngaroco, akehan rawos nanging tan pisan naenin muputang karya.

302.   Sat duwi yan umpamayang, wantah nebekin nyakitin, sawitrane sane corah taler kadi lateng ngiyu, asing neket magergeran, kudrang malih, satata ngamahin timpal.

Tan bina kadi duwine ye umpamayang , wantah nusuk-nusuk ngawe sakit kemaon, sapunika kakantenane sane madue sipat corah , taler ipun pateh kadi lateng ngiyu , asing-asing sane kadekt antuk ipun nanggenin genit patigerger pramangkin, sawitrane corah taler pateh kadi kudrang , tan mari ngamahin timpal kadi punika paridabdab ipun

SAWITRANE SANE SUJATI SAWITRA

PUPUH GINANTI

303.   Patpat kantine kawuwus, marupa sawitra jati, sane nyidayang nyengguhang, madue kayun nulus bresih, taler kayun sane olas, satata ngicalang sedih

Kabawosang patpat bacakan sawitrane punika, sane marupa kakantenan sane jati-jati, sane sampun nyidayang mastiang, madue pakayunan sane tatuwian turmaning samplah, taler madue kayun sane olasasih, sane solah ipune tan mari nyampatang pakewuhe sane netehin.

304.   Sawitrane dahat kukuh, rikala bagya makanti, taler rikalaning aya, ipun pageh tan ninggalin malih sawitrane sayang, makelingin sane becik.

Kakantenane sane sujati pageh kalangkung, (1) ring kenjekan mamanggihin sadia leket pisan ipun masawitra, (2) taler ring kenjekan mamanggih bancana makewehin, pageh pisan taler ipun makanti tan ja ipn matinggal , (3) malih kakantenane sane asih, tan mari ipun mituturin sane ngawinang manggih rahayu.

305.   Taler sawitrane rungu , ipun satata nyarengin , kala sedih miwah bagya, punika bacakan sami ne jati-jati sawitra, kayun nulus nekeng hati.

(4) Taler kakantenane sane adung tur rungu , tan naenin ipun mabelasan, nampek ipun rikala manggih kasedihan taler rikala mamanggih kasubagian, inggih punika papetekan ipun makasami, bacakan sawitrane sane jati-jati masawitra, sane madue kayun tumus rawuh ring hati.

                                                SAWITRA MATATULUNG

306.   Katuju tan pisan lingu, ring jaga kewuh nibanin, sawitrane dahat olas, rawuh ngebag tur melanin, sadurung kandane pragat, tan lagas ipun ninggalin.

Ring kenjekan tan pisan ajn ring indike jaga karawuhan pakewuh, kakantenane punika sane banget olas nulungin, rawuh ipun nyaga saha mabela pati , samaliha yen pade indike during puput makasami tan becik manah ipune jaga ngalahin.

307.   Sering ipun mapawungu , katuju lepya tan ajin, gelis ipun makelingang, ring jaga baya ngrawuhin, taler ipun tan jangkayan, rahina wengi mangemit.

Sering pisan sawitrane punika ngentenin, ring nuju ne lal tan pisan lingu, gelis ipun rawuh mituturin indik pakewuhe jaga nibanin, taler ipun las pisan pakayunanne, nyaga yadiastun jantos rahina wengi.

308.   Yen pade carike ngetuh, kasepan tan nureksain, ubuh-ubuhan makenta, reh katah karya netehin, kantine ajin tur nyagjag, gelis sami katatingin.

Yen nuju carike tan polih toya jantos tuh , riantuk kasepan tan polih ngarengayang, taler ubuh-ubuhane tan polih tatedan, kabatek antuk katah pisan pakaryane sane nugdugin, sawitrane gelis ajin ring indike punika raris ipun rawuh,pramangkinsami katulungin.

309.   Ipun ngawehin pateduh,rikala manahe rimrim, jagate magageteran, begal maling ngusak-asik , sawitrane rawuh ngebag,ngalipur takute ngili.

Sawitra panulunge sane olas ngicen pembonan, ring nuju manahe kajejeh-jejeh, karawuhing sadaging jagate ngejer magageteran, begal kapingkalih malinge terus mangusak-asik , , kakantenane nyadia rawuh mangemit, sane ngalipurang manahe takut kalangkung.

310.   Sawitrane gelis rawuh, kala katandes kajepit,antuk hutang makacakan ne sida ngawe ngamasain, kantine gelis muntasang, tur paweh ipun nikelin.

Kakantenane punika taler gelis nyagjag duaning kahuningin nuju kadesek malih sat waluya majepit, antuk hutange katah dini ditu makacakan indike punika sane jaga nyidayang ngawinang mamanggih pakewuh dahat, sawitra panulunge gelis nahurin tuntas punika sami , samaliha paweweh ipune ngalangkungin ring sane kasaratang.

311.   Patpat dasare kawuwus, sane sinah dados cirri, sang mraga kanti pasrayan, madue kayun nulus asih, tuhu kabawos sawitra, ngaruwat saking prihati.

Kabawos patpat sane dados dasar, sane sampun sinah marupa cirri, anake sane dados sawitra panulung, sane madue pakayunan olas tatuwian, sane jati-jati nyidayang ngarawosang sawitra, tan mari ningtingang anake saking sedih sakit hati.

312.   Kala input twara rungu, ring kulawargane sami, gelis ipun rawuh ngebag, taler padreweane sami,kala tan polih ngarengayang, sayaga ipun mangemit.

(1) Ring nuju banget karepotane tan polih ngarengayang , lali ring oka rabi saha kulawarga sami , gelis ipun nyaratang ngaraksa, (2) taler ring nuju padreweane sami, tan polih miara kadi patut ipun , ipun taler nyadia pisan ngarengayang saha nyaga tan mari.

313.   Katuju manahe takut, nagdug kesyab-kesyab rim-rim,ipun rauh ngalipurang,taler olas manulungin, rikalaning kapanesan, nikel ipun manywecanin.

(3) maliha ring nuju manahe banget ajerih, jantos nagdug bayune saha jejeh kesiab-kesiab, sawitra panulungi rawuh ngemit sane ngawinang manahe lipur,(4) taler ipun olas pisan manatingin, ring kenjekan kapanesan antuk hutang, jantos nikel ipun mapaweweh ring sane patut kasaratang.

SAWITRA SUKA DUHKA

314.   Kantine makayun nulus, ipun tan mari ngrawuhin, kala manggih kewuh dahat, kanistayang kasakitin, taler kagawenang jengah,katlatarang makasami.

Sawitrane sane sujati madue kayun sane tatuwian , tan kasep ipun ngarawuhin satata, ring kenjekanjaga katiben pakewuhe kalangkung, duaning wenten anak sane jaga nganistayang raris nyakitin , malih yen wenten anak sane jaga ngawinang kerang –erang , ipun gelis rawuh nerangang indike punika makasami.

315.   Sami kawentenan ipun , kahuningan saka siki,kala katomplok kasadyan,sami pakedek pakenying, dyastu suka twi duhkita, kaberberang terang ngilis.

Makasami kawentenan ipun punika , tuturang ipun saka siki tan mengkeban , taler ring kenjekan ipun karawuhan bagya , sami kulawargan ipun kendel pakedek pakenyung , yadiastun manggih sauka pituwi manggih duhkita,sami katelatarang jantos terang pisan punika

316.   Yen deweke tepen inguh, ibuk palingnanggen sedih, manggihin pajengah-jengah, kantine olas nekepin, tan pisan ipun murburang , sangsara sane nyepolin.

Balikan ipun yen pade deweke katiben manah maresah, jantos ibuk paling natakin kasedihan, taler katiben pajengah-jengah, sawitrane raris olas sarat ipun ngebkebin, tan pisan ipun merberang dini ditu, sedih pakewuhe sane ngarawuhin.

317.   Yen ring agete macunduk, ledang jroning kulawargi,ipun tan duleg ring manah,tan nuturang kemo-mai, sekep antuka ngilidang, mangda tan mebo kasisi.

Yen katuju aget macepuk ring indike subagia,mawastu lega sakulawarga, tan pisan I sawitra madue kayun irihati , taler tan pisan ipun nyatwayang ring dija-dija , ilid pisan antuk ipun ngengkebang, mangda tan maleleh bone mailehan.

318.   Ipun sane banget kukuh, tan taen ngejoh makelid, kala katiben sungkawa, baya panyengkala malih, nyadya ipun sareng nandang, tan pisan ngutang mlaibin.

Sawitrane punika pageh kadahatan, tan naenin ipun ngedoh jantos maninggaln, ring kenjekan katiben kasungsutan, utawi katiben baya miwah kanyengkala mabuat, nyadia pisan ipn sareng natakin kasedihane punika , tan pisan ipun ngutang malaibin.

319.   Taler nuju sami mupu , ring tegal miwah ring carik, mabati madadagaangan, sami ngawe legan hati, ipun sareng nora belas, satata pageh nampingin.

Sapunika taler balikan ipun rikala sami mupuang , ring tegale kapingkalih ring carike malih akeh polih bati madolan, sami indike punika ngentikang kalegan manah, sareng kemaon taler kakantenane punika tan ja mapalasan ipun, kukuh ipun tan telad nungguin

320.   Ipun nyadia matatulung, kala pakewuh ngalilit, duhkita kalara-lara , kantine sareng nandakin, nulung antuk arta brana, dyastu lampah bela pati.

Misadia pisan ipun mamanah nulungin, ring kenjekan pakewuhe banget ngaliput , nandangin kasedihan saha kasakitan , sawitrane punika sareng ipun natakin, natingin antuk arta miwah berana, yadiastun ipun nulungin antuk lampah ngemasin padem.

321.   Sawitrane sane ngatut , kala suka miwah sedih, patpat sane dados dasar, maka cihna ipun jati, madue kayun tulus tur las, tan menga ipun makanti.

Kakantenane sane tan naenin mabelasan, ring kenjekan manemu kalegan pituwi kala manggih kasedihan, patpat sane patut anggen dasar, nyiriang ipun punika sujati pisan, anak sane madue kayun tatuwian turmaning las, tan pisan madue kayun obah ring indik masawitra.

322.   Yen ipun manggih pakewuh, kawentenan ipun sami, sakancannya kaberberang,yen sedeng deweke sedih, tan pisan ipun nuturang kasimpen sekep di hati

(1) Yen katuju ipun tepen pakewuh,pakewuh ipune makasami, terang katelatarang salwir ipun (2) Yen deweke sedeng nanggenin kasedihan, tan pisan ipun ngortayang ring dija-dija, kasimpen kahilidang pisan ring jroning kayun.

323.   Ipun tan pacing malayu, ninggal deweke padidi, kala tepen panyengkala, muwuh ipun manulungin, deweke ne kadukitan, riantuk nyaruang hurip.

(3) I sawitra tan pisan jaga malaibin , ngutang deweke padidi , ring kenjekan mamanggih panyengkala tuwi abot miwah dangan, (4) ipun sane sarat nulungin, rikala deweke katiben kasangsaran, antuk lampah tuwi jantos mabela pati.

SAWITRA MAKELING

324.   Rikala paacang mamurug, kapatutan sanghyang aji, melog-melog miwah mobab, salwir solahe tan becik, kantine rauh ngandegang, ngurungang ngardine salit.

Ring nuju mamanah pacang mamurug , daging kapatutane sane munggah ring sanghyang agama , masolah melog-melog miwah ngarawos sane bobab, cutet ipun sakancan solahe sane tan patut,I sawitra olas rawuh makelingin , mangda tan durus masolah kasasar.

325.   Kala masolah rahayu , madana sida akikit, nulungin sang kakewuhan, bakti ring sang mraga mraga lingsir, taler murukin agama ,salwir ngawe legan hati.

Ring kenejekan ngardi karahayuan antuk ipun, mapaweweh yata akedik kasidan antuk, nulungin anak sane mamanggih pakewuh, ngandap kasor narawos bakti ring anak lingsir, taler seleg malajahin agama, sakancan solahe sane ngentikang kaledangan manah.

326.   Sawitrane banget adung, saha ledang manuturin, banget ipun mamatutang, turmaning ngangsokan raris , ngalanturang parisolah, salwir pakardine becik.

Kakantenane banget pisan anut manah ipun, turmaning madasar ledang makelingin , maliha banget pisan mamatutang pidabdabe punika, saha sarat pisan raris nundunin , mangda nerusang parisolahe punika, sakancan solahe sane sida ngardiang kabecikane ring jagate,

327.   Prakantine olas tuhu, ngajah pituture singid, ne kantun mraga rahasia, ne pecak during kuningin, ngawe panguninge limbak, anggen pangancan mahurip.

Sawitrane sane sujati madue kayun asih, ledang ngurukang tatwane sane luhur, sane marupa paplajahan sane rahasia, sane dumun tan pisan naenin kaplajahin, mangda nyidayan nadosang panguninge sumayan kembang, mangda dados anggen pangancan ring sajroning mahurip.

328.   Ledang raris mapitutur , mangda tatas manguningin, sane ngardi karahayuan, anggen bekel jroning hurip, tulya margi nuju swargan, suka ring sampune mati

Madasar antuk kayune ledang sawitrane raris makelingin, mangda sayan –sayan terang antuk ngawaspadayang, sane encen sujaati ngentikang karahayuan, punika raris anggen babuntilan ring sajronin huripe mangkin, sane sat waluya rurung nuju jagat subagia, manggih suka ring sampune ninggal jagat puniki.

329.   Patpat dasar anggen ngukur , kantine sane makeling, napi ne patut solahang, jati manah ipun asih, nulus malih papolosan, maraga sawitra jati.

Kabawos patpat sane dados dasar anggen nulekin, sawitrane sane seneng makelingang , sane marupa patut jaga laksanayang, kantine sane sujati madue kayun dahat sayang, kayun sane tatuwian saha papolosan, sawitrane sane jati-jati maraga sawitra.

330.   Ipun sane banget nyurung, ngardi solah sane becik,ne manut ring kapatutan, taler ipun mialangin, kala pacing ngardi corah, ring nuju manahe paling.

(1) Sawitrane becik sane banget matatjepin, mangda seneng ngardi solah sane patut, sane manut ring daging kadharman, (2) Sawitrane taler sane ngampatin , ring nuju ngacepang jaga ngardi solah sane corah, rikala manahe ibuk saha paling.

331.   Ipun makeling satuwuk, tuture during huningin, sane ngardi karahayuan, lana matjuhin margi, ne nuju jagat kaditwan, suka ring sampune mati.

(3) Ipun taler sane satata teleb ngajahang , paplajahane sane during huningin, sane dados anggen ngardi kasubagian, (4) Ipun taler sane tan waneh-waneh matujuhin rurung, sane jaga ngojogang ring jagat kaditwan , mangda mamanggih kasubagian ring sampune matinggal saking jagate puniki

SAWITRA ADUNG SUTINDIH

332.   Malih sawitrane nulus, tan mrasa suka ring hati, kala deweke sangsara, pakewuh dahat manindih, ipun sareng mangrasayang, makrana ipun tan jahil,

Maliha kakantenane jati madue kayun polos tatuwian, tan pisan marasa suka ring manah ipun, rikala deweke nanggenin sedih, pakewuhe kadahatan sane manetehin I sawitra sareng ngarasayang kasedihane punika, mawinan tan mentik manah ipune jahil nganistayang.

333.   Ipun subagya ring kayun, egar maduluran kenying, yen manggih deweke suka, sami pamupune becik, pyanake polih pakaryan, twara ipun iri hati.

I sawitra banget pisan marasa lega ring manah ipunkawuwuhin antuk egar malihmasemu kenyung , kala ngantenang deweke manggih kasubagian, nuju sami becik pamupune ring tegal carike, dulurin malih antuk pianake sadia polih pakaryan , tan pisan makenyit manah ipun duleg iri hati.

334.   Yen wenten anak marusbus, rawose banget tan becik, deweke lana kacadcad,ipun sane mialangin, anake nyelek-nyelekang, merberang ne tan sujati.

Yen wenten anak uyut katah pisan ngarawos,majarang sane kalangkung tan becik, deweke sane kaceda,kapisuhin, isawitra sane iju rawuh ngampatin, madabdabin anake sane ngarawos nyelek-nyelekang, santukan murburang sane tan sujati.

335.   Ipun taler sareng nyumbung, anake ngrawosang becik, solah deweke ring jagat, madana-dana nulungin, ipun dahat mamatutang, solahe becik kapuji.

Isawitra sareng taler nagjumang, anake sane ngarawosang sujati becik, parisolah deweke iriki ring jagate, makadi seeng mapaweweh saha sering matatulung, isawitra banget mamatutang anake punika, sawireh solahe sane becik punika sane kapuji kajunjungang.

336.   Patpat sane dados sikut, ne jaga anggen nepasin , ne jati sawitra kocap, adung turmaning masaing, ne satata ngutsahayang, nemu rahayu di gumi.

Kabawos patpat sane dados anggen dasar , sane jaga anggen nelekin, sawitrane sane jati-jati kabawos sawitra , sane madue kayun anut malih matampih, kakantenane sane tan mari ngupayaang, mangda sida kasubagian ring jagate.

337.   Ipun tan ledang ring kayun,manggihin deweke sedih, ipun ngarasayang, tur mrasa ledang tan sipi, kala deweke nyidayang, manggih kasukan mahurip.

(1) Isawitra tan pisan marasa lega ring manah ipun, yen manggihin deweke nanggenin sedih kalara-lara, sareng ipun ngarasayang kasedihane punika, (2) sakemaon kalangkung lega karasayang ring manah ipun, ring kenjekan deweke puput mresidayangg, manggih kasubagiane mahurip ring jagate

338.   Ipun mialangin terus , yen deweke kacadcadin, kocap degag malih corah, nanging ipun banget muji , saha sareng mamatutang, anake ngrawosang becik.

(3) Isawitra punika sane terus kemaon manambakin, anake sane ngarawos pariceda ring deweke , kaucapang sombang malih malaksana twara patut, (40 sakemaon I sawitra banget pisan ipun mamuji , turmaning kaliwatmamatutang , anake sane majarang deweke anak sane becik-becik.

339.   Sujati wenten akutus , sane kasengguhang kanti, sane becik patpat kocap, patpat sane corah malih, krana patut waspadayang, pilihin kantine becik.

Kawiaktian ipun wenten akutus katah ipun, sane kawastanin sawitra, kabawosang sawitrane becik-becik wenten patpat,,,,, malih sane patpat sawitra sane corah-corah, punika awinannyandang pisan tangarin, ngalihin ngaruruh kakantenane sane becik-becik kemaon.

340.   Sane sida ngawe landuh, kantine jati makanti, kabawos kanti pasrayan, taler kantine makeling, kanti kala suka duhka, lan  kanti adung matampih.

Sawitrane sane nyidayang ngawinang huripe bagia, sawitrane sane jati-jati sawitra , sane kawastanin sawitra matatulung, sawitrane sane mapitutur malih,sawitrane sane manggeh masawitrarikala manggihsuka lan duhka, lianan malih sawitrane sane anut saha masaing

341.   Kanti corah tulya musuh, ngawe sedih nto impasin, sawitrane sane loba,taler sane akehan munyi, kanti sane ngutang-ngutang, kanti sane nyangut malih.

Sawitrane sane corah tan mabinayan ipun ring musuh, sane satata ngentikang kasedihan mawianan nyandangpisan punika kelidin, makadi kakantenane sane madue sipat loba, taler sawitrane sane akehan rawos,nanging tan muputang karya, malih sawitrane sane ngutang-ngutang ,teos malih sawitrane sane ngajum-ajum kadi sangut.

PAMUPUT

PUPUH SINOM

342.   Puput ida sanghyang Buddha, nelatarang makasami,sane ngaregedin solah, patpat bacakannya sami, tur sane ngawinang mentik, solah sane sarwa letuh, katah ipun taler patpat, punika nyandang tangarin, metu lacur, yen kantun neket ring raga

Inggih kengin sampun puput palungguh ida batara Buddha, indik ida nerangang paplajahane makasami, ngeninin salwir sane ngaletehin parisolah, kandikayang patpat bacakan ipun makasami, samaliha taler kandikayang indike sane ngawinang tumbuh, parisolahe sane sarwa corah, patpat taler katah ipun, makasamin ipun patut pisan yatnain, santukan jaga ngentikangkasangsaran, yen kantun punika banget madeket ring padewekane.

343.   Mwah parurungane nemnem, ngawinang huripe sedih, satata nyerod nuwunang, pamuput ring kawah ngungsi, malih ne kabawos kanti, ne corah miwah rahayu, kandikayangterang galang, mangda becik ban milihin, sane patut, saratang anggen sawitra.

Teosan ring sane kabawos punika malih pamargine sane nemnem katah ipun, sane jaga ngentikang kasedihan ring sajroning mahurip, maliha sane ngawinang huripe tan mari nyeririt nedunang, tur pamuput jaga tiba ring kawah nerakane, maliha  sampun taler kandikayang bacakan sawitra, kakantenane sane corah taler kakantenane sane rahayu, katelatarang sampun galang apadang, mangda huning raris milih-mlihin, encen sawitrane sane becik, punika saratang pisan tampekin anggen kakantenan.

PUPUT

SADHU SADHU SADHU